Mga Gibo 24:25 - Marahay na Bareta Biblia

²⁵ Alagad kan ipinagsasaysay na ni Pablo an dapit sa matanos na buhay, pagpupugol sa sadiri, saka dapit sa maabot na paghukom, natakot si Felix kaya nagsabi siya ki Pablo, “Makakahale ka na ngunyan. Ipapaapod taka giraray kun may panahon naman ako.”

Mga Gibo 24:25 ပူးပေါင်းရင်းမြစ်များ

2 Samuel 23:3

Nagtaram an Dios nin Israel; an Gapo nin Israel nagtaram sako: “An hade na nagsasakop na may katanosan, na nagsasakop na may pagkatakot sa Dios,

1 Mga Hade 21:27

Kan madangog ni Ahab an mga sinabi ni Elias, ginisi niya an saiyang gubing saka nagsulot nin sako. Nag-ayuno siya, nagkatorog na sulot an sako asin naglakaw na mamondo nin makuri.

2 Mga Hade 22:19

asin nagsolsol ka saka nagpakumbaba sa atubangan ko. Pakadangog kan plano kong pagpadusa sa Jerusalem asin sa mga nag-eerok digdi, tanganing magin sinda mapungaw saka magin maldisyon. Ginisi mo an saimong gubing saka naghibi sa atubang ko. Nadangog ko an saimong pamibi,

Esdras 10:3

Ngunyan kaipuhan na manuga kita sa satuyang Dios na papalayason nyato an mga babaeng ini asin an saindang mga aki. Gigibohon mi an pagboot mo asin kan gabos na nag-oomaw sa Dios. Gigibohon mi an hinahagad kan Katogonan nin Dios.

Esdras 10:9

Sa laog nin tolong aldaw, kan ikabeynteng aldaw kan ikasiyam na bulan, an gabos na lalaki na nag-eerok sa teritoryo nin Juda asin Benjamin nagduruman sa Jerusalem asin nagtiripon sa plasa kan Templo. Makosog kaidto an uran, asin huli kan panahon saka kan importansya kan pagtiripon, tinarakigan an gabos.

An Libro ni Job 29:14

Isinulot ko an katanosan, asin nagubingan ako kaiyan; an sakong hustisya nakakaagid sa sarong abito saka sarong turban.

Salmo 11:7

An Kagurangnan matanos asin namomoot sa mga matanos na gibo; an minagibo kaiyan mag-eerok sa saiyang atubang.

Salmo 119:120

Nagtatakig an sakong laman sa takot saimo; natatakot ako sa saimong paghukom.

Salmo 45:7

namomoot ka sa katanosan asin naoongis sa karatan. Kaya linahidan ka nin Dios, na saimong Dios, kan lana nin kaogmahan orog ki sa ibang mga hade.

Salmo 72:2

Hukoman niya logod sa katanosan an saimong banwaan, asin sa hustisya an saimong mga dukha!

Salmo 99:1

An Kagurangnan naghahade; magtakig an mga banwaan. Nagtutukaw siya sa saiyang trono, sa ibabaw kan mga kerubin; maglinog an daga.

Mga Talinhaga 16:12

Ikinakaongis kan mga hade an paggibo nin karatan, huli ta hustisya an nagpapakosog nin sarong gobyerno.

Parahulit 11:9

Mga hoben, ipag-ogma nindo an saindong pagkanihoben; mag-ogma kamo mantang kamo aki pa. Giboha an boot nindo asin sunoda an kamawotan kan saindong puso. Alagad giromdomon nindo na huhukoman kamo nin Dios sa gabos nindong gibo.

Parahulit 12:14

Huhukoman nin Dios an gabos nyatong gibo, marahay man o maraot, maski an mga bagay na ginibo sa hilom.

Parahulit 5:8

Dai ka magngalas kun mahiling mo na an mga dukha inaapi kan gobyerno asin isinasayuma sainda an katanosan saka an saindang deretso; huli ta an lambang opisyal dinedepensahan kan mas halangkaw saiya, asin sindang duwa dinedepensahan man kan mas halangkaw pa sainda.

Isaias 1:18

“Madya, mag-olay kita,” an sabi nin Kagurangnan. “Maski arog kapula sa dugo an saimong mga kasalan magigin maputi iyan siring sa nyebe; maski iyan arog kapula sa purpura, iyan magigin siring sa puting telang lana.

Isaias 1:21

Paano nagin arog sa maraot na babae an maimbod na syudad, na pano kaidto nin katanosan? Kaidto nag-erok saiya an mga matanos, alagad ngunyan mga paragadan an yaon diyan.

Isaias 16:5

Dangan magigin hade an sarong kapagarakian ni David, asin pamamayohan niya an banwaan sa kaimbodan saka sa pagkamoot. Magigin marikas siya sa paggibo kan tama; bilang hukom, ipapahiling niya an hustisya.)

Isaias 32:11

Namuhay kamo nin matiwasay asin mayo nin mga kahaditan; alagad pagtakig kamo sa takot! Hubaa nindo an saindong mga gubing, asin pagsulot kamo nin sako.

Isaias 41:21

An Kagurangnan, an hade nin Israel, nagsasabi kaini: “Kamong mga dios-dios kan mga nasyon, sangatan nindo an saindong kaso. Ipahayag nindo an saindong pinakamarahay na depensa!

Isaias 55:6

Hanapa nindo an Kagurangnan mantang makukua siya, pag-apod kamo saiya mantang harani siya.

Isaias 61:8

Nagsasabi an Kagurangnan, “An hustisya sakong namomotan asin an panghabon saka karatan sakong naoongisan. Maimbod kong babalosan an sakong banwaan asin magibo ako sainda nin mayong tapos na tipan.

Isaias 66:2

Ako mismo an naglalang kan bilog na kinaban! Alagad nawiwilihan ko an mga mapakumbaba asin nagsosolsol, an mga may pagkatakot saka nagkukuyog sa sako.

Jeremias 22:3

“Ako, an Kagurangnan, nagboboot saindo na gibohon nindo an matanos asin tama. Iligtas nindo sa madaya an dinadaya. Dai nindo paggibohan nin maraot o pag-apihon an mga dayuhan, mga ilo, asin an mga babaeng balo; dai nindo paggadanon an mga tawong mayong sala sa lugar na ini.

Jeremias 23:29

Arog sa kalayo an sakong mensahe saka arog sa martilyo na minaronot nin gapo.

Jeremias 36:16

Pakabasa niya, takot na naghirilingan sinda asin nagsabi ki Baruc, “Kaipuhan ibareta nyamo ini sa hade.”

Ezekiel 45:9

Nagtaram an Kagurangnan Dios, “Nagkasala kamo sa haloy nang panahon, mga pamayo nin Israel! Ontoka nindo an kadahasan asin an pang-aapi. Giboha nindo an matanos asin tama. Dai na nanggad nindo pagpahaleon sa saindang daga an sakuyang banwaan. Ako, an Kagurangnan Dios, an nagtataram saindo kaini.

Daniel 12:2

Mabubuhay giraray an kadaklan sa mga gadan na; an nagkapira mabubuhay sagkod pa man, mantang an iba magtitios nin daing kataposan na kasosopgan.

Daniel 4:27

Kaya, Mahal na Hade, sunoda an sakong hatol. Ontoka an saimong pagkakasala, giboha an matanos, asin magin maherakon ka sa dukha. Dangan magpapadagos an saimong kauswagan.”

Daniel 5:30

Kan banggi man sanang idto ginadan si Belsazzar, an hade nin Babilonia;

Oseas 10:12

Nagsabi ako, ‘Aradohon nindo asin tanoman nin katanosan an dai pa natatanoman na daga, dangan anihon an mga biyaya na magigin bunga kan saindong pagigin maimbod sako. Panahon na tanganing magbalik kamo sako, an saindong Kagurangnan, asin madatong ako dangan mawaras nin mga biyaya sa saindo.’

Oseas 10:4

Mayo nin kahulogan an saindang mga sinasabi; naggibo sinda nin bakong totoong mga sumpa asin mayong halagang mga tipan. An hustisya nagin inhustisya, na nagtatalubo arog sa nakakahudong na doot sa sarong inaradong oma.

Oseas 7:5

An hade saka an mga opisyal kaini binurat ninda asin pinangagin mga lolong huli sa arak kan magselebrar an hade kan saiyang kaaldawan.

Amos 5:24

Embes kaiyan, pabulosa nindo an hustisya siring sa pagbulos kan salog, asin an katanosan siring sa sapa na dai nagmamara.

Amos 6:12

Pinapadalagan daw sa kagapoan an kabayo? Ipinag-aarado daw an baka sa dagat? Alagad an hustisya ginibo nindong hudong asin an tama ginibo nindong sala.

Habakkuk 3:16

Nadadangog ko an gabos na ini, asin tinatakigan ako; an sakong ngabil nagkikimigkimig sa takot. Nanluluya an sakong hawak, asin nagkakasiringkog an sakong mga bitis. Daing girong na hahalaton ko an pag-abot kan panahon na papadusahan nin Dios an nagsasalakay sato.

Hageo 1:2

An Kagurangnan nin mga hukbo nagsabi ki Hageo, “An mga tawong ini nagsasabi na bako pa ini an tamang panahon sa paghirahay kan Templo.”

Mateo 22:5

Alagad pinasipara ini kan gabos: an saro nagduman sa saiyang oma, an saro sa saiyang negosyo.

Juan 16:8

Pag-abot niya, papatunayan niya sa mga tawo na nasasala sinda dapit sa kasalan, sa katanosan, asin sa paghukom nin Dios:

Mga Gibo 10:42

Pinagbotan niya kami na maghulit kan ebanghelyo sa mga tawo asin magpatotoo na siya an ginibo nin Dios na magin hukom kan mga buhay asin kan mga gadan.

Mga Gibo 17:13

Alagad kan maaraman kan mga Judio sa Tesalonica na naghulit man si Pablo kan tataramon nin Dios sa Berea, nagduman sinda dangan pinaribok an mga tawo.

Mga Gibo 17:2

Siring sa dati niyang ugale, naglaog si Pablo sa sinagoga. Sa laog nin tolong semana, nakipagdebate siya sa mga tawo pag-aabot kan aldaw na Sabbath. An pinagbasaran niya iyo an mga Kasuratan.

Mga Gibo 17:32

Kan madangog ninda an sinabi ni Pablo dapit sa pagkabuhay liwat, pinagtuya-tuya siya kan iba, alagad an iba man nagsabi, “Boot ming magtaram ka giraray dapit kaini.”

Mga Gibo 2:37

Kan madangog ini kan mga tawo, napurisaw sinda nin marahay, kaya hinapot ninda si Pedro saka an ibang mga apostol, “Mga tugang, ano an dapat ming gibohon?”

Mga Gibo 24:15

Arog ninda, naniniwala man ako na bubuhayon liwat nin Dios an mga gadan, mga banal man o bako.

Mga Gibo 24:26

Naglaom man si Felix na matao si Pablo nin suhol tanganing butasan siya, kaya dayaday niyang ipinapaapod si Pablo asin nakikipag-olay siya saiya.

Mga Gibo 26:28

Tinaraman ni Agripa si Pablo, “Sa halipot na panahon boot mo akong magin Cristiano!”

Mga Gibo 9:6

Tumindog ka, magduman ka sa syudad, asin sasabihan ka duman kan dapat mong gibohon.”

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

Roma 14:12

Kaya an lambang saro sato matao nin kwenta kan sadiri niyang buhay sa Dios.

Roma 2:16

Mangyayari ini sa Aldaw na hukoman nin Dios sa paagi ni Jesu-Cristo an mga hilom na iniisip kan tawo, sosog sa Marahay na Bareta na ipinaghuhulit ko.

1 Corinto 4:5

Kaya dai nindo dapat paghukoman an siisay man bago umabot an tamang panahon; halaton nindo an pag-abot kan Kagurangnan. Ihahayag niya sa liwanag an mga natatago sa kadikloman saka an mga natatagong kamawotan sa puso nin tawo. Dangan aakoon kan lambang saro hale sa Dios an kaomawan na maninigo saiya.

2 Corinto 5:10

Huli ta kita gabos maatubang ki Cristo tanganing hukoman niya. An lambang saro maako kan maninigo saiya, sosog sa saiyang mga marahay o maraot na gibo, kan nabubuhay pa siya sa kinaban na ini.

2 Corinto 6:2

An Dios nagsasabi: “Dinangog taka sa tamang panahon, tinabangan taka sa aldaw nin kaligtasan.” Maghinanyog kamo! Ngunyan an tamang panahon; ngunyan an aldaw nin kaligtasan!

Galacia 3:22

Alagad nasasabi sa kasuratan na an bilog na kinaban nasa kapangyarihan nin kasalan; kaya, an ipinanuga nin Dios huli sa pagtubod ki Jesu-Cristo, itinatao sa mga tawong igwa nin pagtubod.

Galacia 5:23

kahoyoan saka pagpugol sa sadiri. Mayo nin katogonan tumang sa mga bagay na ini.

2 Timoteo 4:1

Sa atubang nin Dios asin ni Cristo Jesus na iyo an mahukom kan mga nabubuhay pa sagkod kan mga nagadan na, asin huli ta maabot siya tanganing maghade, sinasadol taka

Tito 1:8

Kundi dapat bukas an harong niya sa pagpadagos sa kapwa, mamomoton sa anoman na marahay, mahuyo, matanos, banal saka tataong magpugol sa sadiri.

Hebreyo 12:21

Makatatakot an saindang natatanaw, mala ta si Moises nagsabi, “Tinatakigan ako sa takot.”

Hebreyo 3:13

Mantang an tataramon na “ngunyan na aldaw” sa kasuratan ipinapanongod pa sato, magpatarabang-tabang kamo aroaldaw sa pagpakosog kan saindong boot, tanganing mayo saindong madaya kan kasalan saka magin matagas an payo.

Hebreyo 4:1

Kaya mantang nagdadanay an panuga nin Dios na makakalaog kita sa pahingaloan niya, mag-ingat kita tanganing mayong masabi na dai kita nakapasar sa paglaog duman.

Hebreyo 6:2

dapit sa mga katukdoan manongod sa pagbunyag, sa pagdoon nin kamot sa mga paratubod, sa pagkabuhay liwat kan mga gadan, asin sa daing kataposan na paghukom.

Hebreyo 9:27

Itinalaan na sarong beses sana magadan an lambang tawo, dangan an paghukom.

Santiago 2:19

Minatubod ka na igwa nin saro sanang Dios? Marahay! An mga demonyo minatubod man—pinagtatakigan pa sa takot.

1 Pedro 3:15

Galangan nindo sa saindong puso si Cristo bilang Kagurangnan. Magin andam kamo sa gabos na oras sa pagsimbag sa kiisay man na maghagad saindo nin paliwanag dapit kan paglaom na yaon saindo.

2 Pedro 1:6

sa pakaaram, an pagpupugol sa sadiri; sa pagpupugol sa sadiri, an pakatagal; sa pakatagal, an kabanalan;

1 Juan 3:10

Uya an kalaenan kan mga aki nin Dios sa mga aki nin diablo: an dai naggigibo nin tama o dai namomoot sa kapwa niya, bakong aki nin Dios.

1 Juan 3:7

Mga aki ko, dai kamo magpadaya sa kiisay man! An siisay man na naggigibo nin tama, matanos arog ni Cristo.

1 Samuel 12:7

Tindog kamo sa saindong namumugtakan, asin susudyaon ko kamo sa atubangan nin Kagurangnan huli sa pagpagiromdom saindo kan mapangyaring gibo nin Kagurangnan sa pagligtas saindo asin sa saindong mga ginikanan.