Mga Gibo 23:16 - Marahay na Bareta Biblia

¹⁶ Alagad an planong ini nadangog kan sobrino ni Pablo (an ina niya tugang ni Pablo), kaya nagduman siya sa kwartel dangan inosipan si Pablo.

Mga Gibo 23:16 ပူးပေါင်းရင်းမြစ်များ

2 Samuel 17:17

Naghahalat si Jonatan na aking lalaki ni Abiatar asin si Ahimaaz na aking lalaki ni Zadok sa burabod sa Enrogel, huli ta habo nindang mahiling sa laog kan syudad. Sarong sorogoon na babae an danay na minaduman asin minaosip sainda kan nangyayari, dangan sinda an minaduman ki Hadeng David saka minaosip saiya.

Mga Talinhaga 21:30

An kadonongan, pakasabot asin hatol nin tawo dai makakatabang kun an Kagurangnan laban saimo.

Mga Talinhaga 24:15

Dai ka mag-arog sa tampalasan na nananalakat nin harong nin matanos asin nananamsam kan saiyang rogaring.

Mga Panambitan 3:37

Mayo nin siisay man na nakapagboot asin nakagibo nin anoman kun bakong huli sa kabotan nin Kagurangnan.

Mga Gibo 21:34

Manlaen-laen an simbag na ikinurahaw kan mga tawo, kaya dai nasabotan kan komandante kun ano talaga an nangyari. Kaya pinagbotan niya an saiyang mga soldados na darahon si Pablo sa kwartel.

Mga Gibo 21:37

Kan ilalaog na si Pablo sa kwartel, naghapot siya sa komandante, “Pwede daw akong magtaram saimo?” Nagsabi an komandante, “Tatao kang magtaram nin Griyego?

Mga Gibo 23:10

Kan nagin mainit an pasuruhay, natakot an komandante na tibaad gadanon ninda si Pablo. Kaya pinagbotan niya an mga soldados na agawon sainda si Pablo dangan ilaog sa kwartel.

Mga Gibo 23:17

Inapod ni Pablo an saro kan mga opisyal saka sinabihan, “Ibahan mo an hoben na ini sa komandante ta igwa siya nin isasabi saiya.”

Mga Gibo 23:32

Sunod na aldaw, an mga naglalakaw sanang mga soldados an nagbalik sa kwartel; an mga nakakabayo iyo na sana an nag-iba ki Pablo.

Mga Gibo 24:23

Pinagbotan ni Felix an opisyal na namamahala ki Pablo na bantayan siya, alagad tawan man siya nin dikit na katalingkasan, saka tugotan an saiyang mga katood na magdara saiya kan mga kaipuhan niya.

1 Corinto 3:19

Huli ta an kadonongan kan kinaban na ini, kalolongan para sa Dios. Siring sa nasusurat, “Sinisiod nin Dios an mga madonong na tawo sa sadiri nindang katusohan.”