Mga Gibo 23:12 - Marahay na Bareta Biblia

¹² Pagkaaga, nagtiripon an nagkapirang mga Judio asin nagkaoroyon sinda na gadanon si Pablo. Nagsumpa sinda na dai makakan o mainom nin anoman sagkod na magadan ninda si Pablo.

Mga Gibo 23:12 ပူးပေါင်းရင်းမြစ်များ

Genesis 37:18

Natanawan ninda si Jose sa harayo asin bago ini nakaabot sainda, nakaplano na sindang gadanon siya.

1 Mga Hade 19:2

Dangan pinadarahan ni Jezebel si Elias nin mensahe: “Gadanon logod ako kan mga dios kun sa siring kaining oras sa aga dai ko gibohon saimo an bagay na ginibo mo sa mga propeta.”

2 Mga Hade 6:31

Nagsabi an hade, “Gadanon logod ako nin Dios kun dai ko papugotan si Eliseo ngunyan na aldaw!”

Nehemias 10:29

nakikisumaro sa samuyang mga lider sa pagsumpa na kami mamumuhay sosog sa Katogonan nin Dios, na itinao nin Dios huli ki Moises na saiyang sorogoon; na kukuyogon mi an gabos na pagboot samo nin Kagurangnan na samong Kagurangnan; na ootobon mi an gabos niyang katogonan asin pagsusundon; na mapapairarom kami sa sarong maldisyon kun lapason mi iyan.

Esther 2:22

Naaraman ni Mardokeo an plano kaya inosip niya ini ki Reyna Esther. Inosip ni Reyna Esther sa hade an naaraman ni Mardokeo.

Salmo 31:13

Nadangog ko an hinghing kan kadaklan; nin takot ako napapalibotan. Boronyog na nag-iisip sinda tumang sako, nagpaplano nin paggadan sako.

Jeremias 11:19

Garo ako mahuyong kordero na dinara pasiring sa bunoan, asin dai ko aram na laban sako an pinaplano nindang karatan. Nagsabi sinda, “Palodon ta an kahoy mantang namumunga; gadanon ta siya tanganing mayo na nin makagiromdom saiya.”

Levitico 27:29

Maski an sarong tawo na idinusay sa siring na paagi, dai pwedeng tuboson; dapat gadanon.

Mateo 26:4

asin nagplano sindang hilom na dakopon si Jesus saka ipagadan.

Mateo 26:74

Dangan nagsimbag si Pedro, “Magadan man ako, talagang dai ko midbid an tawong iyan!” Pakataram niya kaini, nagturaok an manok.

Mateo 27:25

An gabos na tawo nagsimbag, “Kargo mi asin kan mga aki mi an saiyang kagadanan!”

Mga Gibo 23:13

Masobra sa kwarenta katawo an nagplano kaini.

Mga Gibo 23:14

Nagduman sinda sa mga poon na padi saka sa mga kamagurangan dangan nagsabi, “Nagsumpa kami gabos na dai kami makakan nin anoman sagkod na magadan mi si Pablo.

Mga Gibo 23:21

Alagad dai ka magtubod sainda huli ta may sobra sa kwarenta katawo na maghihipa saiya. Gabos sinda nagsumpa na dai makakan o mainom sagkod na magadan ninda siya. Ngunyan andam na sinda asin naghahalat na sana kan saimong simbag.”

Mga Gibo 23:30

Kan maosipan ako na pinaghuhumotan siyang gadanon, pinagmarahay kong ipadara siya tolos saimo. Sinabihan ko man an mga nagsumbong tumang saiya na isaysay saimo an saindang mga sumbong.”

Mga Gibo 25:3

na ibalik niya si Pablo sa Jerusalem. Igwa sinda nin plano na hipaan si Pablo sa dalan dangan gadanon.

Mga Gibo 9:23

Pakalihis nin dakul na aldaw, nagplano an mga Judio na gadanon si Saulo.

Mga Gibo 9:24

Alagad naaraman ni Saulo an homa ninda. Aldaw-banggi nindang pinaghipaan siya sa mga trangkahan kan syudad tanganing gadanon.

1 Corinto 16:22

An siisay man na dai namomoot sa Kagurangnan, maldisyonon man logod! Maranatha—madya, samong Kagurangnan!

2 Corinto 11:26

Sa mga pagbyahe ko, nasa pag-alaman ako sa mga baha, mga tulisan, sa mga kapwa ko Judio saka sa mga pagano. Nasa pag-alaman an buhay ko sa mga syudad, kalangtadan, kadagatan, saka sa mga bakong tunay na katood.

Galacia 3:13

Ilinigtas kita ni Cristo sa maldisyon na dara kan Katogonan. Siya an minaldisyon embes na kita, huli ta nasusurat, “An siisay man na binitay sa kahoy minaldisyon.”

1 Tesalonica 2:16

Hiningowa pa nindang paontokon kami sa paghulit sa mga pagano kan mensahe na magliligtas sa mga ini. Huli kaini uminabot na sa kasagkoran an gabos na kasalan na danay nindang ginigibo. Kaya ngunyan uminabot na an kaanggotan nin Dios sainda.

Josue 6:26

Sa panahon na ini, nagtao si Josue nin sarong patanid: “Mamaldisyonon nin Kagurangnan an siisay man na magpatindog giraray kan syudad nin Jerico. Magagadan an matuang aking lalaki kan siisay man na magbugtak kan pundasyon kan syudad; Magagadan an ngohod na aking lalaki kan siisay man na magpatindog kan mga trangkahan kaiyan.”

Josue 7:1

Alagad dai nasunod an pagboot nin Kagurangnan sa Israel na dai magkua sa Jerico kan mga bagay na susuloon. Sarong lalaki na an ngaran Acan an naglapas kan pagboot na ini, kaya naanggot an Kagurangnan sa mga Israelita. (Si Acan iyo an aki ni Carmi asin makoapo ni Zabdi kan kamaganakan ni Zera kan tribu ni Juda.)

Josue 7:15

An siisay man na pilion ko asin makuahan kan mga bagay na ipinagboot kong suloon iyo an tututongon, kaiba an saiyang pamilya sagkod an gabos niyang pagsadiri, huli ta dinarahan niya nin dakulang kasosopgan an Israel asin linapas niya an sakong tipan.”

1 Samuel 14:24

Maluluya na an mga Israelita kan aldaw na idto, huli ta nagboot si Saul: “Maldisyonon an siisay man na magkakan nin ano man sa aldaw na ini bago ako makabalos sa sakong mga kaiwal.” Kaya mayo nin siisay man na nagkakan kan aldaw na idto.