Mga Gibo 22:7 - Marahay na Bareta Biblia

⁷ Nahulog ako sa kabayo, dangan nadangog ko an sarong tingog na nagsabi, ‘Saulo, Saulo, tadaw ta pinapasakitan mo ako?’

Mga Gibo 22:7 ပူးပေါင်းရင်းမြစ်များ

Genesis 16:8

Hinapot siya kan anghel, “Hagar, oripon ni Sarai, saen ka hale asin saen ka maduman?” Nagsimbag siya, “Nagdudulag ako ki Sarai na sakong kagurangnan.”

Genesis 22:1

Pakatapos kaini, binalo nin Dios si Abraham. Inapod niya ini, “Abraham!” “Uya ako,” an simbag kaini.

Genesis 22:11

Alagad, hale sa langit, inapod siya kan anghel nin Kagurangnan, “Abraham, Abraham!” “Uya ako,” an simbag niya.

Genesis 3:9

Alagad inapod nin Kagurangnan Dios an lalaki, “Haen ka?”

Exodo 3:4

Kan mahiling nin Kagurangnan na nagrarani si Moises, nag-apod siya hale sa tahaw kan nagkakalayong tinanom, “Moises! Moises!” “Uya ako,” an simbag ni Moises.

Jeremias 2:5

Ini an sinasabi nin Kagurangnan: “Anong karatan an nakua sako kan saindong mga ginikanan ta sinda nagharayo sako? Nagsamba sinda sa mga ladawan na mayo nin halaga kaya sinda nagin mayo na man nin halaga.

Jeremias 2:9

“Kaya ako, an Kagurangnan, mareklamo laban sa sakong banwaan. Irereklamo ko an saindang mga kapagarakian.

Mateo 25:45

Masimbag an Hade sainda, ‘Sa katotoohan sinasabihan ko kamo, an dai nindo ginibo sa saro kan mga pinakasadit na ini, dai man nindo ginibo sako.’

Mateo 27:23

Naghapot giraray si Pilato, “Anong karatan an naginibo niya?” Alagad orog sindang nagkurahaw, “Ipako siya sa krus!”

Mga Gibo 22:6

“Odto kaidto asin nagdadangadang na ako sa Damasco, kan biglang nagsilyab sa palibot ko an sarong liwanag hale sa langit.

Mga Gibo 22:8

Naghapot ako, ‘Siisay ka, Kagurangnan?’ Nagsimbag siya, ‘Ako si Jesus na taga Nazaret, na saimong pinapasakitan.’

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

1 Timoteo 1:13

maski kaidto nagtaram ako nin maraot dapit saiya, nagpasakit asin naglanghad saiya. Alagad naherak sako an Dios, huli ta bako pa akong paratubod kaidto asin dai ko aram an sakong ginigibo.

1 Samuel 3:10

Nag-abot an Kagurangnan, nagtindog duman, asin nag-apod arog kan enot, “Samuel! Samuel!” Nagsimbag si Samuel, “Magtaram ka, huli ta naghihinanyog an saimong sorogoon.”