Mga Gibo 22:14 - Marahay na Bareta Biblia

¹⁴ Nagsabi siya, ‘Pinili ka kan Dios nin satong mga ginikanan tanganing maaraman mo an saiyang kabotan, mahiling an saiyang banal na Sorogoon, asin madangog an saiyang tingog.

Mga Gibo 22:14 ပူးပေါင်းရင်းမြစ်များ

2 Mga Hade 21:22

Isinikwal niya an Kagurangnan, an Dios nin saiyang mga ginikanan, asin dai niya kinuyog an mga pagboot nin Kagurangnan.

1 Mga Cronica 12:17

Nagluwas si David asin sinabat sinda dangan sinabihan, “Kun napadigdi kamo bilang mga katood sa pagtabang sako, inaako ko kamo. Alagad kun iniisip nindong ipasaluib ako sa akong mga kaiwal, maski mayo man ako nin sala, maiisihan iyan kan Dios nin satong mga ginikanan, asin papadusahan niya kamo.”

1 Mga Cronica 29:18

O Kagurangnan, Dios nin samong mga ginikanan na si Abraham, si Isaac asin si Jacob, papagdanaya an siring na mga katuyohan asin mga kaisipan sa puso nin saimong banwaan, dangan giboha sindang maimbod saimo.

2 Mga Cronica 28:25

Sa lambang syudad saka banwa nin Juda, nagtugdok siya nin paganong mga lugar na pagsasambahan, saen tututongon an mga insenso para sa mga dios-dios. Huli kaini, naanggot saiya an Kagurangnan, an Dios kan saiyang mga ginikanan.

2 Mga Cronica 30:19

“O Kagurangnan, Dios nin samuyang mga ginikanan, sa saimong pagkamarahayon patawada an mga nagsasamba saimo nin tudok sa puso, maski dai sinda nakapag-otob kan mga pagsusundon manongod sa paglinig.”

Esdras 7:27

Nagsabi si Esdras, “Pagomawon an Kagurangnan, an Dios nin samuyang mga ginikanan, na naghiro kan puso kan emperador tanganing pagayonon an Templo nin Kagurangnan sa Jerusalem,

Exodo 15:2

An Kagurangnan an sakong kosog asin awit, siya an sakong kaligtasan; siya an sakong Dios, kaya sakong oomawon; Dios nin sakong ama, kaya sakong papalangkawon.

Jeremias 1:5

“Pinili ko na ika bago taka hinaman sa tulak kan saimong ina, asin kinonsagra taka na bago ka namundag; pinili takang magin propeta nin mga nasyon.”

Daniel 2:23

Inoomaw taka asin ginagalangan, Dios nin sakuyang mga ginikanan. Ika an nagtao sako nin kosog asin kadonongan; sinimbag mo an sakong pamibi asin ipinahiling samo an isasabi sa hade.”

Juan 15:16

Bako kamo an nagpili sako; ako an nagpili asin nagsugo saindo na maglakaw saka na mamunga kamo, patin magdanay an bunga nindong iyan. Huli kaini, itatao saindo kan Ama an anoman na hagadon nindo saiya sa ngaran ko.

Mga Gibo 13:17

An Dios kan mga Israelita iyo an nagpili sa satong mga ginikanan. Pinadakul niya an mga Israelita kan panahon na sinda nag-erok sa Egipto. Dangan kinua sinda nin Dios sa Egipto sa paagi kan saiyang dakulang kapangyarihan.

Mga Gibo 22:15

Huli ta magigin saksi ka niya sa atubangan kan gabos na tawo dapit sa saimong nahiling saka nadangog.

Mga Gibo 22:18

Nahiling ko an Kagurangnan na nagsabi sako, ‘Maghidali ka! Maghale ka tolos sa Jerusalem, huli ta dai aakoon kan mga tawo digdi an saimong sasabihon dapit sako.’

Mga Gibo 24:14

Alagad ini an masasabi ko saimo: naglilingkod ako sa Dios nin samuyang mga ginikanan sosog sa Dalan na inaapod nindang bakong totoo; alagad tinutubod ko man an gabos na nasusurat sa Katogonan ni Moises saka sa mga libro kan mga propeta.

Mga Gibo 26:16

Alagad tumindog ka! Nagpahiling ako saimo tanganing gibohon takang sorogoon ko; magigin saksi ka sa mga nahiling mo ngunyan manongod sako saka sa mga ipapahiling ko saimo ngapit.

Mga Gibo 5:30

An Dios kan samong mga ginikanan, iyo an nagbuhay liwat ki Jesus na ginadan nindo kan ipako nindo siya sa krus.

Mga Gibo 7:52

Igwa daw lamang maski sarong propeta na dai pinasakitan kan saindong mga ginikanan? Ginadan ninda an mga nagpahayag dapit sa pag-abot kan saiyang Matanos na Sorogoon, na saindong ipinasaluib asin ipinagadan.

Mga Gibo 9:15

Sinabihan siya nin Kagurangnan, “Dumuman ka, huli ta pinili ko siyang maglingkod sako, tanganing ipamidbid niya an sakong ngaran sa mga pagano, sa mga hade saka sa mga Israelita.

Mga Gibo 9:17

Kaya nagduman si Ananias, naglaog sa harong saka idinuta an saiyang mga kamot ki Saulo. Sinabihan niya ini, “Tugang na Saulo, sinugo ako nin Kagurangnan na Jesus na nagpahiling saimo sa dalan kan nagpapasiring ka digdi. Sinugo niya ako tanganing makahiling ka giraray asin mapano ka kan Espiritu Santo.”

Roma 1:1

Surat na hale ki Pablo na sorogoon ni Cristo Jesus, pinili asin inapod nin Dios na magin apostol tanganing maghulit kan Marahay na Bareta niya.

1 Corinto 11:23

Huli ta an itinukdo ko saindo iyo an katukdoan na inako ko sa Kagurangnan: na kan bangging pinasaluiban si Jesus na Kagurangnan, nagkua siya nin tinapay,

1 Corinto 15:3

Ipinaghulit ko saindo an pinakamahalagang katukdoan na inako ko: na si Cristo nagadan huli kan satong mga kasalan, siring sa nasasabi sa mga Kasuratan;

1 Corinto 15:8

Sa kahuri-hurihi nagpahiling man siya sako—maski ako siring sa sarong aking namundag na sala sa panahon.

1 Corinto 9:1

Bakong talingkas ako? Bakong apostol ako? Bakong nahiling ko si Jesus na satong Kagurangnan? Bakong kamo an bunga kan paglingkod ko sa Kagurangnan?

2 Corinto 5:21

Mayo lamang nin kasalan si Cristo, alagad huli sato idinamay siya nin Dios sa satong mga pagkakasala tanganing sa pakisumaro saiya, magkaigwa kita kan katanosan nin Dios.

Galacia 1:12

Dai ko iyan inako sa kiisay man na tawo, ni dai man itinukdo sako nin siisay man. Si Jesu-Cristo mismo an nagpahayag sako kaiyan.

Galacia 1:15

Alagad, pinili ako nin Dios bago pa ako namundag, asin inapod niya ako huli kan saiyang biyaya. Kan binoot na niyang

2 Timoteo 1:1

Surat na hale ki Pablo na apostol ni Cristo Jesus huli sa kabotan nin Dios, asin sinugo tanganing magbalangibog kan ipinanugang buhay na nasa sato diyan ki Cristo Jesus.

Tito 1:1

Surat na hale ki Pablo na sorogoon nin Dios asin apostol ni Jesu-Cristo. Pinili ako saka sinugo tanganing tabangan na magtalubo an pagtubod kan mga tawong pinili nin Dios, asin makasabot sinda kan katotoohan na itinutukdo kan satong relihiyon,

1 Pedro 2:22

Dai siya nagkasala; dai nanggad siya nagtaram nin putik.

1 Juan 2:1

Isinusurat ko ini saindo, mga aki ko, tanganing dai kamo magkasala. Alagad kun may magkasala, igwa nin nakikimaherak para sato sa atubang kan Ama—si Jesu-Cristo, an matanos.