Mga Gibo 21:5 - Marahay na Bareta Biblia

⁵ Pakatapos kan pitong aldaw, nagpadagos na kami kan samong pagbyahe. Hinatod kami kan mga disipulo, kairiba an saindang mga agom saka mga aki, sagkod sa luwas kan syudad. Kami gabos nagluhod sa baybayon dangan namibi.

Mga Gibo 21:5 ပူးပေါင်းရင်းမြစ်များ

1 Mga Hade 8:54

Nakaluhod si Solomon sa atubangan kan altar asin nakaitaas an saiyang mga kamot mantang namimibi. Kan matapos an saiyang pamibi,

2 Mga Cronica 20:13

Nagtirindog duman sa atubangan nin Kagurangnan an gabos na lalaki nin Juda, kaiba an saindang mga agom saka mga aki.

Nehemias 12:43

Kan aldaw na idto, nagdolot sinda nin mga sakripisyo asin nag-ogma huli ta tinawan sinda nin Dios nin labi-labing kaogmahan. Nag-ogma man an mga babae asin an mga aki. An ribok kan saindang pag-ogma nadangog maski sa harayong lugar.

Salmo 95:6

Madya, magduko asin magsamba kita, lumuhod kita sa atubang nin Kagurangnan na satong Kaglalang!

Mateo 14:21

May limang ribong lalaki an nagkakan, dai kabilang an mga babae asin an mga aki.

Markos 1:40

Nagdolok ki Jesus an sarong daoton, nagluhod saka nakimaherak na tabangan. “Kun boot mo, malilinigan mo ako,” an sabi kan daoton.

Lukas 22:41

Dangan nag-oroenotan siya sainda na may sarong daklag nin gapo an distansya, asin nagluhod saka namibi.

Mga Gibo 15:3

Dinespedir sinda kan simbahan; sa pag-agi ninda sa Fenecia asin sa Samaria, ibinareta ninda duman an kombersyon sa Dios kan mga pagano. Nakapaogma ini nin marahay sa gabos na tugang.

Mga Gibo 17:10

Pagkabanggi, isinubol tolos kan mga tugang si Pablo saka si Silas paduman sa Berea. Pag-abot ninda duman, naglaog sinda sa sinagoga kan mga Judio.

Mga Gibo 20:36

Pakataram ni Pablo kaini, nagluhod siya dangan namibi kaiba ninda gabos.

Mga Gibo 20:38

Namondo sinda nin marahay sa sinabi niya na dai na siya ninda mahihiling giraray. Pakatapos, nag-iriba sinda saiya pasiring sa barko.

Mga Gibo 9:40

Pinaluwas sinda gabos ni Pedro sa kwarto, saka nagluhod siya asin namibi. Dangan nag-atubang siya sa bangkay asin nagsabi, “Tabita, magbangon ka!” Nagmuklat si Tabita, dangan kan mahiling si Pedro, nagtukaw siya.

Josue 24:15

Kun habo nindong maglingkod saiya, magpili kamo ngunyan kun siisay an saindong paglilingkodan, an mga dios-dios na dating sinasamba kan saindong mga ginikanan sa Mesopotamia o an mga dios-dios kan mga Amoreo, na an saindang daga iyo an saindong pinag-eerokan ngunyan. Alagad para sako asin para sa sakong pamilya, an Kagurangnan an samong paglilingkodan.”

Josue 8:35

An lambang pagboot ni Moises binasa ni Josue sa bilog na katiriponan, kaiba an kababaehan asin kaakian, siring man an mga dayuhan na nag-eerok sa kaibahan ninda.