Mga Gibo 21:33 - Marahay na Bareta Biblia

³³ Dinakop si Pablo kan komandante saka ipinagapos nin duwang kadena. Dangan hinapot kan komandante kun siisay siya asin kun ano an ginibo niya.

Mga Gibo 21:33 ပူးပေါင်းရင်းမြစ်များ

Mga Gibo 12:6

Kan banggi bago iatubang si Pedro ni Herodes sa mga tawo, torog siya sa tahaw nin duwang bantay. Nagagapos siya nin duwang kadena saka nababantayan pa an pintoan kan bilanggoan.

Mga Gibo 20:23

pwera sana kan pagpatanid na ginibo sako kan Espiritu Santo na sa lambang syudad na dudumanan ko, naghahalat sako an mga kasakitan saka an bilanggoan.

Mga Gibo 21:11

Nagdolok siya samo, kinua niya an hagkos ni Pablo saka ginapos kaiyan an sadiri niyang mga bitis saka mga kamot dangan nagsabi, “An Espiritu Santo nagsabi na an kagsadiri kan hagkos na ini gagaposon na arog kaini kan mga Judio duman sa Jerusalem, asin itatao sa mga pagano.”

Mga Gibo 22:29

Kaya biglang nagsiribog an mga masiyasat saiya; an komandante natakot man kan maaraman na si Pablo sarong syudadanong Romano, huli ta ipinagapos niya ini.

Mga Gibo 22:30

Boot maaraman kan komandante kun ano talaga an sumbong kan mga Judio tumang ki Pablo, kaya kan sunod na aldaw, ipinatangkas niya an mga kadena ni Pablo saka pinatiripon an mga poon na padi saka an bilog na Konseho. Dangan ipinakua niya si Pablo saka pinaatubang sainda.

Mga Gibo 25:16

Alagad sinabihan ko sinda na bakong kaugalean kan mga Romano na maghatol sa kiisay man kun dai ngona hampangon kan isinusumbong an mga nagsusumbong, dangan makapagdepensa siya tumang sa mga sumbong saiya.

Mga Gibo 26:29

Nagsimbag si Pablo, “Sa halipot o sa halawig man na panahon, an pamibi ko sa Dios iyo na bako sana ika kundi an gabos na nagdadangog sako ngunyan magin Cristianong arog sako—pwera kan mga kadenang ini!”

Mga Gibo 28:20

Iyo ini an dahelan kun tadaw ta hinagad ko na mahiling kamo asin makipag-olay saindo. Nakakadenahan ako dahel saiya, na iyo an paglaom kan mga Israelita.”

Efeso 6:20

Huli kan Marahay na Baretang ini sinugo ako, asin ngunyan nakakadenahan. Kaya mamibi kamo na ikahulit ko iyan na mayong takot siring sa maninigo kong gibohon.

Filipos 1:7

Maninigo na siring kaini an namamatean ko dapit saindo huli ta danay kamong nasa puso ko. Huli ta kamo gabos nakihiras sako sa biyayang ini na itinao sako nin Dios, maski ngunyan na nasa bilanggoan ako, asin siring man kaidto kan ako talingkas sa pagdepensa saka sa pagpatotoo kan Marahay na Bareta.

2 Timoteo 1:16

Maherakan logod nin Kagurangnan an pamilya ni Onesiforo, huli ta dakul na beses niya akong rinanga. Dai niya ikinasopog na nasa bilanggoan ako,

2 Timoteo 2:9

Huli sa Marahay na Bareta, nagdudusa ako; nakakadenahan na garo sarong kriminal. Alagad an tataramon nin Dios dai nakakadenahan,

Hukom 15:13

“Dai,” an simbag ninda, “gagaposon mi sana ika asin itatao sainda. Dai mi ika gagadanon.” Kaya ginapos ninda si Samson nin duwang bagong pisi asin ilinuwas hale sa lungib.

Hukom 16:12

Kaya kuminua si Delila nin bagong mga pisi dangan ginapos siya. Pakatapos nagkurahaw siya, “Samson, uya na an mga Filisteo!” Naghahalat sa ibong na kwarto an mga lalaki. Alagad pinatod ni Samson an mga pisi na garo sana mga torsido.

Hukom 16:21

Dinakop siya kan mga Filisteo asin binuta. Dinara siya ninda sa Gaza saen kinadenahan siya nin bronseng kadena dangan pinatrabaho sa gilingan duman sa bilanggoan.

Hukom 16:8

Kaya dinarahan si Delila kan mga hade kan mga Filisteo nin pitong bagong lubid kan pana na bako pang alang dangan ginapos ni Delila si Samson kaini.