Mga Gibo 21:30 - Marahay na Bareta Biblia

³⁰ Nakalakop sa syudad an kariribokan dangan sarabay na nagdaralagan an mga tawo; pinugol ninda si Pablo saka paguyod na ilinuwas sa Templo. Dangan sinerahan tolos an mga trangkahan.

Mga Gibo 21:30 ပူးပေါင်းရင်းမြစ်များ

2 Mga Hade 11:15

Habo ni Jehoiada na gadanon si Atalia sa laog kan Templo kaya pinagbotan niya an mga opisyal kan hukbo, “Isiblag siya sa grupo kan mga bantay, asin gadanon nindo an siisay man na maghingowang magligtas saiya.”

Mateo 2:3

Napurisaw na gayo si Hadeng Herodes kan maaraman niya ini, siring man an mga taga Jerusalem.

Mateo 21:10

Paglaog ni Jesus sa Jerusalem, naribok an bilog na syudad. Dakul na tawo an naghapot, “Siisay siya?”

Lukas 4:29

Nagtirindog sinda, ginuyod si Jesus paluwas sa banwaan asin dinara duman sa alitoktok kan bulod na namumugtakan kan saindang banwaan nganing ihulog siya sa ampas.

Mga Gibo 19:29

Huli kaini nagkariribok an bilog na syudad; gabos nagdaralagan pasiring sa teatro, dangan ginuyod si Gayo saka si Aristarco, an duwang taga Macedonia na kaiba ni Pablo sa biyahe.

Mga Gibo 26:21

Huli kaini dinakop ako kan mga Judio kan idtoon ako sa Templo, asin boot ninda akong gadanon.

2 Corinto 11:26

Sa mga pagbyahe ko, nasa pag-alaman ako sa mga baha, mga tulisan, sa mga kapwa ko Judio saka sa mga pagano. Nasa pag-alaman an buhay ko sa mga syudad, kalangtadan, kadagatan, saka sa mga bakong tunay na katood.