Mga Gibo 20:7 - Marahay na Bareta Biblia

⁷ Kan enot na aldaw kan semana, nagtiripon kami para sa pagbaak nin tinapay. Nagtaram si Pablo sa mga tawo sagkod sa matangang banggi, huli ta mahale na siya pagkaaga.

Mga Gibo 20:7 ပူးပေါင်းရင်းမြစ်များ

Nehemias 8:3

Binasa niya sainda duman an Katogonan, magpoon pagsirang kan aldaw sagkod odto, asin hinimate siya ninda nin marahay.

Nehemias 9:3

Sa laog nin tolong oras binasa sainda an Katogonan nin Kagurangnan na saindang Dios; an sunod na tolong oras ginamit ninda sa pagkumpisal kan saindang mga kasalan asin sa pagsamba sa Kagurangnan na saindang Dios.

Markos 16:9

Pagkabuhay liwat ni Jesus, amay pa kan enot na aldaw kan semana, nagpahiling siyang enot ki Maria Magdalena, na pinaluwasan niya nin pitong demonyo. Nagduruman an mga babae ki Pedro saka sa saiyang mga katood dangan inosip ninda sa halipot na osipon an gabos na isinabi sainda.

Lukas 22:19

Dangan nagkua siya nin tinapay, nagpasalamat, binaraak, itinao sa saiyang mga disipulo asin nagsabi, “Ini an sakong hawak, na itinatao para saindo. Gibohon nindo ini sa pagromdom sako.”

Lukas 24:35

Ipinaliwanag man sainda kan duwa an nangyari duman sa dalan, asin kun paanong namidbidan ninda an Kagurangnan sa pagbaak kan tinapay.

Juan 20:1

Madurudiklom pa kan Domingong aga, nagduman na si Maria Magdalena sa lulubngan. Nahiling niyang hinale na an gapong isenera sa pintoan kan lulubngan.

Juan 20:19

Pagkabanggi kan Domingo man sanang idto, nagtiripon an mga disipulo. Binaratan an mga pintoan kan harong na pinagtitiriponan ninda huli sa takot ninda sa mga Judio. Dangan naglaog si Jesus, puminatahaw sainda saka nagsabi, “Mapasaindo an katoninongan.”

Juan 20:26

Pakalihis nin sarong semana, nagtiripon giraray an mga disipulo duman sa laog kan harong; kaiba na ninda si Tomas. An mga pintoan binaratan, alagad naglaog si Jesus, puminatahaw sainda saka nagsabi, “Mapasaindo an katoninongan.”

Mga Gibo 16:10

Pakahiling ni Pablo kan bisyon na ini, tolos kaming nag-andam sa pagpasiring sa Macedonia, huli ta napaghorop-horop mi na inapod kami nin Dios tanganing ihulit an Marahay na Bareta sa mga tawo duman.

Mga Gibo 2:42

Maimbod sinda sa pag-adal kan mga katukdoan kan mga apostol; nakisumaro sinda sa pagtiripon, sa pagbaak kan tinapay asin sa pagpamibi.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Mga Gibo 20:11

Dangan nagbalik si Pablo sa itaas; binaak niya an tinapay saka nagkakan. Nakipag-olay pa siya sainda sagkod na nagsisirang na an aldaw. Dangan naghale siya.

Mga Gibo 20:31

Kaya mag-ingat kamo. Giromdomon nindo na sa laog nin tolong taon, aldaw-banggi ko kamong tinukdoan kaiba an dakul na luha.

Mga Gibo 20:5

Nag-erenot an mga tugang na ini dangan nagharalat samo sa Troas.

Mga Gibo 20:9

May sarong hoben na an ngaran Eutico na nakatukaw sa bintana. Huli ta haloy nang nagparataram si Pablo, inabot si Eutico nin pirot sagkod na siya nakatorog. Kaya nahulog siya sa daga hale sa ikatolong eskalon. Gadan na siya kan poroton ninda.

Mga Gibo 28:23

Kaya nagtalaan sinda nin sarong aldaw. Pag-abot kan aldaw na iyan, dakul na tawo an nagduman sa pinag-eerokan ni Pablo. Poon aga sagkod banggi, ipinaliwanag niya sainda an Kahadean nin Dios saka hiningowa niyang magtubod sinda ki Jesus sa paagi kan Katogonan ni Moises saka kan sinurat kan mga propeta.

1 Corinto 10:16

An kalis nin bendisyon na satong ipinapasalamat sa Dios, bako daw iyan pakisumaro sa dugo ni Cristo kun minainom kita diyan? An tinapay na satong binabaak, bakong pakisumaro iyan sa hawak ni Cristo kun minakakan kita kaiyan?

1 Corinto 15:10

Alagad huli kan biyaya nin Dios sako nagin siring ako kaini ngunyan, asin an biyaya niya sako dai nasayang. Sa katotoohan, nagtrabaho ako nin mas maigot ki sa ibang mga apostol, maski ngani bako mananggad ako an naggigibo, kundi an biyaya nin Dios na nasa sako.

1 Corinto 16:2

Sa enot na aldaw kan lambang semana, an lambang saro saindo kaipuhan na maglaen nin kantidad, sosog sa saiyang hinanapan; damoton niya iyan, tanganing pag-abot ko diyan dai na kaipuhan pang mangolekta.

2 Timoteo 4:2

na ipaghulit mo an mensahe, magmaigot ka sa pagpahayag kaiyan, nasa panahon man o bako; mandagka ka, magsagwe, saka magsadol; gabos gibohon na may kahoyoan asin tanganing makatukdo.

Kapahayagan 1:10

Kan Aldaw nin Kagurangnan, napano ako kan Espiritu asin nakadangog ako sa likodan ko nin makosog na tingog na garo tanog nin trompeta,