Mga Gibo 20:37 - Marahay na Bareta Biblia

³⁷ Nagtangis sinda gabos; kinugos ninda si Pablo asin hinadokan.

Mga Gibo 20:37 ပူးပေါင်းရင်းမြစ်များ

Genesis 45:14

Kinugos niya an saiyang tugang na si Benjamin asin naghibi; naghibi man si Benjamin mantang kugos ni Jose.

Genesis 46:29

Nagsakay si Jose sa saiyang karwahe asin sinabat an saiyang ama sa Goshen. Kan magkahilingan sinda, kinugos ni Jose an saiyang ama asin nagparahibi.

2 Samuel 15:30

Alagad naghihibi na nagtukad si David sa Bukid nin mga Oliba; nakabitis sana siya asin may tahob an payo bilang tanda nin pagmondo. An gabos na nagsunod saiya nagtahob man kan saindang payo asin naghibi.

1 Mga Hade 19:20

Binayaan ni Eliseo an saiyang mga baka, linamag si Elias asin nagsabi, “Tugote akong magpaaram ngona sa sakong ama saka ina, dangan masunod ako saimo.” Nagsimbag si Elias, “Magpuli ka. Dai taka pinupugolan.”

2 Mga Hade 20:3

“Giromdoma, O Kagurangnan, na maimbod asin bilog na puso takang pinaglingkodan; ginibo ko an matanos sa saimong atubang.” Dangan nagtangis siya nin makuri.

Esdras 10:1

Mantang namimibi saka nagkukumpisal si Esdras na naghihibi asin nakaduko sa atubang kan Templo, sarong dakulang grupo nin mga Israelita—mga lalaki, babae, asin mga aki—an nagtiripon sa palibot niya, naghihibi nin makuri.

An Libro ni Job 2:12

Harayo pa sinda, nahiling na ninda si Job, alagad dai ninda namidbidan. Kan mamidbid na ninda siya, naghiribi asin nagharaya sinda. Ginirisi ninda an saindang gubing sa kamondoan dangan nagpatoron nin alpog sa itaas saka sa saindang payo.

Salmo 126:5

An mga minasabwag na nagluluha, mag-ani logod na maogma.

Lukas 15:20

Kaya naglakaw siya papuli sa saiyang ama. “Harayo pa, natanawan na siya kan ama niya. Naherak nin marahay an saiyang ama, kaya nagdalagan ining nagsabat saiya, kinugos siya saka hinadokan.

Roma 16:16

Magkinomustahan kamo sa banal na hadok. An gabos na simbahan nin mga paratubod ki Cristo nangongomusta saindo.

1 Corinto 16:20

Kinokomusta man kamo kan gabos na tugang digdi. Magkinomustahan kamo sa banal na hadok.

2 Corinto 13:12

Magkinomustahan kamo sa banal na hadok. An gabos na banal nangongomusta saindo.

1 Tesalonica 5:26

Magkinomustahan kamo gabos sa banal na hadok.

2 Timoteo 1:4

Nagigiromdoman ko an mga pagluha mo, kaya aldaw-banggi akong nagmamawot na mahiling ka, tanganing mapano ako nin kaogmahan.

Kapahayagan 21:4

Papahidon niya an gabos nindang luha. Mayo na nin kagadanan, kamondoan, pagtangis o kasakitan, huli ta napara na an mga daan na bagay.”

Kapahayagan 7:17

huli ta an Kordero na nasa tahaw kan trono iyo an saindang pastor. Dadarahon niya sinda sa mga burabod nin tubig na nagtatao nin buhay, asin papahidon nin Dios an gabos na luha sa saindang mga mata.”

1 Samuel 20:41

Pakahale kan hoben, nagluwas si David hale sa likodan kan tambak nin mga gapo dangan makatolong beses siyang nagdapa sa daga. Parehong naghihibi na naghadokan si David saka si Jonatan; orog an kamondoan ni David ki sa ki Jonatan.