Mga Gibo 20:28 - Marahay na Bareta Biblia

²⁸ Kaya ingati nindo an saindong sadiri asin an bilog na katiriponan na ipinapaataman saindo kan Espiritu Santo. Magin pastor kamo kan simbahan nin Dios, na nagin sadiri niya huli kan kagadanan nin saiyang Aki.

Mga Gibo 20:28 ပူးပေါင်းရင်းမြစ်များ

Salmo 74:2

Giromdoma an saimong banwaan, na kaidtong panahon pinili mo para saimo; na tinubos mo sa kaoripnan tanganing magin sadiring tribu. Giromdoma an Bukid nin Sion na saimong dating pinag-erokan.

Mga Talinhaga 10:21

An mga tataramon kan matanos papakinabangan nin dakul na tawo, alagad pwedeng magadan an lolong huli kan saiyang kapatalan.

Isaias 40:11

Aatamanon niya an saiyang mga hayop siring sa sarong pastor; titiponon niya an mga kordero asin kokogoson niya sinda; luway-luway niyang pangengenotan an mga karnerong may ogbon.

Isaias 63:11

Alagad nagiromdoman ninda an nakaaging panahon, an panahon ni Moises, an sorogoon nin Kagurangnan, asin naghapot sinda, “Haen na ngunyan an Kagurangnan, na nagligtas kan mga lider nin saiyang banwaan kan nag-agi sinda sa dagat? Haen na an Kagurangnan, na nagtao kan saiyang espiritu ki Moises?

Jeremias 13:17

Alagad kun dai kamo maghinanyog, hilom akong magtatangis huli kan saindong kapalangkawan; mapait na matangis ako, asin mabulos an sakong luha huli ta nabihag an banwaan nin Kagurangnan.

Jeremias 13:20

Hilinga, Jerusalem! Nagdadangadang na an saimong mga kaiwal hale sa amihan! Haen na an mga tawong ipinapaniwala saimo, an banwaan na ipinag-orgulyo mo?

Jeremias 3:15

Tatawan ko kamo nin mga pamayo na nagkukuyog sako, asin papamayohan ninda kamo na may kadonongan saka pakasabot.

Jeremias 31:10

Nagtataram an Kagurangnan, “Mga nasyon, maghinanyog kamo sako saka ipahayag nindo an sakong mga tataramon sa hararayong baybayon. Iwinarak ko an sakong banwaan, alagad titiponon ko sinda saka babantayan arog kan pagbantay kan pastor sa saiyang mga karnero.

Ezekiel 34:3

Iniinom nindo an gatas, ginigibong gubing an balukag asin binubuno nindo an pinakamarahay na mga karnero, alagad dai nindo sinda inaataman.

Ezekiel 34:31

“Kamo, na sakong mga karnero, an ariponpon na sakuyang pinapakakan, iyo an sakong banwaan asin ako an saindong Dios,” an olay nin Kagurangnan Dios.

Mikas 5:4

Pagdatong niya, papamayohan niya an saiyang banwaan sa kosog na naghahale sa Kagurangnan asin sa kamurawayan kan ngaran nin Kagurangnan na saiyang Dios. Mamumuhay sa katoninongan an saiyang banwaan huli ta an mga tawo sa bilog na daga magmimidbid kan saiyang kadakulaan,

Mikas 7:14

Atamana siring sa sarong pastor an saimong banwaan, Kagurangnan, an banwaan na saimong pinili. Maski bako sindang sararo na nag-eerok sa kalangtadan, igwa nin matubang na daga sa palibot ninda. Padumana sinda sa mayaman na mga pasabsaban nin Basan saka Gilead, dangan pakakana sinda duman arog kan ginibo ninda kaidtong panahon.

Zacarias 11:4

Tinaraman ako nin Kagurangnan na sakong Dios, “Magin pastor ka kan mga karnero na bubunoon.

Mateo 16:18

“Kaya sinasabihan taka: Ika si Pedro, saro kang gapo asin sa ibabaw kan gapong ini papatindogon ko an sakong simbahan; dawa an kapangyarihan nin kagadanan dai nanggad makakadaog kaiyan.

Mateo 2:6

‘Ika, Betlehem, sa daga nin Juda, bakong ika an pinakasadit sa mga nangengenot na syudad nin Juda; huli ta saimo magikan an sarong lider na iyo an masakop kan sakong banwaan na Israel.’”

Markos 13:9

“Mag-ingat kamo, huli ta dadakopon kamo saka dadarahon sa husgado. Hahampakon kamo sa mga sinagoga; iaatubang kamo sa mga gobernador saka sa mga hade dahel sako tanganing magpatotoo sa atubang ninda.

Lukas 12:32

“Dai kamo matakot, sadit na ariponpon, huli ta kaogmahan kan saindong Ama na itao saindo an Kahadean.

Lukas 21:34

“Mag-ingat kamo ta tibaad malugom kamo sa karakanan, irinoman, saka sa kahaditan kan buhay na ini, asin biglang umabot saindo an Aldaw na iyan siring sa sarong siod;

Mga Gibo 13:2

Sarong aldaw, kan nagsasamba sinda sa Kagurangnan saka nag-aayuno, nagsabi sainda an Espiritu Santo, “Laena nindo para sako si Bernabe asin si Saulo para sa misyon na ipinanongod ko para sainda.”

Mga Gibo 14:23

Nagbugtak si Pablo asin si Bernabe nin mga kamagurangan na mamamahala sa lambang simbahan. Pakapamibi saka pakaayuno ninda, idinusay ninda an mga ini sa pangataman kan Kagurangnan na tinutubod ninda.

Mga Gibo 20:17

Hale sa Mileto, ipinaapod ni Pablo an mga kamagurangan kan simbahan sa Efeso na makipaghilingan saiya.

Mga Gibo 20:29

Aram ko na pakahale ko, lalaogon kamo nin mababangis na lobo asin dai ninda paliligtason an mga karnero ko.

Roma 16:16

Magkinomustahan kamo sa banal na hadok. An gabos na simbahan nin mga paratubod ki Cristo nangongomusta saindo.

1 Corinto 1:2

Para sa simbahan nin Dios sa Corinto, sa gabos na kinonsagra ki Cristo Jesus, inapod na magin banal kaiba kan gabos na tawo saen man na lugar na nagsasamba sa satong Kagurangnan na Jesu-Cristo, an Kagurangnan ninda asin Kagurangnan man nyato:

1 Corinto 10:32

Dai kamo magtao nin dahelan na magkasala an mga Judio, o an mga pagano, o an simbahan nin Dios.

1 Corinto 11:22

Tadaw! Mayo kamong mga sadiring harong na pwede nindong pagkakanan saka pag-inoman? O talagang dai nindo ginagalangan an simbahan nin Dios asin sinosopog nindo an mga dukha? Ano an sasabihon ko saindo dapit kaini? Omawon ko kamo? Dai!

1 Corinto 15:9

Huli ta ako an pinakasadit sa gabos na apostol—dai ngani ako maninigong apodon apostol, huli ta pinasakitan ko an simbahan nin Dios.

1 Corinto 6:20

kundi pagsadiri nin Dios;—mahal an pagkabakal niya saindo. Kaya gamiton man nindo an saindong hawak para sa kamurawayan nin Dios.

Galacia 1:13

Huli ta aram nindo an gibo ko kaidto kan maimbod pa ako sa Judaismo: pinasakitan ko nin makuri an simbahan nin Dios asin hiningowa kong marumpag iyan.

Efeso 1:14

An Espiritu Santo iyo an sangra kan satong pamana sagkod na makamtan nyato iyan, sa kaomawan nin saiyang kamurawayan!

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Efeso 4:11

Siya an “nagtao nin mga balaog sa mga tawo.” An iba ginibo niyang apostol, an iba propeta, an iba ebanghelista, an iba mga pastor saka mga paratukdo.

Filipos 1:1

Surat na hale ki Pablo saka ki Timoteo na mga sorogoon ni Cristo Jesus. Para sa gabos na banal diyan ki Cristo Jesus sa Filipos, kaiba an mga lider saka mga diakono kan simbahan:

Colosas 1:14

na iyo an nagkalda satuya saka nagpatawad kan satong mga kasalan.

Colosas 4:17

Sabihan nindo si Arquipo na taposon nanggad niya an trabahong inako niya sa Kagurangnan.

1 Timoteo 3:1

An kasabihan na ini totoo: kun igwang nagmamawot nin maigot na magin lider sa simbahan, nagmamawot siya nin marahay na trabaho.

1 Timoteo 3:2

An lider dapat sarong tawo na mayong digta an pamumuhay. Dapat saro sana an agom niya, tataong magpugol sa sadiri, toltol sa isip, may dignidad, bukas an harong sa pagpadagos sa kapwa, marahay magtukdo.

1 Timoteo 3:5

Huli ta kun an sarong tawo dai tataong magpadalagan kan sadiri niyang pamilya, paano siyang makapangataman kan simbahan nin Dios?

1 Timoteo 4:14

Dai mo pagpabayaan an balaog na yaon saimo, na itinao saimo kan magtaram an mga propeta asin kan idoon saimo kan mga kamagurangan an saindang mga kamot.

1 Timoteo 4:16

Ingatan mo an saimong gibo saka pagtukdo. Padagosa an paggibo kan mga bagay na ini, huli ta sa siring na gibo makakaligtas ka sagkod an mga nagdadangog saimo.

1 Timoteo 5:17

Dapat bayadan nin doble an mga kamagurangan na marahay an gibo bilang lider, orog na idtong nagtatrabaho nin maigot sa paghulit saka sa pagtukdo.

Tito 1:7

An sarong lider dapat na mayo nin katuyawan bilang pinaniniwalaan kan trabaho nin Dios; bakong mapalangkaw, o aranggoton, o paraburat, o parapakiiwal, o makikwarta.

Tito 2:14

Idinolot niya an saiyang buhay para sato, tanganing iligtas kita sa gabos na kasalan asin linigan na magin saiya sanang banwaan, na maigot sa paggibo nin marahay.

Hebreyo 12:15

Hingowahon nindo na mayo nin siisay man na magtalikod sa biyaya nin Dios; mayo nin siisay man saindo na magin siring sa sarong mapait na tanom na minatalubo saka ginigikanan nin karibokan asin nakakadigta sa dakul.

Hebreyo 13:17

Kuyogon nindo an saindong mga lider saka sunodon nindo an saindang mga pagboot. Dai sinda nag-oontok sa pagbantay kan saindong mga kalag, huli ta aram nindang matao sinda nin kwenta sa Dios kan saindang paglingkod saiya. Kun kuyogon nindo sinda, maogma nindang gigibohon an saindang katongdan; kun dai, mamondo nindang gigibohon iyan asin mayo iyan nin pakinabang para saindo.

1 Pedro 2:25

Kaidto garo kamo mga karnerong nagkaralagalag, alagad ngunyan nagbalik na kamo sa Pastor asin Paraataman kan saindong mga kalag.

1 Pedro 2:9

Alagad kamo an piniling rasa, mga padi kan Hade, sarong nasyon na banal, saka mga tawong sadiri nin Dios. Pinili kamo tanganing magbareta kan mga makangangalas na gibo nin Dios na iyo an nag-apod saindo hale sa kadikloman pasiring sa saiyang makangangalas na liwanag.

1 Juan 1:7

Alagad kun nabubuhay kita sa liwanag—siring na an Dios nasa liwanag—may pagkasararo kita, asin an dugo ni Jesus na saiyang Aki an minalinig sato sa gabos na kasalan.

Kapahayagan 5:9

Dangan inawit ninda an bagong awit na ini: “Ika an maninigong magkua kan libro, asin magtangkas kan mga selyo kaiyan. Huli ta ika ginadan dangan tinubos mo para sa Dios an mga tawo sa paagi kan saimong dugo, mga tawong hale sa manlaen-laen na tribu, lengwahe, rasa saka nasyon.