Mga Gibo 2:5 - Marahay na Bareta Biblia

⁵ May mga Judiong maki-Dios na hale sa manlaen-laen na nasyon na nag-eerok duman sa Jerusalem.

Mga Gibo 2:5 ပူးပေါင်းရင်းမြစ်များ

Exodo 23:16

“Selebraron nindo an Pyesta nin Pag-ani pagpoon kan saindong pag-ani kan mga bunga nin saindong kapagalan, nin saindong tinanom sa oma. “Sa kataposan kan taon selebraron nindo an Pyesta nin mga Harong-harong kun gunoon na nindo asin tiponon an mga bunga kan saindong ubasan, asin kan iba pang mga kahoy.

Isaias 66:18

Aram ko an saindang mga iniisip saka ginigibo. Madatong ako sa pagtipon kan katawohan kan gabos na nasyon. Kun magkatiripon na sinda, mahihiling ninda kun ano an nagigibo kan sakong kapangyarihan

Zacarias 8:18

Itinao kan Kagurangnan nin mga hukbo an mensaheng ini ki Zacarias:

Mateo 24:14

Ining Marahay na Bareta dapit sa Kahadean nin langit ipaghuhulit sa bilog na kinaban, tanganing maaraman kan gabos na nasyon; dangan mangyayari an kataposan.

Lukas 17:24

Siring na an kikilat minasilyab hale sa sarong poro sagkod sa ibong na poro kan kalangitan, arog man kaiyan an pag-abot kan Aki nin Tawo.

Lukas 2:25

Sa Jerusalem may sarong tawo kaidto na an ngaran Simeon. Siya matanos asin maimbod sa Dios; naghahalat siya kan kaligtasan nin Israel. Nasa saiya an Espiritu Santo,

Lukas 24:18

An saro sainda, na an ngaran Cleofas, nagsimbag, “Ika sana sa mga nagdalaw sa Jerusalem an dai nakakaaram kan mga nangyari kaining mga huring aldaw.”

Juan 12:20

May mga Griyego man na nagduman sa Jerusalem para sa pyesta tanganing magsamba.

Mga Gibo 10:2

Maki-Dios an kapitan na ini. Siya saka an bilog niyang pamilya nagsasamba sa Dios. Naglilimos siya nin dakul sa mga dukhang Judio, asin danay na namimibi sa Dios.

Mga Gibo 10:7

Pakahale kan anghel, inapod ni Cornelio an duwa niyang sorogoon saka an sarong maki-Dios na soldados na kabilang sa mga naglilingkod saiya.

Mga Gibo 13:50

Alagad pinaribok kan mga Judio an mga lalaking namamayo kan syudad asin an mga babaeng ginagalangan saka maki-Dios. Huli kaini, pinasakitan ninda si Pablo saka si Bernabe dangan pinahale sa saindang teritoryo.

Mga Gibo 2:1

Kan mag-abot an aldaw nin Pentecostes, nagkatiripon sa sarong lugar an gabos na paratubod.

Mga Gibo 22:12

“Igwa sa Damasco nin sarong lalaki na an ngaran Ananias, sarong tawong maki-Dios na nagkukuyog kan satong Katogonan asin ginagalangan kan gabos na Judio na nag-eerok duman.

Mga Gibo 8:2

Ilinubong si Esteban kan nagkapirang mga tawong maki-Dios, asin ipinagmondo ninda nin marahay an saiyang pagkagadan.

Mga Gibo 8:27

Kaya nag-andam si Felipe saka naglakaw. May sarong eunuko na taga Etiopia na papuli na hale sa pagsamba sa Dios sa Jerusalem. Saro siyang mahalagang opisyal na namamahala sa kayamanan kan Candace, an reyna kan Etiopia. Mantang nasa karwahe siya, binabasa niya an libro ni Propeta Isaias.

Deuteronomio 2:25

Magpoon ngunyan na aldaw, gigibohon kong katakotan kamo kan gabos na tawo sa kinaban. Magtatarakig sa takot an siisay man na makadangog kan saindong ngaran.’

Colosas 1:23

Alagad kaipuhan kamong magdanay na maimbod asin masarig sa pagtubod. Dai nindo ipagsuhay saindo an paglaom na nakua nindo kan madangog nindo an Marahay na Bareta. An Marahay na Baretang ini an ipinaghulit sa bilog na kinaban; ako, si Pablo, naging sarong sorogoon na naghuhulit kaiyan.