Mga Gibo 2:27 - Marahay na Bareta Biblia

²⁷ huli ta an sakong kalag dai mo papabayaan sa kinaban kan mga gadan, dai mo itutugot na malapa an hawak kan Banal mong Sorogoon.

Mga Gibo 2:27 ပူးပေါင်းရင်းမြစ်များ

Salmo 116:3

Napalibotan ako kan mga siod nin kagadanan; pinugol ako kan kasakitan nin Sheol; napano ako nin takot asin kahandalan.

Salmo 16:10

huli ta dai mo ako itinatao sa kagadanan, asin an saimong namomotan dai mo pinapabayaan sa lulubngan.

Salmo 49:15

Alagad ililigtas nin Dios an sakong kalag; ililigtas niya sa kapangyarihan nin kagadanan.

Salmo 86:13

Huli ta dakula an danay mong pagkamoot sa sako; asin hinawas mo sa kairaroman nin Sheol an kalag ko.

Salmo 89:19

Sa sarong bisyon kaidto, nagtaram ka sa saimong maimbod na mga sorogoon, “Tinabangan ko an sarong bantog na soldados; itinao ko an trono sa tawong pinili ko hale sa banwaan.

Jonas 2:6

Nakaabot ako sa mga gamot kan kabukidan, pasiring sa daga na an mga trangkahan danay na serado sagkod pa man. Alagad ika, O Kagurangnan na sakuyang Dios, an naghawas kan sakong buhay hale sa kairaroman.

Mateo 11:23

Asin ika, Capernaum! Boot mong iitaas sagkod sa langit? Ihuhulog ka sa impyerno! Huli ta kun an mga milagro na ginibo saimo ginibo sa Sodoma, an banwaan na idto yaon pa kutana ngunyan!

Markos 1:24

“Ano an boot mong gibohon samo, Jesus na taga Nazaret? Nagdigdi ka sa paglaglag samo? Midbid taka: ika an banal na sugo nin Dios!”

Lukas 1:35

Nagsimbag an anghel, “Mahilig saimo an Espiritu Santo asin lilindongan ka kan kapangyarihan kan Kahorohalangkaweng Dios. Kaya banal an ipapangaki mo na aapodon Aki nin Dios.

Lukas 16:23

Kan nasasakitan na an mayaman duman sa Hades, nagtangad siya asin nahiling niya sa harayo si Abraham saka si Lazaro sa kataed kaini.

Lukas 24:44

Pakatapos, sinabihan niya sinda, “Iyo ini an mga sinabi ko saindo kan kaiba pa nindo ako: dapat maotob an gabos na isinurat dapit sako sa Katogonan ni Moises, sa kasuratan kan mga propeta asin sa mga Salmo.”

Lukas 4:34

“Anong labot mo samo, Jesus na taga Nazaret? Nagdigdi ka sa pagrumpag samo? Midbid taka—ika an banal na sugo nin Dios!”

Juan 11:39

“Halea nindo an gapo!” an sabi ni Jesus. Nagsimbag si Marta na tugang kan gadan, “Kagurangnan, may parong na an bangkay huli ta apat na aldaw na siyang gadan!”

Mga Gibo 2:26

Kaya naogma an puso ko, an sakong mga tataramon pano nin kaogmahan; asin an sakong laman mapahingalo na may paglaom;

Mga Gibo 2:28

Itinukdo mo sako an dalan pasiring sa buhay, papanoon mo ako nin kaogmahan huli kan saimong presensya.

Mga Gibo 2:31

Nahiling ni David an gigibohon nin Dios, kaya ipinahayag niya an pagkabuhay liwat kan Cristo, kan sabihon niyang, ‘Dai siya pinabayaan sa kinaban kan mga gadan; dai nalapa an saiyang hawak sa lulubngan.’

Mga Gibo 3:14

Banal siya saka matanos, alagad isinikwal nindo siya; hinagad pa nindo ki Pilato na talingkasan an sarong paragadan,

Mga Gibo 4:27

Sa syudad na ini, si Herodes, si Poncio Pilato, an mga pagano sagkod an mga taga Israel nagtiripon tumang ki Jesus, an saimong banal na Sorogoon na saimong linahidan.

1 Corinto 15:52

sa panali—sa sarong pagpirok nin mata—sa pagtanog kan huring trompeta. Huli ta sa pagtanog kan huring trompeta, an mga gadan bubuhayon liwat asin dai na magagadan; kita gabos maliliwat,

1 Corinto 15:55

“O Kagadanan, haen an kapangganahan mo? O Kagadanan, haen na an saimong kapangyarihan sa pagkulog?”

1 Juan 2:20

Alagad iwinaras na saindo ni Cristo an Espiritu Santo, kaya kamo gabos nakakaaram kan katotoohan.

Kapahayagan 1:18

an Nabubuhay! Nagadan ako, alagad ngunyan, buhay ako sagkod pa man. May kapangyarihan ako sa kagadanan asin sa Hades.

Kapahayagan 20:13

Dangan ilinuwas kan dagat an mga gadan na yaon saiya; siring man ilinuwas kan Kagadanan asin kan Hades an gabos na gadan na yaon sainda. Hinukoman an gabos sosog sa ginibo ninda.

Kapahayagan 3:7

“Suratan mo an anghel kan simbahan sa Filadelfia: “Iyo ini an mensahe kan Banal asin Totoo, na nagkakapot kan lyabe ni David; an pintoan na binubuksan niya mayo nin nakakasera; an sineserahan niya mayo nin nakakabukas.