Mga Gibo 2:14 - Marahay na Bareta Biblia

¹⁴ Dangan nagtindog si Pedro kaiba an onseng apostol, asin nagtaram nin makosog, “Mga kapwa ko Judio asin kamo na mga nag-eerok sa Jerusalem, dangoga asin sabota nindo an sasabihon ko.

Mga Gibo 2:14 ပူးပေါင်းရင်းမြစ်များ

Mga Talinhaga 8:32

“Kaya ngunyan, mga aki ko, hinanyoga nindo ako. Giboha nindo an sinasabi ko, asin magigin maogma kamo.

Isaias 40:9

Jerusalem, sumakat ka sa sarong halangkaw na bukid asin ipahayag mo an marahay na bareta! Magkurahaw ka sa makosog na tingog, Sion; ibalangibog mo an marahay na bareta! Magtaram ka asin dai ka matakot. Sabihi an mga banwa nin Juda, “Uya na an saindong Dios!”

Isaias 51:1

Nagsasabi an Kagurangnan, “Pagdangog kamo sako, kamo na boot na makaligtas, kamo na minadolok sako tanganing magpatabang. Isipa nindo an gapong saindong hinalean, an lugar na pinagkuahan saindo.

Isaias 51:4

“Pagdangog kamo, sakong banwaan, dangoga nindo an sakong sasabihon: itinatao ko an sakong katukdoan sa mga nasyon; maliliwanagan sinda huli kan sakong mga togon.

Isaias 51:7

“Pagdangog kamo, kamo na nakakaaram kan katanosan, kamo na an nasa puso iyo an sakong katogonan. Dai kamo matakot kun pagtuya-tuyaon asin pag-olog-ologon kamo nin katawohan;

Isaias 52:8

Nagkukurahaw an mga nagbabantay kan syudad, sarabay sindang nagkukurahaw sa kaogmahan! Nahihiling nanggad ninda an pagbalik nin Kagurangnan sa Sion!

Isaias 55:2

Tadaw ta inuubos nindo an saindong kwarta para sa dai nakakabasog? Tadaw ta inuubos nindo an saindong tandan asin padagos pa kamong nagugutom? Dangoga nindo ako asin giboha an sasabihon ko, dangan mananamitan nindo an pinakamarahay sa gabos na kakanon.

Isaias 58:1

Nagsasabi an Kagurangnan, “Pagkurahaw nin makosog! Sabihi an sakong banwaan na Israel dapit kan saindang mga kasalan!

Oseas 8:1

Nagsasabi an Kagurangnan, “Huyopa an trompeta huli ta nagdadangadang na sa sakong daga an mga kaiwal siring sa mga agila! Linapas kan sakong banwaan an sakong tipan, asin nagrebelde sinda tumang sa sakong katukdoan.

Mateo 2:1

Namundag si Jesus sa Betlehem nin Judea, kan si Herodes an hade. Dai nahaloy, nag-abot sa Jerusalem an mga mago hale sa sirangan.

Mga Gibo 1:26

Dangan pinagripahan ninda an duwang ngaran na pagpipilian. An ngaran ni Matias an napili kaya siya an idinagdag sa onseng apostol.

Mga Gibo 13:16

Nagtindog si Pablo, nagpasabot kan saiyang kamot na mag-alo sinda, saka nagtaram: “Mga kapwa ko Israelita asin kamong mga may pagkatakot sa Dios, dangoga ako nindo!

Mga Gibo 2:22

“Mga Israelita, hinanyoga nindo an mga tataramon na ini! Si Jesus na taga Nazaret sinugo nin Dios. Pinatunayan iyan sa paagi nin mga dakulang gibo, mga milagro, saka mga tanda na ginibo nin Dios sa tahaw nindo huli saiya. Aram nindo ini huli ta yaon kamo kan mangyari ini.

Mga Gibo 21:28

Nagkurahaw sinda, “Tabangi kami nindo, mga taga Israel! Iyo ini an tawong naglilibot saen man na lugar na nagtutukdo sa gabos tumang sa nasyon nin Israel, tumang sa Katogonan ni Moises asin tumang sa Templong ini. Laen pa kaini, ngunyan nag-iba pa siya nin nagkapirang mga Griyego sa laog kaining Templo kaya dinigtaan niya an banal na lugar na ini!” (

Mga Gibo 5:35

dangan sinabihan niya an Konseho, “Mga kahimanwa kong Israelita, mag-ingat kamo sa ginigibo nindo sa mga tawong ini.

Mga Gibo 7:2

Nagsimbag si Esteban, “Mga tugang saka mga magurang, himatea nindo ako! An Dios nin kamurawayan nagpahiling sa satong ginikanan na si Abraham kan yaon pa siya sa Mesopotamia, bago siya nag-erok sa Haran.

Deuteronomio 27:9

Dangan kaiba an mga pading Levita, nagsabi sa mga tawo si Moises, “Banwaan nin Israel, mag-alo kamo asin magdangog sako. Ngunyan na aldaw, kamo nagin banwaan nin Kagurangnan na saindong Dios;

Santiago 2:5

Paghinanyog kamo, mga namomotan kong tugang! Pinili nin Dios an mga dukha kaining kinaban na magin mayaman sa pagtubod saka paramana kan kahadean na ipinanuga niya sa mga namomoot saiya.