Mga Gibo 2:13 - Marahay na Bareta Biblia

¹³ Alagad an iba nagtuya-tuya sa mga paratubod asin nagsabi, “Burat an mga tawong iyan!”

Mga Gibo 2:13 ပူးပေါင်းရင်းမြစ်များ

An Libro ni Job 32:19

Kun dai ako makapagtaram, maputok ako arog sa sarong laogan na anit na pano nin bagong arak.

Awit nin mga Awit 7:9

asin an saimong ngoso siring sa pinakamarahay na arak. Pabulosa an arak pasiring sa sakong namomotan, magbubulos sa ibabaw kan saiyang mga ngabil saka ngipon.

Isaias 25:6

Digdi sa Bukid nin Sion, maandam nin bangkete an Kagurangnan nin mga hukbo para sa gabos na nasyon kan kinaban—sarong bangkete nin masiram na mga pagkakan asin managom na mga arak.

Zacarias 10:7

Magigin makosog arog sa mga soldados an banwaan nin Israel, maogma, siring sa mga lalaking nakainom pa sana nin arak. An kapangganahan na ini magigiromdoman kan saindang mga kapagarakian asin maoogma sinda huli kan ginibo nin Kagurangnan.

Zacarias 9:15

Iingatan kan Kagurangnan nin mga hukbo an saiyang banwaan, asin roronoton ninda an saindang mga kaiwal. Magkukurahaw sinda sa ralaban arog sa burat na mga lalaki asin papabuloson ninda an dugo kan saindang mga kaiwal; mabulos iyan siring sa dugo nin sarong sakripisyo na inula sa altar hale sa sarong mangko.

Zacarias 9:17

Orog na magigin marahay saka magayon an daga! Huli sa trigo saka arak, orog na magigin makosog an mga hoben na lalaki asin babae.

Mga Gibo 2:15

Bakong burat an mga tawong ini siring sa paghona nindo, huli ta alas nwebe pa sana nin aga.

1 Corinto 14:23

Kun magtiripon an simbahan, asin an gabos magtaram sa manlaen-laen na lengwahe, dangan igwa man na maglaog na nagkapirang tagaluwas o bakong paratubod, bakong masabi sindang mga bua kamo?

Efeso 5:18

Dai kamo magburat, huli ta mararaot an buhay nindo; kundi mapano logod kamo kan Espiritu.

1 Samuel 1:14

Sinabihan niya si Hanna, “Sagkod nuarin ka magigin burat? Mag-ontok ka na sa pag-inom asin magpaomay ka!”