Mga Gibo 2:10 - Marahay na Bareta Biblia

¹⁰ taga Frigia saka Pamfilia, taga Egipto saka mga taga rehiyon nin Libya harani sa Cirene. An iba sato mga bisita man na taga Roma,

Mga Gibo 2:10 ပူးပေါင်းရင်းမြစ်များ

Genesis 12:10

Nagkaigwa nin gutom sa Canaan, asin makuring gayo an gutom duman, kaya nagpasiring sa Egipto si Abram tanganing duman ngona mag-erok.

Esther 8:17

Kan basahon an pagboot kan hade sa lambang syudad saka probinsya, maogmang nagpyesta an mga Judio, nagbangkete saka nag-ogma. Dakul na tawo an nagpahayag na sinda mga Judio, huli ta natakot sinda sa mga Judio.

Jeremias 46:9

Magdalagan kamo, mga kabayo asin mga karwahe. Magsalakay kamo, mga soldados: mga lalaking taga Etiopia saka Libya na may darang mga kalasag, asin kamong mga taga Lydia na eksperto sa pagpana.’”

Ezekiel 30:5

“An gerang iyan magadan man kan mga binayadan na mga soldados hale sa Etiopia, Libya, Lydia, Arabia, Kub, asin sagkod kan mga hale sa sakong banwaan.”

Daniel 11:43

Kukuahon niya an mga natatagong kayamanan na bulawan asin pirak kan Egipto saka an iba pang mahahalagang rogaring. Sasakopon niya an Libya saka Etiopia.

Oseas 11:1

Nagsasabi an Kagurangnan, “Kan an Israel aki pa, namotan ko siya, asin bilang aki kong lalaki inapod ko siya paluwas sa Egipto.

Zacarias 8:20

Nagtataram an Kagurangnan nin mga hukbo, “Maabot an panahon na maarabot sa Jerusalem an mga tawong hale sa dakul na syudad.

Zacarias 8:23

Sa mga aldaw na iyan, an sampolong dayuhan madolok sa sarong Judio dangan masabi, ‘Tugote kaming makiiba saindo, huli ta nadangog ming nasa saindo an Dios.’”

Mateo 2:15

Duman sinda nag-erok sagkod na nagadan si Herodes. Nangyari ini tanganing maotob an itinaram nin Kagurangnan sa paagi kan propeta, “Inapod ko an sakong Aki hale sa Egipto.”

Mateo 23:15

“Herak man saindo, mga paratukdo kan Katogonan asin mga Fariseo! Mga parasagin-sagin! Minaibong kamo nin mga dagat saka minabaklay nin harayo, tangani sanang makakombertir nin sarong tawo; alagad kun mahimo na nindo ini, ginigibo nindo siyang duwang beses na maninigong padusahan sa impyerno arog saindo!

Mateo 27:32

Kan paluwas na sinda, nasabat ninda an sarong taga Cirene na an ngaran Simon; pinirit ninda siyang pasanon an krus ni Jesus.

Markos 15:21

Nasabat ninda an sarong taga Cirene na an ngaran Simon—ama ni Alejandro asin ni Rufo—na minaabot pa sana hale sa oma. Pinirit ninda siyang magpasan kan krus ni Jesus.

Mga Gibo 11:20

Alagad nagkapirang paratubod na taga Chipre asin Cirene an nagduman sa Antiokia saka naghulit sa mga pagano kan Marahay na Bareta dapit sa Kagurangnan na Jesus.

Mga Gibo 13:1

Sa simbahan duman sa Antiokia, igwa nin nagkapirang propeta asin mga paratukdo: si Bernabe, si Simeon (na inaapod Negro), si Lucio (na taga Cirene), si Manaen (na nagdakula sa palasyo kasabay ni Gobernador Herodes), asin si Saulo.

Mga Gibo 13:13

Hale sa Pafos, nagsakay si Pablo saka an saiyang mga kairiba asin nakaabot sinda sa Perga, sa Panfilia. Duman nagsuhay sainda si Juan Markos na nagbalik sa Jerusalem.

Mga Gibo 13:43

Pakatapos kan pagtiripon, dakul na Judio saka mga bakong Judio na nakombertir sa Judaismo an nagsunod ki Pablo asin ki Bernabe. Tinukdoan sinda kan mga apostol saka sinabihan na padagos na mamuhay sa biyaya nin Dios.

Mga Gibo 14:24

Pakaagi sa Pisidia, nag-abot sinda sa Panfilia.

Mga Gibo 15:38

alagad pinagmarahay ni Pablo na dai siya ipag-iba huli ta dai siya nagdanay sagkod na matapos an misyon ninda, kundi binayaan sinda kaini sa Panfilia.

Mga Gibo 16:6

Nag-agi sinda sa rehiyon nin Frigia asin Galacia, huli ta dai sinda tinugotan kan Espiritu Santo na maghulit kan mensahe nin Dios sa Asia.

Mga Gibo 17:21

An gabos na namamanwaan sa Atenas saka an mga dayuhan na nag-eerok duman mayong ibang gibo kundi an mag-orolay-olay saka magdangog nin anoman na bagay na bago.)

Mga Gibo 18:2

Nanumpongan niya duman si Aquila, sarong Judiong taga Ponto. Nag-abot pa sana si Aquila saka an agom niyang si Priscila hale sa Italia, huli ta pinahale ni Claudio sa Roma an gabos na Judio. Sinongko ni Pablo an mag-agom na ini.

Mga Gibo 18:23

Pakalihis nin halipot na panahon, naghale siya sa Antiokia; dinuman niya saro-saro an mga banwaan sa rehiyon kan Galacia asin Frigia, sa pagpakosog kan pagtubod kan gabos na disipulo.

Mga Gibo 2:11

mga Judio asin mga bakong Judio na nag-ako kan Judaismo; an iba mga taga Creta asin Arabia—alagad nadangog ta gabos na nagtataram sinda sa sadiri tang mga lengwahe dapit sa darakulang mga bagay na ginibo nin Dios!”

Mga Gibo 23:11

Sunod na banggi, nagtindog an Kagurangnan sa kataed ni Pablo saka nagsabi, “Dai ka matakot! Nagpatotoo ka dapit sako digdi sa Jerusalem; siring man an dapat mong gibohon duman sa Roma.”

Mga Gibo 27:5

Nag-agi kami sa tangod kan Cilicia saka Panfilia, sagkod na makaabot kami sa Mira, sarong syudad nin Licia.

Mga Gibo 28:15

Nabaretaan kan mga tugang sa Roma na maabot kami, kaya may nagsabat samo sa Plasa nin Apio, mantang an iba naghalat sa Tolong Sakatan na Harong. Kan mahiling sinda ni Pablo, nagpasalamat siya sa Dios asin nagkosog an saiyang boot.

Mga Gibo 6:5

Naoyonan ninda gabos an itinaram kan mga apostol, kaya pinili ninda si Esteban, sarong tawong makosog an pagtubod asin pano kan Espiritu Santo; si Felipe, Procoro, Nicanor, Timon, Parmenas saka si Nicolas na taga Antiokia, sarong pagano na nakombertir sa Judaismo.

Mga Gibo 6:9

Alagad kinalaban siya nin nagkapirang kaayon kan sinagoga nin mga Tawong Libre (ini an ngaran kan grupo); kabilang digdi an mga Judio na hale sa Cirene, sa Alejandria, sa Cilicia saka sa Asia. Nakipagdebate sinda ki Esteban,

Roma 1:15

Ini an dahelan kaya boot kong ipaghulit an Marahay na Bareta saindo diyan sa Roma.

Roma 1:7

Kaya sinusuratan ko kamo gabos diyan sa Roma na namomotan nin Dios saka pinili niyang magin banal: Mapasaindo an biyaya asin katoninongan na hale sa satong Dios Ama asin sa Kagurangnan na Jesu-Cristo.

2 Timoteo 1:17

kundi pag-abot niya sa Roma hinanap tolos ako sagkod na nakua niya ako.

Kapahayagan 11:8

asin mahuhutad an mga bangkay ninda sa dalan kan dakulang syudad, na inaapod man Sodoma, o Egipto, saen ipinako an saindang Kagurangnan.