Mga Gibo 19:28 - Marahay na Bareta Biblia

²⁸ Pagkadangog ninda kaini, naanggot sinda nin makuri dangan nagkurahaw, “Mabuhay si Diana, an diosa kan mga taga Efeso!”

Mga Gibo 19:28 ပူးပေါင်းရင်းမြစ်များ

Salmo 2:2

Nagrerebelde an saindang mga hade, nagbuburonyog an saindang mga pamayo tumang sa Kagurangnan asin tumang sa hade na saiyang pinili.

Jeremias 50:38

Pagkaalang para sa saiyang daga; pagkahubas para sa saiyang mga salog. An Babilonia iyo an daga nin nakakatakot na mga dios-dios na nagparungaw sa mga tawo.

Mateo 2:16

Naanggot na gayo si Herodes kan maaraman niya na nadaya siya kan mga mago na taga sirangan. Kaya ipinagadan niya an gabos na lalaki sa Betlehem sagkod sa mga kataed na lugar, mga lalaki na an edad duwang taon paibaba, sosog sa naaraman niya sa mga mago manongod kan oras nin pagtunga kan bitoon.

Mga Gibo 18:19

Pag-abot ninda sa Efeso, binayaan ni Pablo duman an mag-agom na Priscila saka Aquila. Nagduman siya sa sinagoga asin nakipagdebate sa mga Judio.

Mga Gibo 19:24

May sarong platero na an ngaran Demetrio. Naggigibo siya nin mga saradit na templong plata kan diosang si Diana. Dakul an nagaganansya kan mga trabahador niya sa negosyong ini.

Mga Gibo 7:54

Kan madangog ini kan mga kaayon kan Konseho, naongis sinda asin nagragot an saindang mga ngipon sa kaanggotan ki Esteban.

Kapahayagan 12:12

Kaya mag-ogma kamo, kalangitan asin kamo gabos na nag-eerok diyan! Alagad herak man saindo, o daga asin dagat! Huli ta yaon na diyan saindo an Diablo; anggot siya nin makuri, huli ta aram niyang halipot na sana an panahon na natatada para saiya.”

Kapahayagan 13:4

Sinamba ninda an dragon huli ta itinao niya an saiyang awtoridad sa hayop. Sinamba man ninda an hayop dangan nagsabi sinda, “Siisay an kabaing kan hayop? Siisay an malaban saiya?”

Kapahayagan 17:13

Sararo an saindang isip, kaya itinatao ninda an saindang kapangyarihan saka awtoridad sa hayop.