Mga Gibo 18:24 - Marahay na Bareta Biblia

²⁴ Kan panahon na idto, nag-abot sa Efeso an sarong Judiong taga Alejandria na an ngaran Apolos. Marahay siyang magtaram saka aram niyang gayo an mga Kasuratan.

Mga Gibo 18:24 ပူးပေါင်းရင်းမြစ်များ

Esdras 7:12

“Hale ki Emperador Artajerjes, para ki Esdras na padi asin paratukdo kan katogonan kan Dios nin langit.

Esdras 7:6

Si Esdras sarong madonong sa Katogonan na itinao ki Moises kan Kagurangnan, an Dios nin Israel. Huli ta benendisyonan si Esdras nin Kagurangnan na saiyang Dios, tinawan siya kan hade kan anoman na hinagad niya. Kan ikapitong taon kan pamamayo ni Artajerjes, naghale si Esdras sa Babilonia dangan nagpasiring sa Jerusalem, kaiba an sarong grupo nin mga Israelita na an iba mga padi, an iba mga Levita, mga paratugtog sa Templo, mga bantay, asin mga sorogoon sa Templo.

Exodo 4:10

Alagad nagsabi si Moises, “Hare ako pagsugoa, Kagurangnan. Maluya asin kamol akong magtaram. Dati akong maluyang magtaram poon kaidto sagkod ngunyan na makipag-olay ka sako.”

Isaias 3:3

an mga opisyal nin hukbo saka an mga lalaking ginagalangan, an mga parahatol saka an mga salamangkero asin an mga paralumay.

Mateo 13:52

Kaya tinaraman niya sinda, “An kahulogan kaini iyo na an lambang paratukdo kan Katogonan na nakanood dapit sa Kahadean nin langit nakakaagid sa sarong kagharong na nagluwas nin bago asin daan na mga bagay hale sa saiyang sarayan.”

Lukas 24:19

“Anong mga pangyayari?” an hapot niya. Nagsimbag sinda, “Dapit ki Jesus na taga Nazaret. Saro siyang propeta na mapangyari sa gibo saka sa tataramon sa atubang nin Dios asin nin gabos na tawo.

Mga Gibo 18:19

Pag-abot ninda sa Efeso, binayaan ni Pablo duman an mag-agom na Priscila saka Aquila. Nagduman siya sa sinagoga asin nakipagdebate sa mga Judio.

Mga Gibo 18:21

Alagad bago siya naghale, nagsabi siya sainda, “Kun iyo iyan an kabotan nin Dios, mabalik ako saindo.” Dangan nagsakay siya hale sa Efeso.

Mga Gibo 18:28

Maisog na nakipagdebate siya nin hayag sa gabos na Judio; pinatunayan niya, sa paagi kan Kasuratan, na si Jesus iyo an Cristo.

Mga Gibo 19:1

Mantang nasa Corinto si Apolos, nag-agi si Pablo sa kabubuldan kan probinsya sagkod na nakaabot siya sa Efeso. Natuparan niya duman an nagkapirang paratubod.

Mga Gibo 27:6

Nakakua duman si Julio nin sarong barkong hale sa Alejandria na mapasiring sa Italia. Pinalunad niya kami duman.

Mga Gibo 6:9

Alagad kinalaban siya nin nagkapirang kaayon kan sinagoga nin mga Tawong Libre (ini an ngaran kan grupo); kabilang digdi an mga Judio na hale sa Cirene, sa Alejandria, sa Cilicia saka sa Asia. Nakipagdebate sinda ki Esteban,

Mga Gibo 7:22

Itinukdo saiya an gabos na kadonongan kan mga taga Egipto; nagin siyang dakulang tawo sa tataramon saka sa gibo.

1 Corinto 1:12

Manlaen-laen an pinagsasabi kan lambang saro saindo. May nagsasabing, “Ki Pablo ako”; an iba, “Ki Apolos ako”; an iba, “Ki Pedro ako”; dangan an iba naman nagsasabing, “Ki Cristo ako.”

1 Corinto 16:12

Ngunyan, dapit sa satong tugang na si Apolos: sinadol ko siya na songkoon kamo kaiba kan ibang mga tugang, alagad habo pa siyang magdiyan saindo ngunyan. Kun malugaran na siya, madiyan siya.

1 Corinto 4:6

Mga tugang, kami ni Apolos an ginamit kong halimbawa para sa sadiri nindong karahayan, tanganing manodan nindo an kahulogan kan kasabihan, “Kuyogon nindo an maninigong pagsusundon;” tanganing dai nindo ipag-orgulyo an saro katawo sa ikakaraot kan iba.

2 Corinto 10:10

May nagsasabi, “An mga surat ni Pablo maisog saka malanit, alagad kun kaiba ta siya, matalaw siya saka mayong halaga an saiyang mga sinasabi!”

Colosas 3:16

Kaipuhan magin buhay sa puso nindo an mayaman na mensahe ni Cristo. Magpatinukdoan saka maghinulitan kamo sa bilog na kadonongan. Mag-awit kamo nin mga salmo, mga himno saka mga banal na awit na may pagpasalamat sa Dios sa saindong puso.

Tito 3:13

Tabangan mo nanggad an abogadong si Zenas saka si Apolos nganing makaduman sinda; mangnohon mo na igwa sinda kan gabos nindang kaipuhan.