Mga Gibo 18:23 - Marahay na Bareta Biblia

²³ Pakalihis nin halipot na panahon, naghale siya sa Antiokia; dinuman niya saro-saro an mga banwaan sa rehiyon kan Galacia asin Frigia, sa pagpakosog kan pagtubod kan gabos na disipulo.

Mga Gibo 18:23 ပူးပေါင်းရင်းမြစ်များ

Esdras 1:6

Tinabangan sinda kan mga kataraed ninda huli sa pagtao nin mga platang kagamitan, mga bulawan, mga kagamitan, mga hayop, asin iba pang mahalagang mga bagay, laen pa kan boluntad na atang para sa Templo.

Daniel 11:1

Siya iyo an may katongdan sa pagtabang saka sa pagsurog sa sako.

Lukas 1:3

Ngunyan, ginagalangan na Teofilo, pakatapos kong adalan an gabos poon sa kapinonan, pinagmarahay ko man na isurat an pasurunod-sunod na nangyari para saimo,

Lukas 22:32

Alagad, Simon, ipinamibi taka na dai magluya an saimong pagtubod, nganing pagbalik mo sako, pakosogon mo an saimong mga tugang.”

Lukas 22:43

Dangan may nagtungang sarong anghel hale sa langit tanganing pakosogon an boot niya.

Mga Gibo 14:22

Pinakosog ninda an boot kan mga paratubod asin sinadol na magdanay sa pagtubod. Sinabihan pa ninda an mga parasunod, “Kaipuhan mag-agi kita nin dakul na kasakitan bago makalaog sa Kahadean nin Dios.”

Mga Gibo 15:32

Dakul pa an itinaram sainda ni Judas saka ni Silas na mga propeta man, kaya nagkosog an saindang pagtubod.

Mga Gibo 15:41

Nag-agi sinda sa Siria saka sa Cilicia asin pinakosog ninda an simbahan duman.

Mga Gibo 16:40

Pakaluwas sa bilanggoan, nagduman si Pablo saka si Silas sa harong ni Lydia. Nahiling ninda duman an mga tugang; pinakosog ninda an boot kan mga ini, dangan naghale na sinda.

Mga Gibo 16:6

Nag-agi sinda sa rehiyon nin Frigia asin Galacia, huli ta dai sinda tinugotan kan Espiritu Santo na maghulit kan mensahe nin Dios sa Asia.

Mga Gibo 19:1

Mantang nasa Corinto si Apolos, nag-agi si Pablo sa kabubuldan kan probinsya sagkod na nakaabot siya sa Efeso. Natuparan niya duman an nagkapirang paratubod.

Mga Gibo 2:10

taga Frigia saka Pamfilia, taga Egipto saka mga taga rehiyon nin Libya harani sa Cirene. An iba sato mga bisita man na taga Roma,

1 Corinto 16:1

Ngunyan, ini an masasabi ko dapit sa kwarta na titiponon sa pagtabang kan mga banal duman sa Judea: an ipinagibo ko sa mga simbahan sa Galacia iyo man an gibohon nindo.

Galacia 1:2

An surat na ini hale man sa mga tugang sa pagtubod na kaibahan ko, para sa mga simbahan nin Galacia:

Galacia 1:9

Sinabi mi na ini kaidto, alagad ngunyan sinasabi ko giraray: kun igwa nin maghulit saindo nin marahay na bareta na laen man kan Marahay na Baretang inako nindo, mapa impyerno logod siya!

Galacia 4:14

Alagad maski nagin dakulang kagabatan para saindo an kamugtakan kan sakong hawak, dai nindo ako pinagtuya-tuya o isinikwal, kundi inako na garo ako sarong anghel nin Dios o garo si Cristo Jesus.

Deuteronomio 3:28

Itukdo mo ki Josue an gigibohon niya asin pakosogon mo an saiyang boot, huli ta siya an mangengenot sa mga tawo sa pagsakop kan daga na saimong mahihiling.’

1 Tesalonica 3:2

asin sinugo mi saindo si Timoteo, na satong tugang saka sorogoon nin Dios, sa paghulit kan Marahay na Bareta dapit ki Cristo. Sinugo mi siya saindo sa pagpakosog kan saindong pagtubod saka sa pagsadol saindo

1 Tesalonica 4:18

Kaya magparinanga-rangahan kamo kan mga tataramon na ini.

1 Tesalonica 5:14

Sinasadol mi kamo, mga tugang, na patanidan nindo an mga hugakon, pakosogon an mga maluya an boot, tabangan an mga maluya, saka magin matinios kamo sa gabos.