Mga Gibo 17:29 - Marahay na Bareta Biblia

²⁹ Huli ta kita mga aki nin Dios, dai kita mag-isip na garo siya sarong ladawan na bulawan o plata o gapo, na ginibo nin tawo sosog sa saiyang kakayahan saka kadonongan.

Mga Gibo 17:29 ပူးပေါင်းရင်းမြစ်များ

2 Mga Hade 19:18

Sinulo ninda an mga dios kan mga nasyon na iyan huli ta bako man idto mga dios, kundi mga ladawan na gibo sa kahoy saka gapo na pinorma kan mga kamot nin tawo.

Salmo 106:20

Ladawan nin baka na doot an kinakakan an isinangle ninda sa kamurawayan nin Dios.

Exodo 20:4

“Dai kamo maggibo nin ladawan kan ano man na nasa langit o nasa daga o nasa tubig sa irarom kan daga.

Exodo 32:4

Kinua niya an mga hikaw asin tinunaw, dangan inula ini sa sarong hormahan asin naggibo siya nin sarong metal na baka. Nagsabi an mga tawo, “O Israel, iyo ini an satong dios na nagluwas sato sa Egipto!”

Isaias 40:25

Sa kiisay pwedeng ikabaing an Dios? Igwa daw nin makakaarog saiya?

Mga Gibo 19:26

Nahihiling saka nadadangog nindo kun ano an ginigibo kan Pablong ini. Sinasabi niya na an mga dios na gibo nin tawo bako daang dios. Dakul na an mga tawong napatubod niya, bako sana digdi sa Efeso kundi haros sa bilog na Asia.