Mga Gibo 17:26 - Marahay na Bareta Biblia

²⁶ Linalang niya an gabos na rasa sa kinaban gikan sa saro sanang tawo. Lambang linalang tinawan niya nin talaan na panahon na mabuhay asin nin lugar na eerokan.

Mga Gibo 17:26 ပူးပေါင်းရင်းမြစ်များ

Genesis 3:20

Eva an inginaran ni Adan sa saiyang agom, huli ta siya an ina kan gabos na tawo.

Genesis 9:19

Sindang tolo an ginikanan kan gabos na tawo sa kinaban.

An Libro ni Job 12:23

Pinapakosog asin pinapadakula niya an mga nasyon dangan dinadaog saka rinurumpag niya an mga iyan.

An Libro ni Job 14:5

Aram mo na an lawig kan saiyang buhay, an bilang kan mga bulan niya digdi sa kinaban. Ika an nagboot kaiyan, asin dai iyan maliliwat.

Salmo 31:15

An buhay ko nasa kamot mo; sa mga kaiwal ligtasan ako, asin sa mga nagpapasakit sako.

Salmo 74:17

An daga binugtakan mo nin mga kasagkoran; ginibo mo an tig-init saka an tig-uran.

Isaias 14:31

Pagkurahaw asin paghagad nin tabang, kamo gabos na syudad nin Filistia! Magkatarakot kamo gabos! Huli ta may sarong panganoron nin alpog na nagdadangadang hale sa amihan—sarong hukbo iyan na mayo nin matalaw.

Isaias 34:17

Maerok sinda sa daga sagkod pa man, asin masasadirihan ninda iyan sagkod lamang.

Isaias 45:21

Madya asin daraha nindo an saindong kaso sa hukoman; tugoteng magpaharapot-hapot an mga isinumbong. Siisay kaidto an naghula kun ano an mangyayari? Bakong ako, an Kagurangnan, an Dios na nagliligtas kan saiyang banwaan? Pwera sako mayo na nin ibang dios.

Jeremias 27:5

“Sa paagi kan dakula kong kapangyarihan asin kosog linalang ko an kinaban, an tawo, asin an gabos na hayop na nabubuhay sa daga, saka itinatao ko ini sa kiisay man na pinipili ko.

Daniel 11:27

An duwang hade matukaw sa sarong lamesa tanganing magkakan, alagad parehong maraot an nasa isip ninda asin magpuputik sinda sa lambang saro. Dai ninda makakamtan an saindang minamawot huli ta dai pa minaabot an panahon para sa bagay na iyan.

Daniel 11:35

Gagadanon an nagkapira sa mga madonong na lider, alagad an magigin bunga kaiyan iyo an paglinig kan banwaan. Padagos na mangyayari ini sagkod na mag-abot an kataposan, an panahon na itinalaan nin Dios.

Malakias 2:10

Bakong saro man sana an satong ama? Bakong saro sanang Dios an naglalang sato gabos? Kun siring, tadaw ta dai ta inootob an satong panuga sa satong kapwa, asin tano ta binabasang-basang ta an tipan na ginibo nin Dios sa satong mga ginikanan?

Mga Gibo 14:17

Alagad danay siyang nagpapahiling nin mga patotoo tanganing mamidbidan nindo siya sa paagi kan mga karahayan na ginigibo niya: pinapadarhan niya kamo nin uran, tinatawan nin marahay na ani sa tamang panahon saka tinatawan pa niya kamo nin kakanon asin pinapano nin kaogmahan an saindong puso.”

Mga Gibo 15:18

Ini an sinasabi nin Kagurangnan, na nagpahayag kan mga bagay na ini haloy nang panahon.’

1 Corinto 15:22

Ki Adan, an gabos na tawo nagadan; siring man, ki Cristo, an gabos mabubuhay liwat.

1 Corinto 15:47

An enot na Adan hale sa daga, linalang sa alpog; an ikaduwang Adan hale sa langit.

Hebreyo 2:3

Kun siring, paano kitang makakadulag sa padusa kun dai ta tinatawan nin halaga an siring kadakulang kaligtasan? An Kagurangnan mismo an enot na nagpahayag kan kaligtasan na ini, dangan pinatotoohan iyan sato kan mga nakadangog saiya.