Mga Gibo 17:25 - Marahay na Bareta Biblia

²⁵ Dai man siya nangangaipo nin anoman na bagay na ikakatao nin tawo sa paglingkod saiya, huli ta siya ngani an nagtatao nin buhay saka hinangos, asin nin gabos na bagay sa gabos na tawo.

Mga Gibo 17:25 ပူးပေါင်းရင်းမြစ်များ

Genesis 2:7

Dangan nagkua nin kabokabo hale sa daga an Kagurangnan Dios; pinorma niyang tawo asin hinangosan sa dungo kan hinangos nin buhay asin an tawo nagin sarong buhay na linalang.

An Libro ni Job 12:10

Yaon sa Dios an buhay kan lambang linalang, asin an hinangos kan gabos na tawo.

An Libro ni Job 22:2

“Pwede daw na magkaigwa nin pakinabang an Dios sa tawo? An sarong madonong may pakinabang sa saiya man sana.

An Libro ni Job 27:3

mantang igwa ako nin buhay, asin an hinangos nin Dios nasa sakong dungo;

An Libro ni Job 33:4

An espiritu nin Dios an naglalang sako asin an hinangos kan Makakamhan an nagtao sako nin buhay.

An Libro ni Job 34:14

Kun bawion nin Dios an hinangos nin buhay,

Salmo 16:2

Minasabi ako sa Kagurangnan, “Ika an sakong Kagurangnan; mayo ako nin karahayan na bako saimo gikan.”

Isaias 42:5

Linalang nin Dios an kalangitan dangan biniklad niya iyan; siya an naggibo kan daga asin kan gabos na nag-eerok diyan; siya an nagtaong buhay saka hinangos sa gabos na katawohan. Ngunyan sinasabihan nin Kagurangnan Dios an saiyang sorogoon,

Isaias 57:16

Ako an nagtao nin buhay sa sakong banwaan; dai ko ipapadagos an pag-akusar sainda asin dai man ako maaanggot sainda sagkod lamang.

Jeremias 38:16

Kaya hilom na nanuga sako si Hadeng Zedekias, “Minasumpa ako sa buhay na Dios, an Dios na nagtao sato nin buhay, na dai taka ipapagadan o itatao sa mga tawo na boot gumadan saimo.”

Zacarias 12:1

Iyo ini an mensahe dapit sa Israel hale sa Kagurangnan, an Kagurangnan na nagbiklad kan kalangitan, naglalang kan kinaban, asin nagtao nin buhay sa tawo. Nagsasabi siya,

Mga Bilang 16:22

Alagad nagdapa sa daga si Moises saka si Aaron, dangan nagsabi, “O Dios na kagtao nin buhay sa gabos, kun nagkakasala an saro katawo, maaanggot ka daw sa bilog na komunidad?”

Mga Bilang 27:16

“Nakikimaherak ako Kagurangnan Dios, na ginikanan nin buhay, na magpili ka nin sarong lalaki na pwedeng mangenot sa banwaan

Mateo 5:45

tanganing magin mga aki kamo kan saindong Ama na nasa langit. Huli ta parehong pinapasaldangan nin aldaw saka pinapauranan nin Dios an tawong marahay asin an maraot, an tawong banal saka an parakasala.

Mateo 9:13

Isip-isipa daw nindo kun ano an kahulogan kaini, ‘Pagkaherak an mawot ko, bakong atang.’ Dai ako nagdigdi sa pag-apod kan mga banal kundi kan mga parakasala.”

Mga Gibo 14:17

Alagad danay siyang nagpapahiling nin mga patotoo tanganing mamidbidan nindo siya sa paagi kan mga karahayan na ginigibo niya: pinapadarhan niya kamo nin uran, tinatawan nin marahay na ani sa tamang panahon saka tinatawan pa niya kamo nin kakanon asin pinapano nin kaogmahan an saindong puso.”

Mga Gibo 17:28

huli ta, ‘Sa saiya kita nabubuhay, naghihiro, asin nagkakaigwa nin sadiring pagkatawo;’ siring sa sinabi kan nagkapira nindong poeta, ‘Kita mananggad mga aki niya.’

Roma 11:35

Siisay na an nakatao nin anoman sa Kagurangnan, tanganing balosan siya?”

Deuteronomio 30:20

Kamotan nindo an Kagurangnan na saindong Dios, kuyogon siya, asin magmaimbod saiya, tanganing maghalawig an saindong buhay sagkod an buhay kan saindong mga kapagarakian duman sa daga na ipinanuga nin Kagurangnan na itatao sa saindong mga ginikanan na si Abraham, si Isaac asin si Jacob.”

1 Timoteo 6:17

Pagbotan mo an mga mayaman sa kinaban na ini na dai sinda magin mapaabaw-abaw; dai sinda magsarig sa mga bagay na dai malalaoman arog baga kan kayamanan, kundi magsarig sa Dios na matinao sato kan gabos na bagay para sa satong kaogmahan.