Mga Gibo 17:17 - Marahay na Bareta Biblia

¹⁷ Kaya duman sa sinagoga, nakipagdebate siya sa mga Judio asin sa mga maki-Dios; siring man duman sa plasa aroaldaw, sa mga tawong nanunumpongan niya.

Mga Gibo 17:17 ပူးပေါင်းရင်းမြစ်များ

Mga Talinhaga 8:34

Paladan an tawong naghihinanyog sako, na aroaldaw nagbabantay sa sakuyang mga trangkahan, na naghahalat sa may pintoan kan sakong harong.

Jeremias 6:11

An saimong kaanggotan sa sainda, Kagurangnan, naglalaad man sa sako, asin dai ko na iyan kayang pugolan pa.” Dangan tinaraman ako nin Kagurangnan, “Iula mo an sakong kaanggotan sa mga aking nasa tinampo saka sa katiriponan nin mga hoben na lalaki. Bibihagon an mga mag-agom asin dai makakaligtas maski an mga gurang.

Markos 16:15

Sinabihan niya sinda, “Paduman kamo sa bilog na kinaban; ihulit nindo an Marahay na Bareta sa gabos na tawo.

Lukas 12:3

Kaya an anoman na sinabi nindo sa kadikloman nin banggi, madadangog sa kaliwanagan nin aldaw; an anoman na ihininghing nindo sa laog nin kwarto, ikukurahaw sa atop nin mga harong.

Mga Gibo 10:2

Maki-Dios an kapitan na ini. Siya saka an bilog niyang pamilya nagsasamba sa Dios. Naglilimos siya nin dakul sa mga dukhang Judio, asin danay na namimibi sa Dios.

Mga Gibo 13:16

Nagtindog si Pablo, nagpasabot kan saiyang kamot na mag-alo sinda, saka nagtaram: “Mga kapwa ko Israelita asin kamong mga may pagkatakot sa Dios, dangoga ako nindo!

Mga Gibo 13:43

Pakatapos kan pagtiripon, dakul na Judio saka mga bakong Judio na nakombertir sa Judaismo an nagsunod ki Pablo asin ki Bernabe. Tinukdoan sinda kan mga apostol saka sinabihan na padagos na mamuhay sa biyaya nin Dios.

Mga Gibo 13:50

Alagad pinaribok kan mga Judio an mga lalaking namamayo kan syudad asin an mga babaeng ginagalangan saka maki-Dios. Huli kaini, pinasakitan ninda si Pablo saka si Bernabe dangan pinahale sa saindang teritoryo.

Mga Gibo 8:2

Ilinubong si Esteban kan nagkapirang mga tawong maki-Dios, asin ipinagmondo ninda nin marahay an saiyang pagkagadan.

Mga Gibo 9:20

Nagduman siya sa mga sinagoga asin nagtukdo tolos dapit ki Jesus. “Si Jesus an Aki nin Dios,” an sabi niya.

2 Timoteo 3:2

An mga tawo magigin makasadiri, makikwarta, mapaabaw-abaw, mapalangkaw; sinda magigin paramuda, masombikal sa mga magurang, dai tataong magromdom nin utang na boot, saka daing Dios na minimidbid;

2 Timoteo 3:5

magsusunod kan panluwas na tanda kan satong relihiyon, alagad nenegaran ninda an tunay na kapangyarihan kaiyan. Likayan mo an siring na mga tawo.