Mga Gibo 16:34 - Marahay na Bareta Biblia

³⁴ Pakatapos, ipinag-iba niya sinda sa saiyang harong asin pinakakan sinda. Naogma siya asin an saiyang pamilya, huli ta nagtubod na sinda sa Dios.

Mga Gibo 16:34 ပူးပေါင်းရင်းမြစ်များ

Isaias 55:12

“May kaogmahan kamong mahale sa Babilon; matoninong kamong papangenotan paluwas sa syudad. Mag-aarawit an kabukidan saka an kabubuldan, asin magkukurahaw an mga kahoy sa kaogmahan.

Isaias 61:10

Nag-oogma an Jerusalem huli kan ginibo nin Kagurangnan. Nakakaagid siya sa sarong nobya na nakagubing nin pangkasal. Ginubingan siya nin Dios nin gubing nin kaligtasan saka kapangganahan.

Lukas 15:32

Alagad dapat kitang magbangkete saka mag-ogma huli ta an tugang mong ini gadan na, alagad nabuhay liwat; nawara, alagad nakua na.’”

Lukas 19:6

Hidaling naghilig si Zakeo asin maogma niyang pinadagos si Jesus sa saiyang harong.

Lukas 5:29

Dangan nagbangkete si Levi sa harong niya para ki Jesus. Dakul na mga parasingil nin buhis asin iba pang mga tawo an nagkakan duman kaiba ninda.

Mga Gibo 11:14

Ipapahayag niya saimo kun paano ka makakaligtas sagkod an saimong pamilya.’

Mga Gibo 16:15

Nagpabunyag siya saka an saiyang pamilya. Pakatapos, inalok niya kami, “Kun ako minimidbid nindong tunay na paratubod sa Kagurangnan, duman na kamo sa harong magdagos.” Dai mi siya nasayumahan.

Mga Gibo 16:35

Pagkaaga, sinugo kan mga opisyal an mga pulis asin pinagbotan na butasan na an mga bilanggong idto.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Mga Gibo 8:39

Paghawas ninda, kinua si Felipe kan Espiritu nin Kagurangnan. Dai na siya nahiling giraray kan eunuko, alagad padagos ini sa pagbyahe, pano nin kaogmahan.

Roma 15:13

Panoon logod kamo nin kaogmahan saka katoninongan kan Dios nin paglaom, sa saindong pagtubod saiya, tanganing mag-orog an saindong paglaom huli sa kapangyarihan kan Espiritu Santo.

Roma 5:11

Bako sana iyan, nag-oogma kita sa Dios huli sa Kagurangnan tang si Jesu-Cristo, na dahel saiya kita naging katood nin Dios.

Roma 5:2

Huli saiya, nakamtan ta an biyaya nin Dios na satong namamatean ngunyan. Kaya nag-oogma kita sa paglaom na magkakaigwa kita nin kahirasan sa kamurawayan nin Dios.

Galacia 5:22

Alagad an bunga kan Espiritu pagkamoot, kaogmahan, katoninongan, pakatios, kabootan, karahayan, kaimbodan;

Filipos 4:17

Bako ta boot kong pagregalohan, kundi boot kong mahiling na nagdudugang an bunga kan saindong mga gibo.

Filipos 4:4

Mag-ogma kamong danay sa Kagurangnan. Inuulit ko, mag-ogma kamo!

Filemon 1:7

An saimong pagkamoot, namomotan na tugang, nagtao sako nin dakulang kaogmahan saka karangahan, huli ta pinaogma mo an puso kan mga banal.

1 Juan 3:18

Mga aki ko, an satong pagkamoot dapat na bako sanang sa mga tataramon o sa ngoso, kundi sa gibo asin sa katotoohan.