Mga Gibo 16:31 - Marahay na Bareta Biblia

³¹ Nagsimbag sinda, “Magtubod ka sa Kagurangnan na Jesus asin makakaligtas ka sagkod an saimong pamilya.”

Mga Gibo 16:31 ပူးပေါင်းရင်းမြစ်များ

Genesis 17:7

“Ootobon ko an panuga ko saimo asin sa saimong mga kapagarakian sa mga maabot na henerasyon bilang sarong daing kataposan na tipan. Ako an magigin Dios mo asin kan saimong mga kapagarakian.

Genesis 18:19

Pinili ko siya tanganing pagbotan niya an saiyang mga kapagarakian na magsunod sako asin maggibo kan tama saka matanos. Kun gibohon ninda ini, ootobon ko an gabos na ipinanuga ko saiya.”

Isaias 45:22

“Madya kamo sako ngunyan asin makakaligtas kamo, mga tawo sa bilog na daga! Huli ta ako an Dios, asin pwera sako mayo na nin ibang dios.

Jeremias 32:39

Itatao ko sainda an sarong katuyohan sa buhay, an omawon ako sa gabos na panahon para sa sadiri nindang karahayan asin sa karahayan kan saindang mga kapagarakian.

Habakkuk 2:4

Iyo ini an mensahe: ‘An mga maraot dai mabubuhay, alagad an mga matanos mabubuhay huli ta maimbod sinda sa Dios.’”

Markos 16:16

An magtubod saka mabunyagan, makakaligtas; an dai magtubod, kokondenaron.

Juan 1:12

Alagad an mga nag-ako saka nagtubod saiya, tinawan niya nin deretso na magin mga aki nin Dios.

Juan 20:31

Alagad an mga ini isinurat tanganing magtubod kamo na si Jesus iyo an Cristo, an Aki nin Dios, na sa paagi kan pagtubod nindo saiya, magkaigwa kamo nin buhay.

Juan 3:36

An nagtutubod sa Aki may buhay na daing kataposan; alagad an dai nagtutubod sa Aki dai magkakamit nin buhay, kundi mapapasaiya an padusa nin Dios.

Juan 6:40

Boot kan Ama na an gabos na nakakahiling asin nagtutubod sa Aki magkamit kan buhay na daing kataposan; bubuhayon ko sinda sa huring aldaw.”

Juan 6:47

Sa katotoohan sinasabihan ko kamo, an nagtutubod igwa nin buhay na daing kataposan.

Mga Gibo 15:11

Alagad nagtutubod kita na makakaligtas kita huli sa biyaya kan Kagurangnan na Jesus; siring man sinda.”

Mga Gibo 16:15

Nagpabunyag siya saka an saiyang pamilya. Pakatapos, inalok niya kami, “Kun ako minimidbid nindong tunay na paratubod sa Kagurangnan, duman na kamo sa harong magdagos.” Dai mi siya nasayumahan.

Mga Gibo 16:32

An tataramon nin Kagurangnan ipinaghulit ninda saiya asin sa gabos na yaon sa saiyang harong.

Mga Gibo 18:8

Si Crispo, na lider kan sinagoga, nagtubod sa Kagurangnan kaiba an bilog niyang pamilya. Dakul man na taga Corinto an nagtubod asin nagpabunyag pakadangog sa tataramon nin Dios.

Mga Gibo 4:12

An kaligtasan makukua sana ki Jesu-Cristo; mayo na nin ibang ngaran na itinao an Dios sa bilog na kinaban na makakaligtas sato.”

Mga Gibo 8:36

Nagpadagos sinda sa pagbyahe; pag-abot sa sarong lugar na may tubig, nagsabi an eunuko, “May tubig digdi; ano pa an nakakaolang na mabunyagan ako?” [

Roma 11:16

Kun an enot na pedaso nin tinapay idinodolot sa Dios, an bilog na tinapay idinodolot na man saiya; kun an gamot nin sarong kahoy idinodolot sa Dios, an mga sanga kaiyan idinodolot man saiya.

Galacia 3:14

Ginibo ini ni Cristo tanganing an bendisyon na ipinanuga nin Dios ki Abraham ikatao man sa mga pagano huli ki Cristo Jesus; tanganing huli sa pagtubod, kita man makaako kan Espiritu na ipinanuga nin Dios.

Galacia 3:22

Alagad nasasabi sa kasuratan na an bilog na kinaban nasa kapangyarihan nin kasalan; kaya, an ipinanuga nin Dios huli sa pagtubod ki Jesu-Cristo, itinatao sa mga tawong igwa nin pagtubod.

Galacia 3:26

Huli kan saindong pagtubod ki Cristo Jesus, kamo gabos nagin mga aki nin Dios.