Mga Gibo 16:26 - Marahay na Bareta Biblia

²⁶ Biglang naglinog nin makosog; nayogyog sagkod an mga pundasyon kan bilanggoan. Nagkaburuksan an mga pintoan asin nagkatarangkas an mga kadena kan gabos na bilanggo.

Mga Gibo 16:26 ပူးပေါင်းရင်းမြစ်များ

1 Mga Hade 13:28

naghale an gurang na propeta. Nakua niya an bangkay sa tahaw kan dalan. Nakatindog sa kataed kan bangkay an asno saka an leon. Dai kinakan kan leon an bangkay asin dai man sinalakay an asno.

Salmo 102:20

tanganing dangogon an inagrangay kan mga bilanggo, asin patalingkason an mga nakondenar na magadan.

Salmo 146:7

minapahiling siya nin hustisya sa inaapi; minatao nin kakanon sa nagugutom. Pinapatalingkas nin Kagurangnan an mga bilanggo;

Salmo 68:6

An mga mamondo tinatawan niya nin harong na eerokan; an mga bilanggo pinapangenotan niya paluwas pasiring sa kauswagan; alagad mag-eerok sa alang na daga an mga masombikal.

Salmo 79:11

Dangoga an inagrangay kan mga nasa bilanggoan; asin huli kan saimong dakulang kapangyarihan, ligtasan an mga nahatolan na magadan.

Isaias 42:7

Bubukasan mo an mga mata kan buta asin tatalingkasan mo an mga nagtutukaw sa madiklom na mga bilanggoan.

Isaias 61:1

Nasa sako an espiritu kan Kagurangnan Dios, huli ta linahidan niya ako sa pagdara kan marahay na bareta sa mga dukha. Sinugo niya ako sa pagbolong kan mga nakukulogan an puso, sa pagpahayag nin katalingkasan sa mga bihag asin sa mga nasa bilanggoan.

Mateo 28:2

Biglang naglinog nin makosog huli ta may sarong anghel nin Kagurangnan na naghilig hale sa langit, nagduman sa lulubngan, pinaligid an gapo na nakatakop dangan tuminukaw sa ibabaw kaiyan.

Mga Gibo 12:10

Nag-agi sinda sa enot na grupo nin mga bantay asin sa ikaduwang grupo, dangan nag-agi sinda sa lansang na trangkahan pasiring sa syudad. Nagsadiring magbukas an trangkahan para sainda asin nagluwas sinda. Naglakaw sinda sa sarong tinampo, dangan binayaan tolos si Pedro kan anghel.

Mga Gibo 12:7

Bigla sanang nagtunga an sarong anghel nin Kagurangnan, dangan nagliwanag sa laog kan bilanggoan. Yinogyog kan anghel si Pedro sa abaga saka sinabihan, “Dali! Magbangon ka!” Natangkas an mga kadena sa mga kamot ni Pedro.

Mga Gibo 4:31

Pakatapos nindang mamibi, nayogyog an lugar na pinagtitiriponan ninda. Napano sinda gabos kan Espiritu Santo, dangan makosog an boot na ipinahayag ninda an mensahe nin Dios.

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,

Kapahayagan 11:13

Kan oras man sanang iyan naglinog nin makosog asin narumpag an ikasampolong kabtang kan syudad; pitong ribo katawo an nagadan. Sa makuring takot kan mga natadang buhay, inomaw ninda an Dios nin langit.

Kapahayagan 6:12

Nahiling ko na tinangkas kan Kordero an ikaanom na selyo. Naglinog nin makosog, nagdiklom an aldaw arog kan itom na tela, saka an bulan nagpula na garo dugo;