Mga Gibo 15:36 - Marahay na Bareta Biblia

³⁶ Pakalihis nin nagkapirang aldaw, sinabihan ni Pablo si Bernabe, “Madya asin dalawon ta an mga tugang sa mga syudad na pinaghulitan ta kan tataramon nin Kagurangnan; hilingon ta kun ano na an kamugtakan ninda.”

Mga Gibo 15:36 ပူးပေါင်းရင်းမြစ်များ

Esther 2:11

Aroaldaw minaduman si Mardokeo sa patyo kan harem tanganing aramon an kamugtakan ni Esther.

Exodo 4:18

Nagpuli si Moises sa panugangan niyang si Jetro asin nagsabi, “Tugote akong magbalik sa Egipto. Aaramon ko kun buhay pa an sakong mga kadugo duman.” Tinugotan siya ni Jetro dangan benendisyonan.

Jeremias 23:2

Iyo ini an itinaram nin Kagurangnan, an Dios nin Israel, manongod sa mga pamayo na dapat kutana nag-aataman kan saiyang banwaan: “Dai nindo inataman an banwaan ko; iwinarak nindo sinda saka isinubol sa harayo. Papadusahan ko kamo ngunyan huli kan karatan na saindong ginibo.

Mateo 25:36

kan ako huba ginubingan nindo; kan ako naghelang inataman nindo; kan ako nabilanggo sinongko nindo.’

Mateo 25:43

Dayuhan ako asin dai nindo pinadagos; ako huba alagad dai nindo ginubingan; naghelang saka nabilanggo alagad dai nindo ako sinongko.’

Mga Gibo 13:12

Nagtubod an gobernador kan mahiling niya an nangyari, huli ta napangalas siya kan katukdoan dapit sa Kagurangnan.

Mga Gibo 13:4

Kaya si Bernabe saka si Saulo, na mga sinugo nin Espiritu Santo, nagduman sa Seleucia. Duman sinda nagsakay pasiring sa isla nin Chipre.

Mga Gibo 13:51

Kaya pinagpag kan mga apostol an alpog sa saindang mga bitis tumang sa mga tawong idto, dangan nagduman sinda sa Iconio.

Mga Gibo 14:1

Arog man kaini an nangyari sa Iconio: naglaog si Pablo asin si Bernabe sa sinagoga kan mga Judio. Malinaw an pagkakatukdo ninda, kaya kadakul na Judio saka mga pagano an nagturubod.

Mga Gibo 14:21

Naghulit si Pablo asin si Bernabe kan Marahay na Bareta duman sa Derbe. Huli kaini, dakul na tawo an nagin paratubod. Dangan nagbalik sinda sa Listra, saka nagdagos sa Iconio sagkod sa Antiokia nin Pisidia.

Mga Gibo 14:6

Kan maaraman ini kan mga apostol, nagdulag sinda pasiring sa Listra asin Derbe, mga banwaan kan Licaonia, asin sa palibot na mga lugar.

Mga Gibo 7:23

“Kan kwarentang taon na an edad ni Moises, naisipan niya na songkoon an kapwa niya mga Israelita.

Roma 1:11

Boot ko nanggad kamong mahiling tanganing mahirasan kamo nin biyaya na espirituwal nganing pakosogon kamo.

2 Corinto 11:28

Pwera kaiyan, aroaldaw napupurisaw ako huli kan pagmakulog ko sa gabos na simbahan.

Filipos 1:27

Ngunyan, an mahalaga iyo na mamuhay kamo sosog sa itinutukdo kan Marahay na Bareta dapit ki Cristo, tanganing madalaw ko man kamo o dai, mabaretaan ko na nagdadanay kamong masarig, may saro sanang katuyohan, saka sararong nakikilaban para sa pagtubod sa Marahay na Bareta.

1 Tesalonica 3:6

Alagad ngunyan nagbalik na si Timoteo hale diyan saindo; ikinaogma mi an ibinareta niya samo dapit sa saindong pagtubod saka pagkamoot. Sinabi niya na danay nindo kaming naroromdoman asin boot man nindong mahiling kami arog man kan samong pagmawot na mahiling kamo.

2 Timoteo 1:4

Nagigiromdoman ko an mga pagluha mo, kaya aldaw-banggi akong nagmamawot na mahiling ka, tanganing mapano ako nin kaogmahan.