Mga Gibo 15:25 - Marahay na Bareta Biblia

²⁵ Kaya nagtiripon kami asin nagkasararo na sugoon saindo an nagkapirang tawo na pinili mi. Kaiba sinda ni Bernabe asin ni Pablo na namomotan niatong mga tugang.

Mga Gibo 15:25 ပူးပေါင်းရင်းမြစ်များ

Mateo 11:26

Opo, Ama, huli ta ini an ikinaogma mo.

Lukas 1:3

Ngunyan, ginagalangan na Teofilo, pakatapos kong adalan an gabos poon sa kapinonan, pinagmarahay ko man na isurat an pasurunod-sunod na nangyari para saimo,

Mga Gibo 1:14

Nagdanay sinda na sararo sa pagpamibi kaiba an mga babae, asin si Maria na ina ni Jesus, sagkod an mga tugang na lalaki ni Jesus.

Mga Gibo 15:2

Alagad diniskutir sinda ni Pablo saka ni Bernabe kaya nagkaigwa nin mainit na debate dapit kaini. Pinagkaoroyonan ninda na padumanon sa Jerusalem si Pablo saka si Bernabe asin an iba pa, nganing makipag-olay sa mga apostol saka sa mga kamagurangan duman dapit sa bagay na ini.

Mga Gibo 15:22

Kaya an mga apostol, an mga kamagurangan, kaiba an bilog na simbahan, nagpili nin nagkapira sainda na susugoon sa Antiokia kaiba ni Pablo saka ni Bernabe. Pinili ninda si Judas na inaapod Barsabas asin si Silas, mga tawong ginagalangan kan mga tugang.

Mga Gibo 15:35

Nagpawalat si Pablo asin si Bernabe sa Antiokia. Nagtukdo sinda saka naghulit kan tataramon nin Kagurangnan kaiba an ibang mga tugang.

Mga Gibo 15:6

Nagtiripon an mga apostol saka an mga kamagurangan dangan pinag-orolayan an bagay na ini.

Mga Gibo 2:1

Kan mag-abot an aldaw nin Pentecostes, nagkatiripon sa sarong lugar an gabos na paratubod.

Mga Gibo 2:46

Aroaldaw nasa Templo sinda. Sararo sinda sa pagbaak kan tinapay sa mga erokan ninda, nagkakarakan na may kaogmahan asin kapakumbabaan sa puso.

Roma 16:12

Kinokomusta ko si Trifena saka si Trifosa, na naglilingkod sa Kagurangnan, siring man sa sakong namomotan na tugang na si Persida, na kadakul an ginibo para sa Kagurangnan.

1 Corinto 1:10

Sa ngaran ni Jesu-Cristo na satong Kagurangnan, nakikimaherak ako saindo, mga tugang, na magkaoroyon kamo nganing dai kamo magkabaranga; magkasararo kamo sa isip saka sa katuyohan.

Galacia 2:9

Nasabotan ni Santiago, ni Pedro saka ni Juan, midbid na mga lider, na tinawan ako nin Dios kan espesyal na trabahong ini. Kaya inabrasa ninda kami ni Bernabe sa pag-ako samo bilang kapwa trabahador. Nagkaoroyon kami gabos na matrabaho kami ni Bernabe sa mga pagano dangan sinda sa mga Judio.

Efeso 6:21

Si Tiquico, na satong namomotan na tugang asin maimbod na sorogoon nin Kagurangnan, iyo an mabareta saindo kan gabos dapit sako, tanganing maaraman nindo kun ano an sakong kamugtakan asin kun ano man an sakong ginigibo.

Colosas 4:7

Si Tiquico na samong namomotan na tugang, maimbod na katabang, saka kapwa sorogoon sa trabaho nin Kagurangnan, iyo an magbabareta saindo kan gabos dapit sako.

Colosas 4:9

Kaiba niya si Onesimo, an namomotan tang maimbod na tugang na kaayon kan grupo nindo. Ioosipon ninda saindo an gabos na nangyayari digdi.

Filemon 1:16

bako bilang sarong oripon kundi orog pa ki sa oripon—bilang namomotan na tugang ki Cristo. Mahalaga siya sako! Orog siyang magigin mahalaga saimo bilang oripon asin bilang tugang sa Kagurangnan!

2 Pedro 3:15

Giromdoma nindo na an pagkamatinios nin Kagurangnan sarong oportunidad na itinatao saindo nganing makaligtas kamo, siring kan isinurat saindo ni Pablo na satong namomotan na tugang, sosog sa kadonongan na itinao saiya nin Dios.