Mga Gibo 15:20 - Marahay na Bareta Biblia

²⁰ Tama na an pagsurat sainda na dai magkakan nin kakanon na idinolot sa mga dios-dios, na dai magdorog sa bako ninda agom, asin dai magkakan kan karne nin tinook na hayop o kan dugo.

Mga Gibo 15:20 ပူးပေါင်းရင်းမြစ်များ

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

Genesis 9:4

Alagad dai nanggad kamo magkakan nin karne na igwa pang dugo; ipinapangalad ko iyan huli ta an buhay yaon sa dugo.

Exodo 20:23

Dai kamo maggibo nin mga dios-dios na plata o bulawan na sasambahon bilang dugang sa sako.

Ezekiel 33:25

“Kaya sabihan mo sinda na ini an itinataram ko, an Kagurangnan Dios: Nagkakakan kamo nin karne na igwa pa nin dugo. Nagsasamba kamo sa mga dios-dios, saka nanggagadan. Papaano nindo naiisip na sadiri nindo an daga?

Ezekiel 4:14

Alagad nagsimbag ako, “Kagurangnan Dios, dai ko pa lamang dinigtaan an sakong sadiri. Magpoon kan ako aki pa, dai pa lamang ako nagkakan nin karne nin hayop na nagadan sa natural na paagi o nin hayop na ginadan nin lalaw na hayop. Dai pa ako nagkakan nin anoman na ibinibilang na maati.”

Daniel 1:8

Nagdesisyon si Daniel na dai niya didigtaan an sadiri huli sa pagkakan kan kakanon asin sa pag-inom kan arak na hale sa palasyo, kaya hinagad niya ki Aspenaz na tabangan siya.

Levitico 18:6

Itinao nin Kagurangnan an minasunod na pagsusundon. Dai kamo makidorog sa kiisay man sa saindong mga kadugo.

Levitico 19:26

“Dai kamo magkakan kan arin man na karne na igwa pa nin dugo. Dai kamo maggibo nin ano man na klase nin salamangka.

Levitico 3:17

Sagkod pa man dai nin siisay man sa mga Israelita an pwedeng magkakan kan taba saka dugo; iyan sarong pagboot na kukuyogon kan gabos na Israelita saen man sinda mag-erok.

Mga Bilang 25:2

Inalok sinda kan mga babaeng ini na magdolot sa saindang mga dios-dios. Nagkakan an mga Israelita asin nagsamba sa dios-dios

Mga Gibo 15:29

dai kamo magkakan kan karne nin hayop na inatang sa mga dios-dios; siring man, dai kamo magkakan nin dugo, o karne nin hayop na tinook; dai man kamo magdorog sa bako nindo agom. Mapapakarahay kamo kun likayan nindo an mga bagay na ini. Dios magbantay saindo.”

Mga Gibo 21:25

Alagad manonongod sa mga pagano na nagin mga paratubod, pinadarahan mi sinda nin surat na dai sinda dapat magkakan kan anoman na idinolot sa mga dios, o kan dugo, o karne nin mga hayop na tinook, asin dai sinda dapat makidorog sa bakong agom.”

1 Corinto 5:11

Kundi an boot kong sabihon, dai kamo makiiba ni makihampang sa pagkakan duman sa mga tugang sa pagtubod alagad marigsok, paslo, nagsasamba sa mga dios-dios, paralibak, paraburat o parahabon.

1 Corinto 6:13

May masabi man, “An kakanon para sa tulak, saka an tulak para sa kakanon.” Totoo iyan, alagad pareho iyan raraoton nin Dios. An hawak bakong para sa karigsokan kundi para sa paglingkod sa Kagurangnan; an Kagurangnan iyo an nag-aataman sa hawak.

1 Corinto 6:18

Likayan nindo an paggibo nin karigsokan. An gabos na klase nin kasalan na nagigibo nin tawo dai nakakaraot sa saiyang hawak, alagad an nakikidorog sa bakong agom kasalan tumang sa sadiri niyang hawak.

1 Corinto 6:9

Dai nindo naaaraman na an mga maraot dai magmamana sa Kahadean nin Dios? Dai nindo paglokohon an sadiri nindo. An mga nakikidorog sa bakong agom, nagsasamba sa mga dios-dios, nagsasambay, nagdodorog sa magkasi lalaki o magkasi babae,

1 Corinto 7:2

Alagad huli sa sogot nin karigsokan, an lambang lalaki o babae dapat magkaigwa nin sadiring agom.

1 Corinto 8:1

Ngunyan dapit sa mga kakanon na idinolot sa mga dios-dios. Siring sa sinasabi ninda, “Kita gabos igwa nin pakaaram,” totoo man nanggad iyan. An siring na pakaaram nakakapaabaw-abaw sa tawo, alagad an pagkamoot nakakapatalubo.

2 Corinto 12:21

Natatakot ako na pagdiyan ko liwat, sopogon ako kan sakong Dios sa saindong atubangan. Magmomondo ako saka magtatangis huli sa dakul na tawong nagkasala kaidto, na dai nagsolsol kan mga karigsokan asin karompotan na saindang ginibo.

Galacia 5:19

Madaling mahiling an mga gibo kan laman; nahihiling iyan sa gibong karigsokan, kausmakan, karompotan;

Efeso 5:3

Huli ta kamo an banwaan nin Dios, bakong tama na maonabihan nindo an mga bagay manongod sa karigsokan, kadustaan o kapasloan.

Deuteronomio 12:16

Alagad dai nanggad kamo magkakan kan saindang dugo kundi iula nindo iyan sa daga siring sa tubig.

Deuteronomio 14:21

“Dai kamo magkakan kan arin man na hayop na nagadan sa natural na paagi, huli ta kamo sarong banwaan na banal para sa Kagurangnan na saindong Dios. An hayop pwede nindong ipakakan sa mga dayuhan na nakikihimanwa sa saindo, o ipabakal sa ibang mga dayuhan. “Dai nindo paglutoon an ogbon na karnero o kanding sa gatas nin saiyang ina.

Deuteronomio 15:23

Alagad dai nindo pagkakanon an dugo kaiyan, kundi iula nindo iyan sa daga siring sa tubig.

Colosas 3:5

Kaya haleon na nindo an mga kinabanon na yaon saindo, arog kan karigsokan, kausmakan, kamawotan kan laman, mga maraot na kamawotan saka kapasloan (huli ta an kapasloan saro man na pagsamba sa dios-dios).

1 Tesalonica 4:3

Kabotan nin Dios na kamo magin banal; na dai nanggad kamo makidorog sa bakong agom.

Hebreyo 12:16

Hingowahon nanggad nindo na mayo nin siisay man na magin marigsok o mayong paggalang sa mga bagay na espiritwal, arog ki Esau na nagpabakal kan saiyang deretso bilang panganay huli sana sa sarong pagkakan.

Hebreyo 13:4

An matrimonyo dapat galangan nin gabos, saka dai nindo pagdigtaan an saindong pagkainagoman; huli ta huhukoman nin Dios an mga marigsok saka mga parasambay.

1 Pedro 4:3

Kanigoan nang panahon an ginamit nindo kaidto sa paggibo kan ginigibo kan mga pagano. Namuhay kamo sa karigsokan, sa mga kamawotan nin laman, sa bururatan, sa sobrang karakanan, sa irinoman asin sa pagsamba sa mga ipinangangalad na dios-dios.

Kapahayagan 10:2

May nakakapotan siyang sarong sadit na libro na nabibiklad. Itinungtong niya an saiyang toong bitis sa dagat asin an saiyang walang bitis sa daga,

Kapahayagan 10:8

Dangan nagtaram giraray sako an tingog na nadangog ko hale sa langit, “Lakaw, kuaha an nabibiklad na sadit na libro na kapot kan anghel na nagtitindog sa dagat saka sa daga.”

Kapahayagan 2:14

Alagad igwa ako nin nagkapirang bagay na masasabi tumang saimo: may iba diyan saindo na nagsusunod sa katukdoan ni Balaam, na nagtukdo ki Balac na magbuktak nin singkogan para sa mga Israelita kan dagkahon sindang magkakan kan inatang sa mga dios-dios saka maggibo nin karigsokan.

Kapahayagan 2:20

Alagad igwa ako nin masasabi tumang saimo: tinutugotan mo an babaeng si Jezebel, na nagsasabing propeta siya nin Dios. Nagtutukdo siya asin dinadaya niya an sakong mga sorogoon tanganing maggibo nin karigsokan saka magkakan nin mga inatang sa mga dios-dios.

Kapahayagan 9:20

Alagad an mga tawong dai nagadan kan mga pesteng ini dai nagbakle kan saindang mga gibo. Dai sinda nag-ontok magsamba sa mga demonyo saka sa mga ginibo nindang dios-dios na bulawan, plata, bronse, gapo o kahoy, na dai nakakahiling ni nakakadangog o nakakalakaw.

1 Samuel 14:32

kaya hidali nindang kinua an saindang sinamsam, an mga karnero saka mga baka; binuruno ninda idto duman mismo sa lugar na nakuahan ninda dangan kinakan an karne na igwa pa nin dugo.

1 Samuel 14:33

Nagsumbong sinda ki Saul, “Hilinga, nagkakasala sa Kagurangnan an mga tawo huli sa pagkakan kan karneng igwa pa nin dugo.” Nagkurahaw si Saul, “Mga parapasaluib! Paligida nindo digdi an sarong dakulang gapo.”