Mga Gibo 13:38 - Marahay na Bareta Biblia

³⁸ Mga tugang, kamo gabos dapat makaaram na sa paagi ni Jesus ipinaghuhulit an kapatawadan nin mga kasalan.

Mga Gibo 13:38 ပူးပေါင်းရင်းမြစ်များ

Salmo 130:4

Alagad yaon saimo an pagpatawad, tanganing ika samong katakotan.

Salmo 130:7

O Israel, maglaom ka sa Kagurangnan! Huli ta nasa saiya an danay na pagkamoot, asin an kapanoan nin kaligtasan.

Salmo 32:1

Paladan an tawong pinatawad na an mga kasalan, an tawong napara na an kalapasan.

Jeremias 31:34

Dai na ninda kaipuhan na tukdoan an lambang saro tanganing mamidbidan an Kagurangnan, huli ta gabos sinda, magpoon sa kasaradayan sagkod sa haralangkaw na tawo, makakamidbid sako. Papatawadon ko an saindang mga kasalan asin dai ko na gigiromdomon an mga gibo nindang maraot. Ako, an Kagurangnan, an nagtaram.”

Ezekiel 36:32

O Israel, boot kong maaraman mo na ginigibo ko an gabos na ini bakong huli saimo. Boot kong mamatean mo an kasosopgan saka an pagkawara nin onra huli kan mga ginigibo mo. Ako, an Kagurangnan Dios, an nagtaram.”

Daniel 3:18

Alagad maski dai niya kami iligtas, Mahal na Hade, dai man giraray kami masamba sa saimong dios, asin dai man kami maduko sa atubang kan estatwang bulawan na pinatindog mo.”

Daniel 9:24

“Kwatro syentos nubentang taon an itinalaan nin Dios sa pagtalingkas sa saimong banwaan saka sa saimong syudad sa kasalan asin sa karatan. Papatawadon an kasalan asin papadanayon an hustisya, tanganing patotoohan an bisyon saka an propesiya, asin konsagrahon giraray an banal na Templo.

Zacarias 13:1

“Pag-abot kan panahon na iyan,” nagtataram an Kagurangnan nin mga hukbo, “bubukasan an sarong burabod tanganing linigan kaini kan saindang kasalan saka karigsokan an mga kapagarakian ni David asin an mga nag-eerok sa Jerusalem.

Mateo 1:21

Mangangaki siya nin lalaki asin ngangaranan mo siyang Jesus, huli ta ililigtas niya an saiyang banwaan sa saindang mga kasalan.”

Lukas 24:47

sa ngaran niya ipaghuhulit sa gabos na tawo, poon sa Jerusalem, an pagbakle asin an kapatawadan nin mga kasalan.

Juan 1:29

Kan sunod na aldaw nahiling ni Juan si Jesus na nagdadangadang, kaya nagsabi siya, “Uya an Kordero nin Dios, na nagpapara kan kasalan nin kinaban!

Mga Gibo 10:43

An gabos na propeta nagpatotoo dapit ki Jesus, na an siisay man na minatubod saiya papatawadon kan mga kasalan huli sa ngaran niya.”

Mga Gibo 2:14

Dangan nagtindog si Pedro kaiba an onseng apostol, asin nagtaram nin makosog, “Mga kapwa ko Judio asin kamo na mga nag-eerok sa Jerusalem, dangoga asin sabota nindo an sasabihon ko.

Mga Gibo 2:38

Sinimbag sinda ni Pedro, “Magbakle kamo saka magpabunyag an lambang saro saindo sa ngaran ni Jesu-Cristo, tanganing patawadon kamo; dangan aakoon nindo an Espiritu Santo.

Mga Gibo 28:28

Nagsabi pa si Pablo, “Kaya, dapat nindong maaraman na an mensahe nin Dios dapit sa kaligtasan ipinadara sa mga pagano; mahinanyog sinda!” [

Mga Gibo 4:10

dapat maaraman nindo gabos, asin kan gabos na taga Israel, na an lalaking ini na nakatindog sa atubangan nindo, narahay huli sa kapangyarihan kan ngaran ni Jesu-Cristo na taga Nazaret, na ipinako nindo sa krus alagad binuhay liwat nin Dios.

Mga Gibo 5:31

Ilinangkaw siya nin Dios sa too niyang kamot bilang Lider asin Paraligtas, tanganing tawan an mga Israelita nin panahon na makapagbakle asin mapatawad an saindang mga kasalan.

Efeso 1:7

Tinubos kita ni Cristo huli kan saiyang dugo, pinatawad kita kan satong mga kasalan, sosog sa kayamanan kan biyaya nin Dios,

Efeso 4:32

Kundi magmaboot kamo, magin maheherakon saka magpatinawad-tawad kamo, siring na pinatawad man kamo nin Dios diyan ki Cristo.

Colosas 1:14

na iyo an nagkalda satuya saka nagpatawad kan satong mga kasalan.

Hebreyo 8:6

Alagad an paglingkod na itinao ki Jesus mas marahay ki sa itinao sainda. Siring man, an bagong tipan nin Dios, na si Jesus an tagapagultanan, mas marahay huli ta hinaman iyan sosog sa mas marahay pang mga panuga.

Hebreyo 9:22

Sosog sa Katogonan, haros gabos na bagay nalilinigan kan dugo; kun mayong dugong pinapabulos, mayo man nin kapatawadan nin mga kasalan.

1 Juan 2:12

Sinusuratan ko kamo, mga aki ko, huli ta an saindong mga kasalan pinatawad na dahel ki Cristo.