Mga Gibo 13:21 - Marahay na Bareta Biblia

²¹ Kan maghagad sinda nin hade, itinao sainda nin Dios si Saulo, an aking lalaki ni Kis na gikan sa tribu ni Benjamin. Kwarentang taon na naghade sainda si Saulo.

Mga Gibo 13:21 ပူးပေါင်းရင်းမြစ်များ

1 Samuel 10:1

Dangan kinua ni Samuel an laogan kan lana nin oliba asin inulaan sa payo si Saul. Hinadokan ni Samuel si Saul dangan sinabihan, “An Kagurangnan an naglahid saimo bilang hade kan saiyang banwaan na Israel. Paghahadean mo an saiyang banwaan asin ililigtas sa saindang mga kaiwal. Ini an magigin tanda para saimo na an Kagurangnan an nagpili saimo na magin hade kan saiyang banwaan:

1 Samuel 11:15

Kaya nagduruman sinda gabos sa Gilgal, asin duman sa banal na lugar, saindang ipinahayag si Saul bilang hade. Nag-atang sinda duman nin dolot para sa katoninongan asin nag-orogma nin marahay si Saul saka an gabos na Israelita.

1 Samuel 15:1

Sinabihan ni Samuel si Saul, “Sinugo ako nin Kagurangnan tanganing lahidan ka bilang hade kan saiyang banwaan na Israel. Dangoga an itinataram nin Kagurangnan.

1 Samuel 8:5

asin nagsarabi saiya, “Gurang ka na asin dai nagsusunod kan saimong paarog an saimong mga aking lalaki. Kaya magpili ka nin hade na maghahade samo, arog kan ibang mga nasyon.”

1 Samuel 9:1

Igwa kaidto nin sarong mayaman na lalaki na an ngaran Kis, na gikan sa tribu ni Benjamin; aki siya ni Abiel asin makoapo ni Zeror na aki ni Becorat asin makoapo ni Afia.

1 Samuel 9:15

Kan nakaaging aldaw bago mag-abot duman si Saul, nagpahayag an Kagurangnan ki Samuel,