Mga Gibo 13:11 - Marahay na Bareta Biblia

¹¹ Papadusahan ka ngunyan kan Kagurangnan; mabubuta ka asin dai makakahiling kan liwanag nin aldaw sa talaan na panahon!” Namatean tolos ni Elimas na may naglipod na maitom na alopoop sa mga mata niya; nagkapkap siya sa paghanap nin makabit saiya.

Mga Gibo 13:11 ပူးပေါင်းရင်းမြစ်များ

Genesis 19:11

Pakatapos, binuta kan duwang anghel an gabos na lalaki duman sa luwas kaya dai ninda nahiling an pinto.

2 Mga Hade 6:8

Kan an hade nin Siria nakikigera laban sa Israel, kinaolay niya an saiyang mga opisyal asin nagpili siya nin lugar na papatindogan kan saiyang kampo.

An Libro ni Job 19:21

Kaherakan nindo ako, kaherakan nindo ako, o mga katood ko, huli ta hinampak ako kan kamot nin Dios!

Salmo 32:4

Aldaw-banggi mo akong pinadusahan, Kagurangnan; an sakong kosog naalang siring sa ambon na pinamara kan init nin aldaw.

Salmo 38:2

Huli ta linugad mo ako kan saimong mga pana; hinampak mo ako kan saimong kamot.

Exodo 9:3

papadusahan taka. Papadarahan ko nin makangirhat na helang an gabos mong hayop—an saimong mga kabayo, mga asno, mga kamelyo, mga baka, mga karnero, saka mga kanding.

Isaias 29:10

Huli ta ibinubo saindo nin Kagurangnan an espiritu nin hararom na pagkatorog. Kamong mga propeta iyo kuta an mga mata kan banwaan, alagad binuta kamo nin Dios.

Juan 9:39

Nagsabi si Jesus, “Nagdigdi ako sa kinaban sa paghukom, tanganing makahiling an mga buta asin mabuta an mga nakakahiling.”

Mga Gibo 9:17

Kaya nagduman si Ananias, naglaog sa harong saka idinuta an saiyang mga kamot ki Saulo. Sinabihan niya ini, “Tugang na Saulo, sinugo ako nin Kagurangnan na Jesus na nagpahiling saimo sa dalan kan nagpapasiring ka digdi. Sinugo niya ako tanganing makahiling ka giraray asin mapano ka kan Espiritu Santo.”

Roma 11:25

Mga tugang, sasabihon ko saindo an sarong misteryo tanganing dai kamo mag-isip na anong dodonong nindo: an katagasan kan payo kan banwaan nin Israel dai magdadanay. Sagkod sana iyan sa oras na magdolok sa Dios an tamang bilang kan mga pagano.

Hebreyo 10:31

Makangingirhat an padusa nin Dios na buhay sa mga tawong naggigibo nin siring!

2 Pedro 2:17

An mga tawong ini garo nagmarang burabod, saka mga panganoron na ipinapadpad nin makosog na doros; an Dios may inandam nang madiklom na kairaroman para sainda.

1 Samuel 5:11

Kaya ipinaapod giraray ninda an limang hade kan mga Filisteo dangan sinabihan, “Balikan nindo an Kaban nin Tipan nin Israel sa dating lugar kaiyan, tanganing dai kami magkagaradan sagkod an samong mga pamilya.” Nagkaigwa nin dakulang takot sa bilog na syudad huli ta makuri an padusa nin Dios.

1 Samuel 5:9

Alagad kan yaon na duman an Kaban, pinadusahan man nin Kagurangnan an syudad na idto, kaya nagkatarakot an mga tawo duman. Pinadusahan sinda nin Kagurangnan sa paagi nin mga tumor na nagtalubo sa gabos na nag-eerok sa syudad, aki man o gurang.