Mga Gibo 12:7 - Marahay na Bareta Biblia

⁷ Bigla sanang nagtunga an sarong anghel nin Kagurangnan, dangan nagliwanag sa laog kan bilanggoan. Yinogyog kan anghel si Pedro sa abaga saka sinabihan, “Dali! Magbangon ka!” Natangkas an mga kadena sa mga kamot ni Pedro.

Mga Gibo 12:7 ပူးပေါင်းရင်းမြစ်များ

2 Samuel 22:29

Ika, Kagurangnan, an sakong ilaw; asin pinapaliwanag nin sakong Dios an sakong kadikloman.

1 Mga Hade 19:5

Naghigda siya sa sirong kan kahoy asin mantang natotorog, sarong anghel an nagtikwil saiya saka nagsabi, “Bangon asin kakan!”

1 Mga Hade 19:7

Nagbalik an anghel sa ikaduwang beses, tinikwil giraray si Elias asin nagsabi, “Bangon asin kakan, ta tibaad dai ka makatagal sa saimong paglakaw.”

Salmo 107:14

Hinawas niya sinda sa kamondoan asin kadikloman, saka pinaratod an saindang mga kadena.

Salmo 116:16

Sorogoon mo ako, Kagurangnan; sorogoon mo ako, na aking lalaki kan babae mong oripon. Ako pinatalingkas mo.

Salmo 146:7

minapahiling siya nin hustisya sa inaapi; minatao nin kakanon sa nagugutom. Pinapatalingkas nin Kagurangnan an mga bilanggo;

Salmo 34:7

An mga natatakot sa Kagurangnan binabantayan kan anghel niya, asin iliniligtas sinda sa pag-alaman.

Salmo 68:6

An mga mamondo tinatawan niya nin harong na eerokan; an mga bilanggo pinapangenotan niya paluwas pasiring sa kauswagan; alagad mag-eerok sa alang na daga an mga masombikal.

Isaias 37:30

Dangan sinabihan ni Isaias si Hadeng Ezekias, “Iyo ini an magigin tanda para saimo: Sa taon na ini asin sa masunod, magkakakan kamo kan trigo na dai nindo itinanom kundi nagsadiring magtalubo, alagad sa ikatolong taon, matanom na kamo nin trigo asin maani kaiyan, dangan matanom kamo nin nga ubas asin makakan kan bunga kaiyan.

Isaias 60:1

Tindog, Jerusalem, asin pagliwanag siring sa aldaw! Nagliliwanag sa saimo an kamurawayan nin Kagurangnan!

Jeremias 40:1

Nagtaram sako an Kagurangnan pakatapos na talingkasan ako sa Rama ni Nebuzaradan, an pinakahalangkaw na opisyal kan hukbo. Nakakadenahan na dinara ako kaidto duman, kaiba an ibang mga taga Jerusalem saka taga Juda, na dadarahon bilang mga bilanggo sa Babilonia.

Ezekiel 43:2

Dangan nahiling kong nagdadangadang hale sa sirangan an kamurawayan kan Dios nin Israel. An tingog nin Dios nakakaarog sa hagubohob kan dagat, asin an daga nagliwanag huli kan saiyang kamurawayan.

Daniel 3:28

Nagsabi an hade, “Pag-omawon an Dios ni Sadrak, Mesak, asin ni Abednego! Sinugo niya an saiyang anghel asin ilinigtas an mga lalaking ini na naglilingkod saka nagsasarig sa saiya. Linapas ninda an sakong pagboot asin ibinugtak sa pag-alaman an saindang buhay ki sa magduko asin magsamba sa arin man na dios pwera sa Dios ninda.

Daniel 6:22

Ipinadara nin Dios an saiyang anghel tanganing tikomon an ngoso kan mga leon, kaya dai ako nakagat. Ginibo ini nin Dios huli ta aram niyang mayo akong kasalan saiya asin sa saimo, Mahal na Hade.”

Mikas 7:9

Nagkasala kami sa Kagurangnan, kaya kaipuhan tioson mi sa kadikit na panahon an saiyang kaanggotan. Alagad susurogon niya giraray kami asin babaloson an mga nagkasala samo. Dadarahon niya kami sa liwanag; mahihiling nyamo an pagligtas niya samo.

Habakkuk 3:11

Sa kintab kan marikas mong mga bosog asin sa kinang kan saimong nagkikintab na garod, an aldaw saka an bulan dai naghiro.

Habakkuk 3:4

Nagdadangadang siya kaiba an liwanag nin kikilat; an liwanag nagsisilyab hale sa saiyang kamot, saen natatago an saiyang kapangyarihan.

Mateo 2:13

Pakahale kan mga mago, an anghel nin Kagurangnan nagpahiling ki Jose sa pangatorogan asin nagsabi, “Magbangon ka; idulag mo sa Egipto an mag-ina. Dai ka maghale duman sagkod na sabihan taka, huli ta hahanapon ni Herodes an aki tanganing gadanon.”

Lukas 2:9

Bigla sanang may nagpahiling saindang anghel nin Kagurangnan na nakapaliwanag nin marahay kan lugar na idto. Natakot sinda nin makuri.

Lukas 24:4

Nalilibong pa sinda huli kan nangyari, kan biglang magtunga sa kataed ninda an duwang lalaki na nakagubing nin puti na nagkikintab.

Mga Gibo 10:30

Nagsabi si Cornelio, “Tolo pa sanang aldaw an nakalihis, mga arog kaining oras, namimibi ako sa laog kan sakong harong kan bigla sanang nagtindog sa atubangan ko an sarong lalaking nakagubing nin makintab,

Mga Gibo 12:23

Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

Mga Gibo 12:6

Kan banggi bago iatubang si Pedro ni Herodes sa mga tawo, torog siya sa tahaw nin duwang bantay. Nagagapos siya nin duwang kadena saka nababantayan pa an pintoan kan bilanggoan.

Mga Gibo 12:8

Dangan sinabihan siya kan anghel, “Maghagkos ka saka magsandalyas!” Ginibo ini ni Pedro. Dangan an anghel nagsabi, “Mag-alikboy ka saka sumunod sako!”

Mga Gibo 16:26

Biglang naglinog nin makosog; nayogyog sagkod an mga pundasyon kan bilanggoan. Nagkaburuksan an mga pintoan asin nagkatarangkas an mga kadena kan gabos na bilanggo.

Mga Gibo 2:24

Alagad binuhay siya liwat nin Dios. Pinatalingkas siya sa kapangyarihan nin kagadanan, huli ta imposibleng masa kapangyarihan siya nin kagadanan.

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,

Mga Gibo 9:3

Kan nagdadangadang na siya sa syudad nin Damasco, biglang nagsilyab sa palibot niya an sarong liwanag na hale sa langit.

Efeso 5:14

huli ta an anoman na nahahayag, nagigin liwanag, kaya sinasabi, “Pagmata, ika na natotorog, magbangon ka hale sa mga gadan, asin liliwanagan ka ni Cristo.”

Hebreyo 1:14

Kun siring, ano an mga anghel? Sinda an mga espiritung naglilingkod sa Dios; sinusugo niya sindang magtabang sa mga mag-aako nin kaligtasan.

Kapahayagan 18:1

Pakatapos kaini, nakahiling naman ako nin sarong anghel na naghihilig hale sa langit. Dakula an saiyang kapangyarihan, asin an bilog na kinaban naliwanagan kan saiyang kamurawayan.