Mga Gibo 12:6 - Marahay na Bareta Biblia

⁶ Kan banggi bago iatubang si Pedro ni Herodes sa mga tawo, torog siya sa tahaw nin duwang bantay. Nagagapos siya nin duwang kadena saka nababantayan pa an pintoan kan bilanggoan.

Mga Gibo 12:6 ပူးပေါင်းရင်းမြစ်များ

Genesis 22:14

Kaya an lugar na idto nginaranan ni Abraham “An Kagurangnan Nagtatao.” Sagkod ngunyan an mga tawo nagsasabi, “Sa bulod nin Kagurangnan, siya nagtatao.”

Salmo 4:8

Sa katoninongan ako mahigda dangan matorog; huli ta ika sana, O Kagurangnan, an minapaerok sako sa katiwasayan.

Jeremias 40:1

Nagtaram sako an Kagurangnan pakatapos na talingkasan ako sa Rama ni Nebuzaradan, an pinakahalangkaw na opisyal kan hukbo. Nakakadenahan na dinara ako kaidto duman, kaiba an ibang mga taga Jerusalem saka taga Juda, na dadarahon bilang mga bilanggo sa Babilonia.

Jeremias 40:4

Hahaleon ko an kadena sa saimong mga kamot saka tatalingkasan taka. Kun boot mo, mag-iba ka sako sa Babilonia asin aatamanon taka. Alagad kun habo mo, nasa saimo iyan. Uya an bilog na daga na pwede mong pagpilian, asin magduman ka sa lugar na boot mo.”

Mateo 28:4

Huli kan takot saiya kan mga bantay, tinakigan sinda asin nagkapurukan na garo mga gadan.

Mga Gibo 12:5

Kaya pinabantayan si Pedro sa bilanggoan. Alagad ipinamibi siyang maigot sa Dios kan mga kaayon kan simbahan.

Mga Gibo 21:33

Dinakop si Pablo kan komandante saka ipinagapos nin duwang kadena. Dangan hinapot kan komandante kun siisay siya asin kun ano an ginibo niya.

Mga Gibo 28:20

Iyo ini an dahelan kun tadaw ta hinagad ko na mahiling kamo asin makipag-olay saindo. Nakakadenahan ako dahel saiya, na iyo an paglaom kan mga Israelita.”

Mga Gibo 5:23

“Naabotan mi na nakakandadohan an bilanggoan. An gabos na bantay yaon man sa mga pintoan alagad kan bukasan mi na an pintoan, mayong tawo sa laog!”

Efeso 6:20

Huli kan Marahay na Baretang ini sinugo ako, asin ngunyan nakakadenahan. Kaya mamibi kamo na ikahulit ko iyan na mayong takot siring sa maninigo kong gibohon.

Deuteronomio 32:26

Gabos kuta sinda sakong gagadanon tanganing sa sainda mayo nang makagiromdom.

2 Timoteo 1:16

Maherakan logod nin Kagurangnan an pamilya ni Onesiforo, huli ta dakul na beses niya akong rinanga. Dai niya ikinasopog na nasa bilanggoan ako,

Hebreyo 13:6

Kaya makosog an boot na makakapagsabi kita, “Tatabangan ako kan Kagurangnan; dai ako matatakot. Ano an magigibo nin tawo tumang sako?”