Mga Gibo 12:23 - Marahay na Bareta Biblia

²³ Pinadusahan tolos si Herodes kan sarong anghel nin Kagurangnan, huli ta dai niya itinao sa Dios an kaomawan. Inulod siya dangan nagadan.

Mga Gibo 12:23 ပူးပေါင်းရင်းမြစ်များ

2 Mga Hade 19:35

Kan bangging idto sarong anghel nin Kagurangnan an nagduman sa kampo kan mga taga Asiria asin ginadan an syento otsenta y singko mil na soldados. Pagkaaga kan sunod na aldaw, mahihiling sindang nahuhutad, gabos gadan!

2 Mga Cronica 32:21

An Kagurangnan nagsugo nin sarong anghel na guminadan kan gabos na soldados saka mga opisyal kan hukbo kan emperador nin Asiria. Kaya sa kasopogan nagbalik ini sa saiyang daga. Dangan kan magduman siya sa templo kan saiyang dios, binuno siya sagkod na magadan kan nagkapira niyang aking lalaki.

An Libro ni Job 19:26

Maski pakatapos na tunawon nin helang an sakong kublit, mantang yaon pa sa hawak na ini mahihiling ko an Dios.

An Libro ni Job 7:5

An sakong hawak pano nin mga ulod saka ati; minamara an sakong kublit; an nana nagdadalihig hale sa sakong mga gatok.

Salmo 115:1

Sa saimo sana, Kagurangnan, sa saimo sana, asin bakong sa samo, dapat itao an kamurawayan huli kan danay mong pagkamoot asin pagkamaimbod.

Exodo 10:3

Kaya nagduman si Moises saka si Aaron sa hade asin sinabihan, “An Kagurangnan, an Dios kan mga Hebreyo, nagtaram, ‘Sagkod nuarin ka magmamatagas sa atubangan ko? Tugoteng humale an sakong banwaan tanganing makapagsamba sinda sako.

Exodo 12:12

“Sa bangging iyan, maagi ako sa daga nin Egipto asin gagadanon ko an gabos na matuang lalaki, tawo man o hayop. Papadusahan ko an gabos na dios-dios kan Egipto. Ako an Kagurangnan.

Exodo 12:23

Malibot an Kagurangnan sa Egipto tanganing gadanon an mga Egipcio. Sa oras na mahiling niya an dugo sa mga hamba asin sa itaas kan mga pinto, dai niya tutugotan na lumaog an paragadan sa saindong mga harong tanganing gadanon kamo.

Exodo 12:29

Kan matangang banggi, ginadan nin Kagurangnan an gabos na matuang lalaki sa Egipto, magpoon sa matua kan hade na magmamana kan trono, sagkod sa matua kan bilanggo na nasa bilanggoan; ginadan man niya an gabos na matua kan mga hayop.

Exodo 9:17

Alagad mapaabaw-abaw ka pa sagkod ngunyan asin habo mo pang tugotan na humale an sakong banwaan.

Mga Talinhaga 12:8

Inoomaw an sarong tawo huli sa saiyang kadonongan, alagad isinisikwal an tawong may bikong kaisipan.

Isaias 14:11

Kaidto, inoomaw ka kaiba kan musika nin mga arpa, alagad ngunyan uya ka na sa kinaban kan mga gadan. An mga ulod an saimong magigin higdaan asin mga ulod an saimong magigin tamong.’”

Isaias 37:23

Sa paghona mo, siisay an saimong pinagtutuyatuya asin pinag-oolog-olog? Dai mo ako iginalang, an banal na Dios nin Israel.

Isaias 51:8

mawawara sinda siring sa gubing na kinakan nin mga anay! Alagad an sakong kaligtasan magdadanay sagkod lamang; an sakong pagligtas para sa gabos na henerasyon.”

Isaias 66:24

“Mantang naghahale sinda, mahihiling ninda an mga bangkay kan mga tawong nagrebelde tumang sako. An mga ulod na nagkakakan sainda dai magagadan, asin an kalayong nagsusulo sainda dai nanggad mapapalsok. An tanawon na iyan ikakauyam kan bilog na katawohan.

Ezekiel 28:2

“Aki nin tawo, sabihan mo an pamayo nin Tiro kun ano an itinataram ko saiya, ako an Kagurangnan Dios: Sa kapaabaw-abawan, minasabi ka na ika sarong dios. Minasabi ka na nagtutukaw ka sa trono, arog sa sarong dios sa tahaw nin kadagatan. Nagsasagin-sagin kang sarong dios alagad saro ka man sanang tawo.

Ezekiel 28:9

Sa atubang kan magadan saimo, makakasabi ka pa daw na ika sarong dios, maski tawo ka man sana asin bakong dios?

Mga Gibo 12:22

Nagkurahaw an mga tawo, “Bakong tawo an nagtataram na ini, kundi sarong dios!”

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,

2 Tesalonica 2:4

Sasalungaton niya an pinagsasabing dios-dios o an mga bagay na pinagsasamba, asin ilalangkaw niya an saiyang sadiri. Lalaogon niya an Templo nin Dios, matukaw duman dangan ipapahayag niya na siya an Dios.

1 Samuel 25:38

Pakalihis nin sampolong aldaw, hinampak nin Kagurangnan si Nabal asin nagadan siya.