Mga Gibo 12:20 - Marahay na Bareta Biblia

²⁰ Naanggot nin makuri si Herodes sa mga taga Tiro asin Sidon; kaya boronyog sindang nakipaghilingan ki Herodes. Nakipagkatood ngona sinda ki Blasto, na namamahala kan palasyo, dangan nagduman sinda ki Herodes saka nakipag-olian saiya, huli ta an pagbuhay ninda hale sa daga na sakop kan hade.

Mga Gibo 12:20 ပူးပေါင်းရင်းမြစ်များ

Genesis 10:15

Si Canaan iyo an ama si Sidon, na matua niyang aking lalaki, asin ni Het.

Genesis 10:19

Hale sa Sidon, an saindang teritoryo nakaabot sa Gerar harani sa Gaza sa habagat asin sa Sodoma, Gomorra, Adma saka Zeboiim harani sa Lasa sa sirangan.

2 Mga Cronica 2:10

An saimong mga parapalod nin kahoy tatawan ko nin dos mil na toneladang trigo, dos mil na toneladang sebada, kwatro syentos mil na litro nin arak saka kwatro syentos mil na litro nin lana.”

2 Mga Cronica 2:15

Kaya ngunyan padarahan samo an trigo, sebada, arak saka lana na ipinanuga mo samo.

Esdras 3:7

Binayadan kan mga tawo an mga kantero saka mga karpintero, asin nagtao sinda nin kakanon, inomon, saka lana na ipapadara sa mga taga Sidon asin Tiro bilang karibay kan mga kahoy na sedro hale sa Lebanon, na dadarahon sa paagi nin dagat pasiring sa Jope. Ini gabos ginibo huli sa pagtugot na itinao ni Ciro na emperador nin Persia.

Mga Talinhaga 17:14

An pagpoon nin ribok garo pagpabulos nin tubig; kaya ontokon iyan bago magdakula.

Mga Talinhaga 20:18

Maootob an mga plano kun may matanos na hatol; makigera kun igwa nin matanos na plano.

Mga Talinhaga 25:8

Dai ka magmadali sa pagdara sa hukoman kan ano man na nahiling mo. Huli ta kun may magpatotoo na nasasala ka, ano an saimong gigibohon?

Parahulit 10:4

Kun maanggotan ka kan pamayo, dai ka maghale sa saimong katongdan; huli ta an dakulang mga kasalan pwedeng patawadon kun dai ka sana maggirong.

Ezekiel 27:17

Nakipagnegosyo saimo an Juda saka an Israel. An mga produkto mo rinibayan ninda nin trigo, dugos, lana nin oliba, saka mga pahamot.

Lukas 16:8

Inomaw kan kagurangnan an madayang enkargado huli ta ginamit niya an saiyang isip. Huli ta an mga aki kan kinaban na ini mas madodonong magpalakaw kan mga pagsadiri ninda ki sa mga aki nin liwanag.”

Mga Gibo 12:21

Nagtalaan si Herodes nin sarong aldaw sa pakipaghilingan sa mga tawong ini. Pag-abot kan aldaw na idto, nagsulot siya kan sa hadeng-gubing, nagtukaw sa trono dangan nagdiskurso sainda.

Mga Gibo 21:3

asin nag-abot sa lugar saen natatanaw sa parteng wala mi an isla kan Chipre. Pakatapos, nagdagos kami sa Siria; nagdoong kami sa Tiro huli ta duman may didiskargahon sa barko.

Mga Gibo 21:7

Hale sa Tiro nagpadagos kami sa samuyang pagsakay, sagkod na nag-abot kami sa Tolemaida. Kinomusta mi an mga tugang duman; sarong aldaw kami sa kaibahan ninda.

Josue 19:29

Dangan minaliko an pagdolonan pasiring sa Rama, sagkod sa pinapusog na syudad nin Tiro; dangan minaliko pasiring sa Hosa asin minatapos sa Dagat nin Mediteraneo. Sakop pa kan saindang daga an Mahalab, Aczib,