Mga Gibo 11:21 - Marahay na Bareta Biblia

²¹ An kapangyarihan kan Kagurangnan yaon sainda, asin kadakul na tawo an nagtubod saka nagbalik sa Kagurangnan.

Mga Gibo 11:21 ပူးပေါင်းရင်းမြစ်များ

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

Esdras 8:18

Sa tabang nin Dios, ipinadara ninda samo si Serebias, sarong lalaki na may pakasabot, na sarong Levita na gikan sa kamaganakan ni Mali, asin an dyes y otso niyang aking lalaki saka mga tugang na lalaki.

Nehemias 2:18

Dangan sinabihan ko sinda kun paano ako inibahan saka tinabangan nin Dios, asin kun ano an sinabi sako kan emperador. Nagsimbag sinda, “Poonan ta na an trabaho!” Kaya sinda nag-andam sa pagtrabaho.

Nehemias 2:8

Tawe man ako nin sarong surat para ki Asaf, na paraataman kan kadlagan kan hade, tanganing tawan niya ako nin kahoy para sa mga trangkahan kan bantayan kan Templo, asin para sa mga kudal kan syudad patin para sa harong na sakong eerokan.” Itinao kan hade an gabos kong hinagad huli ta inibahan ako nin Dios.

Isaias 53:1

Nagsimbag an mga tawo, “Siisay daw an pwedeng magtubod sa samong ibinabareta? Siisay daw an pwedeng nakahiling kan kamot nin Kagurangnan sa nangyaring ini?

Isaias 59:1

Dai kamo mag-isip na maluya an Kagurangnan kun kaya dai niya kamo pwedeng iligtas, o na maluya an saiyang pandangog kun kaya dai niya kamo madadangog kun kamo mag-agrangay!

Lukas 1:66

Pinag-isip-isip ini kan gabos na nakadangog; nagsarabi sinda, “Magigin ano daw an aking ini?” Huli ta malinaw na nasa saiya an kapangyarihan nin Kagurangnan.

Mga Gibo 11:24

Marahay na tawo si Bernabe, pano nin Espiritu Santo asin nin pagtubod. Kaya dakul na tawo an nadara niya sa Kagurangnan.

Mga Gibo 15:19

Nagpadagos sa pagtaram si Santiago, “Kaya sinasabihan ko kamo na dai dapat pagribokon an mga pagano na nagdodolok sa Dios.

Mga Gibo 2:47

Nag-oomaw sinda sa Dios; marahay an boot sainda kan gabos na tawo. Aroaldaw idinadagdag sainda an mga ilinigtas kan Kagurangnan.

Mga Gibo 4:4

Alagad dakul sa mga nagdangog kan mensahe an nagturubod asin uminabot sa limang ribo an bilang kan mga lalaki.

Mga Gibo 5:14

Orog na nagdakul pa an mga nagturubod sa Kagurangnan, mga lalaki asin mga babae.

Mga Gibo 6:7

Padagos an paglakop kan tataramon nin Dios. Padagos man an pagdakul kan mga disipulo sa Jerusalem; dakul man na padi an nakombertir sa pagtubod.

Mga Gibo 9:35

Nahiling siya kan gabos na taga Lida saka mga taga Sharon; asin nagtubod man sinda sa Kagurangnan.

1 Tesalonica 1:5

Huli ta dinara mi saindo an Marahay na Bareta, bako sanang sa paagi kan mga tataramon, kundi man sa kapangyarihan asin sa Espiritu Santo, kaiba an pagsarig na iyan totoo. Aram nindo an samong pamumuhay kan kami kaiba pa nindo; ginibo mi iyan sa ikakarahay nindo.