Mga Gibo 10:33 - Marahay na Bareta Biblia

³³ Kaya pinasugoan taka. Salamat ta nagdigdi ka. Ngunyan uya kami gabos sa atubang nin Dios sa pagdangog kan gabos na ipinagboot saimo nin Dios na isabi samo.”

Mga Gibo 10:33 ပူးပေါင်းရင်းမြစ်များ

2 Mga Cronica 30:12

Pinangyari nin Dios na magkasararo an mga taga Juda sa pagkuyog kan saiyang kabotan huli sa pagsunod kan pagboot kan hade asin kan mga opisyal kaini.

Mga Talinhaga 1:5

An mga talinhagang ini makakadagdag sa naaaraman kan mga madonong asin makakagiya sa mga tawong may inadalan,

Mga Talinhaga 18:15

An tawong madonong danay na nagmamawot asin andam na makanood.

Mga Talinhaga 25:12

An patanid nin madonong sa tataong magdangog orog na mahalaga ki sa bulawan na singsing o alahas na gibo sa pinakapinong bulawan.

Mateo 18:4

An siisay man na magpakumbaba siring kan sadit na aking ini, iyo an pinakadakula sa Kahadean nin langit.

Mateo 19:30

Alagad an dakul na naeenot mahuhuri; an dakul na nahuhuri maeenot.

Markos 10:15

Sa katotoohan sinasabihan ko kamo, an siisay man na dai umako kan Kahadean nin Dios siring sa aking sadit dai nanggad makakalaog diyan.”

Mga Gibo 10:32

Ipakua mo sa Jope an sarong tawo na an ngaran Simon Pedro. Nakikisakat siya ki Simon na parabalad nin anit, na an harong nasa tampi kan dagat.’

Mga Gibo 10:34

Nagtaram si Pedro, “Ngunyan ko napatunayan na mayong pinapalaen an Dios,

Mga Gibo 28:28

Nagsabi pa si Pablo, “Kaya, dapat nindong maaraman na an mensahe nin Dios dapit sa kaligtasan ipinadara sa mga pagano; mahinanyog sinda!” [

1 Corinto 3:18

Dai nindo pagdayaon an sadiri nindo. Kun may naghohona saindo na siya madonong sosog sa kinaban na ini, dapat siyang magin garo lolong, tanganing magin siyang talagang madonong.

Galacia 4:14

Alagad maski nagin dakulang kagabatan para saindo an kamugtakan kan sakong hawak, dai nindo ako pinagtuya-tuya o isinikwal, kundi inako na garo ako sarong anghel nin Dios o garo si Cristo Jesus.

Deuteronomio 30:13

Bako man iyan nasa ibong kan dagat, kaya dai kamo pwedeng magsabi, ‘Siisay daw an mabalyo kan dagat asin makua kaiyan para samo, tanganing samong madangog dangan magibo?’

1 Tesalonica 2:13

Igwa pang sarong dahelan kun tadaw ta danay ming pinapasalamatan an Dios; kan ipaghulit mi saindo an mensahe nin Dios, nagdangog kamo saka nagtubod, bakong dahel ta idto hale sa tawo kundi sa Dios, na iyo mananggad an totoo. An bunga kan mensahe nin Dios nahihiling saindo na mga paratubod.

Santiago 1:19

Namomotan kong mga tugang, giromdoma nindo ini: an lambang saro saindo kaipuhan maliksing maghinanyog, alagad maingat sa pagtaram saka maluya sa pag-anggot.

Santiago 1:21

Kaya bayaan nindo an gabos na karapsakan saka maraot na ugale. Mahuyong akoon nindo an tataramon na itinanom nin Dios sa saindong mga puso, huli ta iyo iyan an maligtas saindo.