Mga Gibo 10:3 - Marahay na Bareta Biblia

³ Sarong hapon, mag-aalas tres na kaidto, nagkaigwa siya nin bisyon: malinaw niyang nahiling an sarong anghel nin Dios na naglaog sa namumugtakan niya dangan nag-aapod saiya, “Cornelio!”

Mga Gibo 10:3 ပူးပေါင်းရင်းမြစ်များ

Salmo 55:17

Aga, odto saka banggi ako minareklamo saka minaagrangay, asin dadangogon niya an sakuyang tingog.

Exodo 33:17

Nagtaram an Kagurangnan ki Moises, “Gigibohon ko an sinabi mo, huli ta nawiwilihan taka asin midbid takang gayo.”

Isaias 45:4

Pinipili taka tanganing tabangan mo an sakong sorogoon na Israel, an banwaan na sakong pinili. Tinawan taka nin dakulang onra, maski dai mo pa ako namimidbidan.

Mateo 27:46

Kan mag-aalas tres na, nagkurahaw si Jesus nin makosog, “Eli, Eli, lema sabactani?” na an boot sabihon, “Dios ko, Dios ko, tadaw ta pinabayaan mo ako?”

Lukas 1:11

Nagpahiling saiya an sarong anghel nin Kagurangnan na nagtitindog sa too kan altar nin insenso.

Lukas 2:13

Bigla sanang nagpahiling sa kataed kan anghel an kadakul pang mga anghel hale sa langit, na nag-oomaw sa Dios,

Mga Gibo 10:17

Mantang iniisip ni Pedro kun ano an kahulogan kan bisyon na nahiling niya, nag-abot an mga sinugo ni Cornelio. Ipinaghapot ninda kun haen an harong ni Simon; ngunyan yaon na sinda sa may trangkahan.

Mga Gibo 10:19

Naghohorop-horop pa si Pedro kun ano an kahulogan kan bisyon, kan an Espiritu Santo magsabi saiya, “Pedro, may tolong lalaking naghahanap saimo.

Mga Gibo 10:30

Nagsabi si Cornelio, “Tolo pa sanang aldaw an nakalihis, mga arog kaining oras, namimibi ako sa laog kan sakong harong kan bigla sanang nagtindog sa atubangan ko an sarong lalaking nakagubing nin makintab,

Mga Gibo 10:9

Sunod na aldaw, kan nagdadangadang na sa Jope an mga sinugo, nagsakat si Pedro sa atop kan harong tanganing mamibi. Mag-aalas dose na nin odto kaidto.

Mga Gibo 11:13

Sinabihan niya kami na may nahiling siyang sarong anghel na nagtitindog sa laog kan saiyang harong, na nagsabi saiya, ‘Ipakua mo sa Jope an sarong tawo na an ngaran Simon Pedro.

Mga Gibo 27:23

Huli ta kasubanggi may nagpahiling sakong sarong anghel na sinugo nin Dios na sinasamba ko asin pinaglilingkodan.

Mga Gibo 3:1

Sarong aldaw, nagduman sa Templo si Pedro asin si Juan. Alas tres nin hapon kaidto asin oras nin pamibi.

Mga Gibo 5:19

Alagad kan bangging idto, binuksan kan anghel nin Kagurangnan an pintoan kan bilanggoan, ilinuwas sinda dangan sinabihan,

Mga Gibo 9:10

Duman sa Damasco igwa nin sarong disipulo na an ngaran Ananias. Inapod siya nin Kagurangnan sa paagi nin sarong bisyon saka sinabihan, “Ananias!” Nagsimbag siya, “Uya ako, Kagurangnan.”

Mga Gibo 9:4

Nahulog siya sa kabayo asin nadangog niya an sarong tingog na nagsasabi saiya, “Saulo, Saulo! Tadaw ta pinapasakitan mo ako?”

Hebreyo 1:14

Kun siring, ano an mga anghel? Sinda an mga espiritung naglilingkod sa Dios; sinusugo niya sindang magtabang sa mga mag-aako nin kaligtasan.

Hebreyo 1:4

An Aki ginibong mas dakula ki sa mga anghel siring na an ngaran na itinao saiya nin Dios mas dakula ki sa ngaran kan mga anghel.