Mga Gibo 10:26 - Marahay na Bareta Biblia

²⁶ Alagad pinatindog siya ni Pedro dangan sinabihan, “Tumindog ka; tawo man ako arog saimo.”

Mga Gibo 10:26 ပူးပေါင်းရင်းမြစ်များ

Isaias 42:8

“Ako sana an Kagurangnan na saimong Dios. Mayo nin ibang dios na pwedeng makihiras kan sakong kamurawayan; dai ako matugot na mahirasan kan sakong kaomawan an mga ladawan.

Isaias 48:13

An sakong kamot an nagbugtak kan pundasyon kan kinaban asin an nagbiklad kan kalangitan. Kun inaapod ko an kinaban saka an kalangitan, minadatong sinda tolos asin minatindog sa sakong atubang.

Mateo 4:10

Sinimbag siya ni Jesus, “Humale ka, Satanas! Huli ta nasusurat, ‘Sambahon mo an Kagurangnan mong Dios, asin siya sana an saimong paglingkodan.’”

Kapahayagan 13:8

Sasambahon an hayop na iyan kan gabos na tawo sa daga, pwera kan mga tawo na an ngaran nasusurat, bago pa lalangon an kinaban, sa libro nin buhay na sadiri kan Kordero na ginadan.

Kapahayagan 19:10

Duminapa ako sa pamitisan niya sa pagsamba saiya, alagad sinaway niya ako, “Dai mo iyan paggibohon! Sorogoon man akong arog saimo, arog kan saimong mga tugang na nagdadanay sa katotoohan na ipinahayag ni Jesus. Sambahon mo an Dios!” Huli ta an katotoohan na ipinahayag ni Jesus iyo an buhay kan propesiya.