Mga Gibo 1:3 - Marahay na Bareta Biblia

³ Nagpahiling siya sainda nin dakul na beses sa laog nin kwarentang aldaw pakatapos na siya magadan, sa mga paagi na nagpapatotoo na siya buhay. Sinabihan niya sinda dapit sa Kahadean nin Dios.

Mga Gibo 1:3 ပူးပေါင်းရင်းမြစ်များ

1 Mga Hade 19:8

Nagbangon si Elias, nagkakan saka nag-inom, dangan sa kosog na itinao kan pagkakan na idto, naglakaw siya sa laog nin kwarentang aldaw saka kwarentang banggi pasiring sa Sinai, an bukid nin Dios.

Mateo 21:43

Kaya sinasabihan ko kamo na hahaleon saindo an Kahadean nin Dios asin itatao sa sarong nasyon na makakapabunga kaiyan. (

Mateo 28:9

Alagad sinabat sinda ni Jesus asin sinabihan, “Mapasaindo an katoninongan.” Dinolok ninda si Jesus, kinapotan an saiyang mga bitis dangan sinamba siya.

Mateo 3:2

“Magbakle na kamo,” an sabi niya, “huli ta uya na an Kahadean nin langit!”

Mateo 4:2

Nag-ayuno siya sa laog nin kwarentang aldaw saka kwarentang banggi, asin nagutom siya.

Markos 16:19

Pakatapos na kaolayon kan Kagurangnan na Jesus an mga disipulo, isinakat siya sa langit asin nagtukaw sa too nin Dios.

Juan 20:26

Pakalihis nin sarong semana, nagtiripon giraray an mga disipulo duman sa laog kan harong; kaiba na ninda si Tomas. An mga pintoan binaratan, alagad naglaog si Jesus, puminatahaw sainda saka nagsabi, “Mapasaindo an katoninongan.”

Juan 21:1

Pakatapos kaini, nagpahiling giraray si Jesus sa mga disipulo niya sa baybayon kan Danaw nin Tiberias. Arog kaini an pangyari:

Juan 21:14

Iyo ini an ikatolong pagpahiling ni Jesus sa saiyang mga disipulo poon na mabuhay siya liwat.

Mga Gibo 13:31

Pakatapos, sa laog nin dakul na aldaw nagpahiling siya sa mga nag-iriba saiya kaidto poon sa Galilea sagkod sa Jerusalem. Ngunyan, sinda an saiyang mga saksi sa mga tawo.

Mga Gibo 19:8

Sa laog nin tolong bulan, danay na nagduman si Pablo sa sinagoga asin daing takot na nagpaliwanag sa mga tawo sa pagkombenser sainda dapit sa Kahadean nin Dios.

Mga Gibo 28:23

Kaya nagtalaan sinda nin sarong aldaw. Pag-abot kan aldaw na iyan, dakul na tawo an nagduman sa pinag-eerokan ni Pablo. Poon aga sagkod banggi, ipinaliwanag niya sainda an Kahadean nin Dios saka hiningowa niyang magtubod sinda ki Jesus sa paagi kan Katogonan ni Moises saka kan sinurat kan mga propeta.

Mga Gibo 28:31

Hayag saka mayong olang na naghulit siya dapit sa Kahadean nin Dios asin nagtukdo dapit sa Kagurangnan na Jesu-Cristo.

Mga Gibo 8:12

Alagad kan magtubod sinda ki Felipe mantang ipinaghulit kaini an Marahay na Bareta dapit sa Kahadean nin Dios saka dapit ki Jesu-Cristo, nagpabunyag sinda, mga lalaki asin mga babae.

Roma 14:17

Huli ta an Kahadean nin Dios dai nangangahulogan nin kakanon saka inomon, kundi katanosan, katoninongan asin kaogmahan sa Espiritu Santo.

Deuteronomio 9:18

Dangan nagdapa giraray ako sa atubang nin Kagurangnan sa laog nin kwarentang aldaw asin banggi; dai ako nagkakan o nag-inom nin ano man. Ginibo ko iyan huli ta nagkasala kamo sa Kagurangnan asin pinaanggot nindo siya.

Deuteronomio 9:9

Nagtukad ako sa bukid tanganing akoon an mga tablang gapo na nasusuratan kan tipan nin Kagurangnan sa saindo. Kwarentang aldaw asin banggi ako duman, na dai nagkakan o nag-inom nin ano man.

Colosas 1:13

Ilinigtas niya kita sa kapangyarihan kan kadikloman saka dinara sa kahadean kan saiyang namomotan na Aki,

1 Tesalonica 2:12

Pinakosog mi an boot nindo, rinanga mi kamo saka sinadol na mamuhay na maninigo sa Dios na nag-aapod saindo pasiring sa saiyang Kahadean asin kamurawayan.

1 Juan 1:1

Sinusuratan mi kamo dapit saiya na yaon nang dati poon pa sa kapinonan—an tataramon nin buhay. Nadangog saka nahiling mi siya mismo; napagmasdan saka nakapotan mi siya.