Mga Gibo 1:25 - Marahay na Bareta Biblia

²⁵ na masalihid sa paglingkod na ini asin sa pagkaapostol na binayaan ni Judas tanganing magduman sa lugar na angay saiya.”

Mga Gibo 1:25 ပူးပေါင်းရင်းမြစ်များ

Salmo 109:7

Kun siya bistahon, mapadusahan logod siya; an saiyang pamibi ibilang logod na kasalan!

Mateo 25:41

“Dangan masabi siya sa mga tawong nasa wala niya, ‘Humarayo kamo sako, mga minaldisyon! Dumuman kamo sa daing kataposan na kalayo na inandam para sa Diablo asin sa saiyang mga anghel!

Mateo 25:46

Kaya an mga ini isusubol sa daing kataposan na padusa, alagad an mga matanos maduman sa buhay na daing kataposan.”

Mateo 26:24

Magagadan an Aki nin Tawo siring sa nasusurat manongod saiya, alagad herak man sa tawong mapasaluib sa Aki nin Tawo! Mas marahay pang dai na siya namundag!”

Juan 13:27

Kan maako na ni Judas an tinapay, naglaog saiya si Satanas. Sinabihan siya ni Jesus, “An gigibohon mo, giboha tolos!”

Juan 17:12

Kan ako kaiba pa ninda, ilinikay ko sinda huli sa kapangyarihan kan ngaran mo, an ngaran na itinao mo sako. Binantayan ko sinda asin mayo sainda nin nawara, pwera kan saro na talagang mawawara, tanganing maotob an kasuratan.

Roma 1:5

Sa paagi niya, tinawan ako nin Dios kan balaog nin pagkaapostol tanganing huli ki Cristo madara ko an gabos na nasyon sa pagtubod asin sa pagkuyog ki Cristo.

1 Corinto 9:2

Maski para sa iba ako bakong apostol, alagad ako sarong apostol para saindo! Kamo an tanda kan sakong pagkani-apostol sa Kagurangnan.

Galacia 2:8

Sa paagi kan kapangyarihan nin Dios, ginibo niya akong apostol para sa mga pagano, arog man ki Pedro na ginibo niyang apostol para sa mga Judio.