Mga Bilang 9:2 - Marahay na Bareta Biblia

^2-3 “Sabihan mo an mga Israelita na selebraron an Paskwa sa talaan na panahon, pagsinarom kan ikakatorseng aldaw kan bulan na iyan sosog sa gabos na pagsusundon.”

Mga Bilang 9:2 ပူးပေါင်းရင်းမြစ်များ

2 Mga Hade 23:21

Pinagbotan ni Hadeng Josias an mga tawo na selebraron an Paskwa sa pag-omaw sa Kagurangnan na saindang Dios, sosog sa nasusurat sa libro nin tipan.

2 Mga Cronica 35:1

Nagselebrar si Josias kan Paskwa duman sa Jerusalem sa pag-omaw sa Kagurangnan. Kan ikakatorseng aldaw kan enot na bulan binuno ninda an korderong Pangpaskwa.

Esdras 6:19

Kan ikakatorseng aldaw kan enot na bulan kan sunod na taon, an Paskwa pinagselebrar kan mga tawo na nagbalik hale sa pagkatapokan.

Levitico 23:5

“An Paskwa, na ginigibo sa pag-omaw sa Kagurangnan, minapoon sa banggi kan ikakatorseng aldaw kan enot na bulan.

Mga Bilang 28:16

Selebraron nindo an Paskwa nin Kagurangnan sa ikakatorseng aldaw kan enot na bulan.

Markos 14:12

Sa enot na aldaw kan Pyesta kan Tinapay na Mayo nin Lebadura, an aldaw na pinagbobono an mga kordero paskwal, hinapot si Jesus kan mga disipulo, “Saen mo boot na andamon mi an saimong pamanggihan sa Paskwa?”

Lukas 22:7

Uminabot an aldaw kan Pyesta nin Tinapay na Mayo nin Lebadura, aldaw nin pagbuno kan kordero para sa Paskwa.

Josue 5:10

Mantang nasa Gilgal an mga Israelita duman sa kapatagan na harani sa Jerico, nagselebrar sinda kan Paskwa sa banggi kan ikakatorseng aldaw kan bulan.