Mga Bilang 9:14 - Marahay na Bareta Biblia

¹⁴ “Kun an sarong dayuhan na nakikihimanwa saindo boot magselebrar kan Paskwa, kaipuhan gibohon niya iyan sosog sa gabos na pagsusundon. An pagboot na ini para sa gabos, Israelita man o dayuhan.”

Mga Bilang 9:14 ပူးပေါင်းရင်းမြစ်များ

Esdras 6:21

An mga sakripisyo kinakan kan gabos na nagbalik hale sa pagkatapokan asin kan lambang saro na nag-iba sainda saka nagbaya kan mga paganong gawe kan ibang banwaan, mga tawo na nag-eerok na ngunyan sa daga asin nagsasamba sa Kagurangnan, an Dios nin Israel.

Exodo 12:43

Nagtaram an Kagurangnan ki Moises asin ki Aaron, “Uya an mga pagboot manongod sa Paskwa: Dai pwedeng magkakan kan inandam para sa Paskwa an dayuhan,

Exodo 12:47

An bilog na banwaan nin Israel kaipuhan na magselebrar kan pyestang ini.

Levitico 19:10

Dai man nindo pag-uboson an mga ubas sa saindong ubasan, ni magporot kan mga nagkahurulog; bayaan na nindo iyan para sa mga dukha asin sa mga dayuhan. Ako an Kagurangnan na saindong Dios.

Levitico 22:25

“Dai kamo magdolot nin hayop na hale sa sarong dayuhan bilang dolot na pagkakan. An mga siring na hayop ibibilang na may kaninan asin dai iyan aakoon.”

Levitico 24:22

Saro sanang togon an masakop kan gabos, Israelita man o dayuhan. Ako an Kagurangnan na saindong Dios.”

Levitico 25:15

Ipapabakal an daga sa kantidad na sosog sa bilang kan mga taon na an daga pwedeng magbunga bago umabot an masunod na Taon nin Katalingkasan.

Mga Bilang 15:15

Sagkod lamang, saro sana an pagsusundon nindo asin kan mga dayuhan na nag-eerok sa kaibahan nindo. Sa atubangan nin Kagurangnan, kamo saka an mga dayuhan pareho sana;

Mga Bilang 15:16

magkakaigwa nin saro sanang togon asin saro sanang pagsusundon para saindo saka para sa dayuhan na nag-eerok sa kaibahan nindo.

Deuteronomio 29:11

kababaehan, kaakian, sagkod an mga dayuhan na nakikihimanwa saindo, na nagpuputol nin kahoy asin nagsasakdo para saindo.

Deuteronomio 31:12

Tiponon nindo an gabos na lalaki, babae, aki sagkod an mga dayuhan na nag-eerok sa saindong mga banwa, tanganing madangog ini kan gabos asin makanood sinda na matakot sa Kagurangnan na saindong Dios, asin maimbod na magkuyog kan saiyang mga katukdoan.