Mga Bilang 8:7 - Marahay na Bareta Biblia

⁷ Ini an gibohon mo sa paglinig sainda: wirikan mo sinda kan tubig na panlinig dangan aarisan ninda an saindang bilog na hawak, lalabahan an saindang mga gubing, asin magigin malinig na sinda.

Mga Bilang 8:7 ပူးပေါင်းရင်းမြစ်များ

Genesis 35:2

Kaya sinabihan ni Jacob an saiyang pamilya asin an gabos na kaibahan niya, “Itapok nindo an mga dayuhan na dios na yaon saindo; maglinig kamo kan saindong sadiri asin magsangle kamo kan saindong gubing,

Salmo 51:2

Hugasi ako kan gabos kong karatan; linigi ako kan sakong mga kasalan!

Salmo 51:7

Halea an kasalan ko asin ako malilinigan; hugasi ako, asin magigin maputi ako siring sa ambon.

Exodo 19:10

Tinaraman siya nin Kagurangnan, “Magduman ka sa mga tawo asin sabihan mo na maglinig sinda ngunyan sagkod sa aga. Palabahan mo sainda an saindang mga gubing

Isaias 52:15

Alagad ngunyan mangalas saiya an dakul na nasyon, asin sa pagngalas maalo an mga hade. Huli ta mahihiling ninda an dai pa ninda nabaretaan, asin masasabotan ninda an dai pa ninda nadangog.”

Jeremias 4:14

Jerusalem, hugasa an karatan sa saimong puso, tanganing makaligtas ka. Sagkod nuarin ka mag-iisip nin maraot?

Ezekiel 36:25

Wiwirikan ko kamo nin malinig na tubig dangan magigin malinig na kamo sa gabos nindong dios-dios asin sa gabos na nakadigta sa saindo.

Levitico 15:27

Magigin maati an siisay man na makadotdot kan mga bagay na iyan, asin kaipuhan maglaba kan saiyang gubing asin magkarigos; siya magigin maati sagkod magbanggi.

Levitico 15:6

o makatukaw sa arin man na tinukawan kan lalaking may helang na turo, kaipuhan na maglaba kan saiyang gubing saka magkarigos, asin siya magigin maati sagkod magbanggi.

Levitico 16:28

An matutong kan mga iyan kaipuhan maglaba kan saiyang gubing asin magkarigos bago magbalik sa kampo.

Levitico 8:6

Dangan dinara ni Moises sa enotan si Aaron saka an saiyang mga aking lalaki asin kinarigos niya sinda.

Mga Bilang 19:13

An magduta sa tawong gadan asin dai maglinig kan saiyang sadiri, magdadanay na maati huli ta dai inula saiya an tubig na panlinig. Dinigtaan niya an Tabernakulo nin Kagurangnan, asin dai na siya ibibilang na kaayon sa banwaan nin Dios.

Mga Bilang 31:20

Linigan man nindo an lambang pedaso nin gubing saka an gabos na gibo sa anit, sa balukag nin kanding o sa kahoy.”

Mga Bilang 8:21

Lininigan kan mga Levita an saindang mga sadiri sa saindang mga kasalan asin linabahan ninda an saindang mga gubing. Itinalaga sinda ni Aaron bilang sarong espesyal na regalo sa Kagurangnan, asin ginibo niya an dolot para sa kasalan, tanganing linigan an mga Levita.

Hebreyo 9:10

An gibo nindang iyan manonongod sana sa kakanon, inomon, saka manlaen-laen na rito nin paglinig, na gabos sana para sa hawak asin mahalaga sana sagkod na dai pa ibinubugtak nin Dios an sarong bagong sistema.

Hebreyo 9:13

Kun an pagwirik kan dugo nin kanding, toro saka abo nin tinutong na ogbon na baka nakakalinig sa mga tawong maati,

Santiago 4:8

Rumani kamo sa Dios asin marani an Dios saindo. Mga parakasala, maghanaw kamo kan mga kamot nindo! Kamong mga parasagin-sagin, linigan nindo an saindong mga puso!

1 Pedro 3:21

An tubig na idto tanda kan bunyag na iyo an nagliligtas saindo ngunyan. An bunyag bakong paghugas kan ati sa hawak kundi sarong panuga sa Dios gikan sa malinig na konsyensya. Iliniligtas kamo kan bunyag sa paagi kan pagkabuhay liwat ni Jesu-Cristo.

Kapahayagan 7:14

Sinimbag ko siya, “Dai ko aram; ika an nakakaaram.” Sinabihan niya ako, “Ini an mga tawong nakatagal sa makuring kasakitan. Linabahan ninda an saindang mga gubing asin pinaputi sa paagi kan dugo kan Kordero.