Mga Bilang 8:13 - Marahay na Bareta Biblia

¹³ “Konsagrahon mo para sako an mga Levita bilang espesyal na regalo, asin italaga mo sinda na mga katabang ni Aaron sagkod kan mga aki niya.

Mga Bilang 8:13 ပူးပေါင်းရင်းမြစ်များ

Mga Bilang 18:6

Ako an nagpili kan mga Levita na saimong mga kadugo hale sa gabos na Israelita bilang sarong regalo saimo. Idinolot sinda sako tanganing magibo ninda an saindang katongdan sa Tabernakulo.

Mga Bilang 8:11

asin an mga ini itatalaga ni Aaron bilang espesyal na regalo kan mga Israelita tanganing maglingkod sa sako.

Mga Bilang 8:12

Pakatapos, ibubugtak kan mga Levita an saindang mga kamot sa payo kan duwang torong baka; an saro idodolot mo para sa kasalan asin an saro bilang tinutong na atang, tanganing gibohon an pagtubos sa mga Levita.

Mga Bilang 8:14

Isuhay mo sinda sa ibang mga Israelita sa siring na paagi tanganing magin sadiri ko.

Mga Bilang 8:21

Lininigan kan mga Levita an saindang mga sadiri sa saindang mga kasalan asin linabahan ninda an saindang mga gubing. Itinalaga sinda ni Aaron bilang sarong espesyal na regalo sa Kagurangnan, asin ginibo niya an dolot para sa kasalan, tanganing linigan an mga Levita.

Roma 12:1

Kaya, mga tugang, huli sa dakulang pagkaherak nin Dios sato, nakikiolay ako saindo: Idolot nindo sa Dios an sadiri nindong hawak bilang sarong buhay na atang, banal asin maaako niya. Ini an tunay na pagsamba na dapat nindong itao sa Dios.

Roma 15:16

na magin sorogoon ni Cristo Jesus sa mga pagano. Naglilingkod ako arog sa sarong padi na naghuhulit kan Marahay na Bareta hale sa Dios, tanganing an mga pagano magin sarong dolot na maaako nin Dios, dolot na kinonsagra saiya kan Espiritu Santo.