Mga Bilang 8:12 - Marahay na Bareta Biblia

¹² Pakatapos, ibubugtak kan mga Levita an saindang mga kamot sa payo kan duwang torong baka; an saro idodolot mo para sa kasalan asin an saro bilang tinutong na atang, tanganing gibohon an pagtubos sa mga Levita.

Mga Bilang 8:12 ပူးပေါင်းရင်းမြစ်များ

Exodo 29:10

“Darahon mo sa atubangan kan Tabernakulo an torilyong baka asin sabihan mo si Aaron saka an saiyang mga aki na iduta an saindang mga kamot sa ibabaw kan payo kan torilyong baka.

Levitico 1:4

Iduduta niya an saiyang kamot sa ibabaw kan payo kan hayop, asin aakoon iyan bilang pantubos kan saiyang mga kasalan.

Levitico 14:22

Madara man siya nin duwang salampati o duwang agbaan, an saro para sa dolot para sa kasalan dangan an saro para sa tinutong na atang.

Levitico 16:11

Bubunoon ni Aaron an torong baka bilang dolot para sa saiyang kasalan asin para sa saiyang pamilya.

Levitico 16:21

Iduduta niya an saiyang mga kamot sa ibabaw kan payo kan kanding dangan ikukumpisal niya an gabos na karatan kan banwaan nin Israel, an saindang mga kasalan asin kasombikalan. Sa paaging ini, ibinabalyo niya an gabos na karatan sa payo kan kanding. Pakatapos kaiyan, aalawon an kanding pasiring sa desyerto kan lalaking napili na mag-alaw kaiyan.

Levitico 16:6

Madolot si Aaron nin sarong torong baka bilang dolot para sa saiyang kasalan asin para sa saiyang pamilya.

Levitico 4:15

Iduduta kan mga lider kan komunidad an saindang mga kamot sa ibabaw kan payo kan hayop asin bubunoon ninda iyan sa atubang nin Kagurangnan.

Levitico 4:20

Iyo iyan an gigibohon niya sa hayop, arog kan ginigibo niya sa hayop na idinolot para sa kasalan; sa paaging iyan, idodolot kan padi an atang para sa kasalan kan mga tawo asin papatawadon sinda.

Levitico 4:35

Pakatapos, hahaleon niya an gabos na taba, siring kan paghale niya sa taba kan karnerong binuno bilang dolot para sa katoninongan, asin tututongon niya iyan duman sa altar kaiba kan mga dolot na pagkakan na itinatao sa Kagurangnan. Sa paaging ini, idodolot kan padi an atang para sa kasalan kan nasabing tawo asin papatawadon siya.

Levitico 4:4

Dadarahon niya an baka sa pintoan kan Tabernakulo asin iduduta niya an saiyang kamot sa payo kan hayop dangan bubunoon niya iyan duman sa atubang nin Kagurangnan.

Levitico 5:7

Alagad kun dai niya kayang magdolot nin karnero o kanding bilang kabayadan kan saiyang kasalan, madara siya sa Kagurangnan nin duwang salampati o agbaan; an saro kaiyan bilang dolot para sa kasalan asin an saro bilang tinutong na atang.

Levitico 8:14

Dangan dinara ni Moises an torilyong baka na dolot para sa kasalan asin idinuta ni Aaron saka kan saiyang mga aki an saindang mga kamot sa ibabaw kan payo kan hayop.

Levitico 8:15

Binuno ni Moises an baka, kinua an dugo asin sa paagi kan saiyang muro, linahidan an mga sungay kan altar tanganing konsagrahon ini. Dangan inula niya an natadang dugo sa pamitisan kan altar tanganing konsagrahon asin linigan ini.

Levitico 8:18

Dangan kinua ni Moises an saro sa duwang lalaking karnero para sa tinutong na atang. Idinuta ni Aaron saka kan saiyang mga aki an saindang mga kamot sa payo kan hayop.

Levitico 8:34

Pinagbotan kita nin Kagurangnan na gibohon an ginibo ta ngunyan na aldaw tanganing mahale an saindong kasalan.

Levitico 9:7

Dangan sinabihan niya si Aaron, “Dumuman ka sa altar dangan idolot mo an saimong atang asin an atang kan mga tawo para sa kasalan, saka an tinutong na atang tanganing mahale an saimong kasalan sagkod an kasalan kan mga tawo, siring sa ipinagboot nin Kagurangnan.”

Mga Bilang 6:14

asin madolot siya sa Kagurangnan nin tolong hayop na mayo nin kaninan—sarong lalaking kordero na sarong taon pa sana bilang tinutong na atang, sarong babaeng kordero na sarong taon pa sana bilang dolot para sa kasalan, asin sarong lalaking karnero bilang dolot para sa katoninongan.

Mga Bilang 6:16

Ini gabos dadarahon kan padi sa atubangan nin Kagurangnan asin idodolot niya an dolot para sa kasalan saka an tinutong na atang.

Mga Bilang 8:13

“Konsagrahon mo para sako an mga Levita bilang espesyal na regalo, asin italaga mo sinda na mga katabang ni Aaron sagkod kan mga aki niya.

Mga Bilang 8:8

Pakatapos, padarahon mo sinda nin torilyong baka, kaiba an dolot na pagkakan na arinang sinalakan nin lana; makua ka man nin sarong torong baka bilang dolot para sa kasalan.

Hebreyo 9:22

Sosog sa Katogonan, haros gabos na bagay nalilinigan kan dugo; kun mayong dugong pinapabulos, mayo man nin kapatawadan nin mga kasalan.