Mga Bilang 7:89 - Marahay na Bareta Biblia

⁸⁹ Kan maglaog si Moises sa Tabernakulo tanganing makipag-olay sa Kagurangnan, nadangog niya an Kagurangnan na nagtataram saiya hale sa ibabaw kan takop kan Kaban nin Tipan, sa tahaw kan duwang kerubin na nasa ibabaw kan Kaban nin Tipan.

Mga Bilang 7:89 ပူးပေါင်းရင်းမြစ်များ

1 Mga Hade 6:23

Duwang kerubin na ginibo hale sa kahoy na oliba an ibinugtak sa Kabanal-banaleng Lugar; apat na metros asin kwarenta sentimetros an langkaw kan lambang saro.

Salmo 80:1

Dangoga kami, O Pastor nin Israel; himatea kami, ika na pamayo kan saimong mga karnero. Ika na nakatukaw sa trono sa ibabaw kan mga kerubin,

Salmo 99:1

An Kagurangnan naghahade; magtakig an mga banwaan. Nagtutukaw siya sa saiyang trono, sa ibabaw kan mga kerubin; maglinog an daga.

Exodo 40:34

An Tabernakulo tinahoban kan panganoron asin napano iyan kan nakakasulang liwanag nin Kagurangnan.

Exodo 40:35

Huli kaini, dai nakalaog si Moises sa Tabernakulo.

Levitico 1:1

Hale sa Tabernakulo, inapod nin Kagurangnan si Moises asin tinawan kan minasunod na pagsusundon

Mga Bilang 1:1

Kan enot na aldaw kan ikaduwang bulan kan ikaduwang taon pakahale kan banwaan nin Israel sa Egipto, nagtaram an Kagurangnan ki Moises sa Tabernakulo duman sa Desyerto nin Sinai:

Mga Bilang 11:17

Mahilig ako dangan makikiolay saimo duman. Kukuahon ko an ibang espiritu na itinao ko saimo asin itatao ko sainda tanganing makatabang sinda sa pag-otob mo sa saimong katongdan para sa mga tawong ini; dangan dai ka na magsosolo sa pag-otob kaiyan.

Mga Bilang 12:8

Hampangan ko siyang kinakaolay, maliwanag kong itinataram saiya an gabos asin bako sa mga paokod; nahiling niya an sakong porma. Tadaw ta nangahas kamong magtaram laban sa sorogoon kong si Moises?”

Mga Bilang 8:1

Nagtaram an Kagurangnan ki Moises,

Hebreyo 4:16

Kaya pakosogon ta an satong boot na magdolok sa trono nin biyaya, tanganing makamtan ta an pagkaherak asin makua ta an biyaya sa panahon nin pangangaipo.

1 Pedro 1:12

Ipinahayag sainda nin Dios na idtong gibo ninda bakong sa sadiri nindang karahayan kundi para saindo. An mga bagay na ini ibinareta na ngunyan saindo kaidtong mga naghulit kan Marahay na Bareta huli sa Espiritu Santo na hale sa langit. Maski an mga anghel boot man masabotan an mga bagay na ini.

1 Samuel 4:4

Kaya nagsugo sinda nin mga lalaki pasiring sa Shilo dangan kinua duman an Kaban nin Tipan nin Kagurangnan na nasa tahaw kan mga kerubin. An duwang aking lalaki ni Eli na si Hofni asin si Finehas, nag-iba sa Kaban nin Tipan.