Mga Bilang 7:84 - Marahay na Bareta Biblia

^84-88 Iyo ini an mga dolot na dara kan doseng lider nin Israel, kan konsagrahon an altar: –doseng platang mangko asin doseng platang palanggana, na an kabilogan na timbang uminabot sa beynte y syete kilos, seis syentos gramos. –doseng bulawan na platong an kabilogan na timbang uminabot sa sarong kilo may treynta y dos gramos asin pano nin insenso –doseng torilyong baka, doseng lalaking karnero asin doseng kordero na manangtaon an edad bilang mga tinutong na atang, kaiba an mga dolot na pagkakan –doseng kanding bilang dolot para sa kasalan –beynte y kwatrong torong baka, sesentang lalaking karnero, sesentang kanding, sesentang kordero na manangtaon an edad bilang dolot para sa katoninongan

Mga Bilang 7:84 ပူးပေါင်းရင်းမြစ်များ

Exodo 25:29

Gumibo kamo nin mga plato para sa insenso. Gumibo man kamo nin kalis, dulay saka mangko para sa dolot na arak. Iyan gabos gibohon nindo sa purong bulawan.

Mga Bilang 7:1

Kan aldaw na mapatindog ni Moises an Tabernakulo, linahidan niya asin kinonsagra iyan; linahidan man niya dangan kinonsagra an mga kasangkapan kan Tabernakulo, an altar asin an mga kagamitan kaiyan.

Mga Bilang 7:10

Nagdara man an mga lider nin mga dolot tanganing selebraron an pagkonsagra kan altar. Kan andam na sinda sa pagdara kan saindang mga dolot sa altar,

Hebreyo 13:10

An mga pading naglilingkod sa lugar na pagsasambahan mayo nin deretso na magkakan kan atang sa satong altar.

Kapahayagan 21:14

An kudal kan syudad napapatugmad sa doseng gapo na sa ibabaw kaiyan nakasurat an mga ngaran kan doseng apostol kan Kordero.