Mga Bilang 7:1 - Marahay na Bareta Biblia

¹ Kan aldaw na mapatindog ni Moises an Tabernakulo, linahidan niya asin kinonsagra iyan; linahidan man niya dangan kinonsagra an mga kasangkapan kan Tabernakulo, an altar asin an mga kagamitan kaiyan.

Mga Bilang 7:1 ပူးပေါင်းရင်းမြစ်များ

Genesis 2:3

Kaya benendisyonan niya asin pinabanal an ikapitong aldaw, huli ta sa aldaw na iyan nagpahingalo siya sa gabos niyang gibo nin paglalang.

1 Mga Hade 8:64

Kan aldaw man na iyan, kinonsagra kan hade an tahaw kan patyo na nasa atubangan kan Templo; idinolot niya duman an mga tinutong na atang, an dolot na pagkakan, asin an taba kan mga hayop bilang mga dolot para sa katoninongan. Duman niya ini ginibo huli ta an bronseng altar sadit nin marahay para sa gabos na dolot.

Exodo 13:2

“Ikonsagra nindo sa sako an gabos na matuang lalaki, huli ta rogaring ko an lambang matuang lalaking Israelita asin an lambang matuang lalaking hayop.”

Exodo 29:36

Aroaldaw maatang ka nin lalaking baka bilang dolot sa pagpatawad kan kasalan. Huli kaini malilinigan an altar. Dangan lahidan mo ini nin lana tanganing makonsagra.

Exodo 40:11

Lahidan mo man dangan konsagrahon an palangganang hanawan asin an tumbawan.

Mga Bilang 17:2

“Sabihan mo an mga Israelita na tawan ka nin doseng sugkod, saro hale sa lider kan lambang tribu. Isurat mo an ngaran kan lambang lider sa saiyang sugkod

Mga Bilang 7:10

Nagdara man an mga lider nin mga dolot tanganing selebraron an pagkonsagra kan altar. Kan andam na sinda sa pagdara kan saindang mga dolot sa altar,

Mga Bilang 7:84

Iyo ini an mga dolot na dara kan doseng lider nin Israel, kan konsagrahon an altar: –doseng platang mangko asin doseng platang palanggana, na an kabilogan na timbang uminabot sa beynte y syete kilos, seis syentos gramos. –doseng bulawan na platong an kabilogan na timbang uminabot sa sarong kilo may treynta y dos gramos asin pano nin insenso –doseng torilyong baka, doseng lalaking karnero asin doseng kordero na manangtaon an edad bilang mga tinutong na atang, kaiba an mga dolot na pagkakan –doseng kanding bilang dolot para sa kasalan –beynte y kwatrong torong baka, sesentang lalaking karnero, sesentang kanding, sesentang kordero na manangtaon an edad bilang dolot para sa katoninongan

Mateo 23:19

Talagang buta kamo! Arin an mas mahalaga, an dolot o an altar na nagpapabanal kan dolot?